ມີເດຍລາວແຂວງຫຼວງພະບາງ ຂໍ້ມູນ: ສຸລິວັນ ຕິ່ງພູທອງ . ຮຽງຮຽງ: ໄຊຍະສອນ ລັດຕະນະວົງ.
ຕາມການລາຍງານຂອງ ສະຫາຍ ຮ້ອຍເອກ ສຸລິວັນ ຕິ່ງພູທອງ ພະນັກງານປະຈໍາຢູ່ກອງບັນຊາການທະຫານເມືອງດັ່ງກ່າວໄດ້ໃຫ້ຮູ້ວ່າ. ພາຍຫຼັງທີ່ໄດ້ລົງມືປຸກສ້າງເຮືອນໄວ້ລົດຂອງກອງບັນຊາການທະຫານເມືອງນໍ້າບາກແຂວງຫຼວງພະບາງ ມາແຕ່ຕົ້ນເດືອນ ມິຖຸນາ 2021 ເຊິ່ງມາຮອດປັດຈຸບັນແມ່ນສໍາເລັດແລ້ວ 100 ສ່ວນຮ້ອຍເຮືອນໄວ້ລົດດັ່ງກ່າວຂອງກົມກອງມີຄວາມກ້ວາງ 6 ແມັດ, ຍາວ 30 ແມັດ, ລວມມູນຄ່າການກໍ່ສ້າງທັງໝົດ 5 ລ້ານກີບ.

ໂດຍແມ່ນງົບປະມານທືນຂອງກົມກອງກຸ້ມຕົນເອງພາຍໃຕ້ການຊີ້ນາ – ນໍາພາຂອງຄະນະພັກ – ຄະນະບັນຊາຕະຫຼອດອ້າຍນ້ອງພະນັກງານນັກຮົບພາຍໃນກົມກອງເຂົ້າຮ່ວມໃນການປຸກສ້າງ. ຈຸດປະສົງໃນການກໍ່ສ້າງເຮືອນໄວ້ລົດຂອງກອງບັນຊາການທະຫານເມືອງນໍ້າບາກແຂວງຫຼວງພະບາງໃນຄັ້ງນີ້ກໍ່ເປັນການປັບປຸງກໍ່ສ້າງກົມກອງໃຫ້ຫັນເຂົ້າສູ່ລະບຽບແບບແຜນທີ່ທັນສະໄໝຕາມທິດນໍາປັບປຸງກໍ່ສ້າງກໍາລັງປະກອບອາວຸດໃຫ້ນັບມື້ເຕີບໃຫ່ຍເຂັ້ມແຂງກາຍເປັນກອງທັບປະຕິວັດທີ່ມີແບບແຜນທັນສະໄໝຢ່າງບໍ່ຍຸດຢັ້ງ ແລະ ກໍ່ເພື່ອເຮັດໃຫ້ພະນັກງານ – ນັກຮົບໄດ້ມີສະຖານທີ່ໄວ້ລົດທີ່ສະດວກ, ສະບາຍເພື່ອຮັບປະກັນຄວາມເປັນລະບຽບຮຽບຮ້ອຍ ແລະສວຍສົດງົດງາມຂອງກົມກອງ.