ມີເດຍລາວແຂວງຈຳປາສັກ ຂ່າວ-ພາບ: ນາງ ພຽນຖະໜອນ ນັກຂ່າວແນວເມືອງ
ໃນວັນທີ 21ມິຖຸນາ2021ນີ້ທ່ານ ທະວີສຸກ ຜິວຄຳພາ ຄະນະປະຈຳພັກເມືອງ ປະທານແນວລາວສ້າງຊາດເມືອງບາຈຽງຈະເລີນສຸກ ແຂວງຈຳປາສັກ ພ້ອມຄະນະໄດ້ມອບເງິນນະໂຍບາຍກອງທຶນຊ່ວຍເຫຼືອເຊິ່ງກັນແລະກັນໃຫ້ແກ່ຄອບຄົວສະມາຊິກຜູ້ເສຍຊີວິດສົບທີ12 ຢູ່ທີ່ຫ້ອງການດັ່ງກ່າວຈຳນວນ 5.000.000ກີບ(ຫ້າລ້ານ ກີບຖ້ວນ)ທີ່ໄດ້ຈາກການປະກອບສ່ວນຂອງຄະນະກຳມະການແນວແຕ່ລະຂັ້ນເພື່ອເປັນການແບ່ງເບົາຕໍ່ສະມາຊິກຄອບຄົວຜູ້ເສຍຊີວິດຮັບໂດຍທ່ານ ສົມພອນ ຄະນະປະທານແນວລາວສ້າງຊາດບ້ານໝື່ນຫຼວງ ຕ່າງໜ້າຄະນະພັກ-ອຳນາດການປົກຄອງບ້ານ ແລະ ຄອບຄົວສະມາຊິກກອງທຶນ ພ້ອມນັ້ນທ່ານ ທະວີສຸກ ຜິຄຳພາ ຄະນະປະຈຳພັກເມືອງປະທານແນວລາວສ້າງເມືອງບາຈຽງຈະເລີນສຸກຍັງໃຫ້ຄະນະກຳມະການແນວບ້ານດັ່ງກ່າວເພີ້ມທະວີເຮັດວຽກງານການເມືອງແນວຄິດໃນການປຸກລະດົມປະຊາຊົນພາຍໃນຂອບເຂດຄວາມຮັບຜິດຊອບເພື່ອປະກອບສ່ວນເຂົ້າຮ່ວມກອງທຶນຊ່ວຍເຫຼືອເຊິ່ງກັນແລະກັນຫຼາຍຂຶ້ນ.