ມີເດຍລາວແຂວງຈຳປາສັກ ຂ່າວ​-ພາບ ໄຊຍະສິດ​ ​ສີຫາວົງ​ ຖວທ ເມືອງ​ຈຳປາສັກ.​
ຕອນບ່າຍຂອງວັນທີ 22 ມີຖຸນາ​ 2021​ນີ້​ ທ່ານ ປະດິດ ວັນນະລັດສະໝີ ຄະນະປະຈຳພັກແຂວງ​ ປະທານຄະນະກວດກາພັກແຂວງ, ພ້ອມຄະນະ, ໄດ້ລົງເຄື່ອງໄຫວຊຸກຍູ້ວຽກງານກວດກາ ຢູ່ເມືອງຈຳປາສັກ,​ໂດຍເປັນກຽດຕ້ອນຮັບຂອງ ທ່ານ ສີຈະເລີນໄຊ ສີລາເພັດ ຮອງເລຂາພັກເມືອງ ປະທານກວດກາພັກ-ລັດເມືອງຈຳປາສັກ, ມີປະທານກວດກາພັດພາຍໃນເມືອງ, ພ້ອມດ້ວຍ​ຫົວໜ້າໜ່ວຍງານກວດກາລັດຂອງຫ້ອງການອ້ອມຂ້າງຂອງເມືອງ ແລະ ພະນັກງານວິຊາການຂອງຄະນະກວດກາພັກ ເມືອງຈຳປາສັກ, ເຂົ້າຮ່ວມທັງໝົດມີ 77ທ່ານ/ຍິງ19.

ໃນໂອກາດດັ່ງກ່າວ ທ່ານ ສີຈະເລີນໄຊ ສີລາເພັດ​ ຮອງເລຂາພັກເມືອງ ປະທານກວດກາພັກ-ລັດເມືອງ ໄດ້ລາຍງານກຽ່ວກັບການເຄື່ອນໄຫວວຽກງານກວດກາ 6ເດືອນ,​ຕົ້ນປີ 2021 ແລະ ທິດ​ທາງ​ແຜນການ​6ເດືອນ​ທ້າຍປີໃຫ້ຮູ້ວ່າ:ຄະນະກວດກາພັກເມືອງຈຳປາສັກໄດ້ເອົາໃຈໃສໃນການຈັດຕັ້ງປະຕິບັດ ສິດ ແລະ ພາລະບົດບາດຂອງຕົນຕິດຕາມການຈັດຕັ້ງຜັນຂະຫຍາຍການປະຕິບັດແນວທາງນະໂຍບາຍ ມະຕິ ຄຳສັ່ງ ຂໍ້ກຳນົດ ກົດລະບຽບພັກ ໃນຄະນະພັກແຕ່ລະຂັ້ນ, ໄດ້ກວດກາປະຕິບັດໜ້າທີ່ບໍລິຫານລັດຢູ່ບັນດາຫ້ອງການອ້ອມຂ້າງເມືອງໄດ້ 7 ຫ້ອງການ ເອົາໃຈໃສຕໍ່ວຽກ ສະກັດກັ້ນຕ້ານການສໍລາດບັງຫຼວງ ແລະ ແກ້ໄຂຄຳຮອງ ຄຳສະເໜີໄດ້,​ໍນອກນີ້ຜູ້ເຂົ້າຮ່ວມກອງປະຊຸມຍັງໄດ້ສະແດງຄວາມຄິດເຫັນແລະແລກປຽ່ນບົດຮຽນຮ່ວມກັນ, ກຽ່ວກັບວຽກງານກວດກາພາຍໃນເມືອງຈຳປາສັກ, ເພື່ອເຮັດໄຫ້ການຈັດຕັ້ງປະຕິບັດວງກງານກວດກາຂອງເມືອງໄດ້ຮັບຜົນສຳເລັດຍີ່ງໆໆຂື້ນ.​

ຈາກນັ້ນກໍ່ໄດ້ຮັບຟັງການໂອລົມຊີ້ທິດເຍືອງທາງ ຂອງ ທ່ານ ປະດິດ ວັນນະລັດສະໝີ​ ຄະນະປະຈຳພັກແຂວງ ປະທານຄະນະກວດກາພັກແຂວງ, ເຊິ່ງກ່ອນອື່ນທ່ານໄດ້ກ່າວຍ້ອງຍໍຊົມເຊີຍຕໍ່ໝາກຜົນ-ຜົນງານທີ່ທາງຄະນະກວດກາຂອງເມືອງຈຳປາສັກຍາດມາໄດ້, ຈາກນັ້ນທ່ານກໍ່ໄດ້ເນັ້ນໃຫ້ຄະນະກວດກາພັກຂອງເມືອງເອົາໃຈໃສໃນການສ້າງໜ່ວຍພັກປອດໃສ,ເຂັ້ມແຂງ, ໜັກແໜ້ນ, ແກ້ໄຂຈຸດອ່ອນ ແລະ ຂໍ້ຄົງຄ້າງຕ່າງໆ ຊຸກຍູູ້ແລະເພີ່ມທະວີຄວາມຮັບຜິດຊອບຂອງຕົນຕໍ່ວຽກງານສະກັດກັ້ນຕ້ານການສໍ້ລາດບັງຫຼວງ ເພື່ອຊ່ວຍກັນແກ້ໄຂບັນຫາປະກົດການຫຍໍ້າທໍ້ໃຫ້ຄ່ອຍໆໝົດໄປຈາກສັງຄົມ, ນອກຈາກນີ້ແລ້ວທ່ານຍັງໄດ້ເນັ້ນໃສ່ຫຼາຍບັນຫາເພື່ອເປັນຊ່ອງທາງໃນການຈັດຕັ້ງປະຕິບັດວຽກງານກວດກາໃຫ້ໄດ້ຮັບຜົນສຳເລັດຕາມລະດັບຄາດໝາຍ