ມີເດຍລາວແຂວງສາລະວັນ ໂດຍ: ໂສພາ​ສໍໄຊ
ທ້າວ ນຽມ​ ໃສສູນທອນ​ ບ້ານ ນາເຕີຍ​ ເມືອງຄົງເຊໂດນ​ ຜູ້ຕິດເຊື້ອພະຍາດໂຄວິດ-19​ ຄົນທຳອິດຂອງແຂວງສາລະວັນ, ກວດພົບເຊື້ອໃນຄັ້ງວັນທີ 15​ເມສາ​​2021,​ ຜູ້ກ່ຽວນອນປິ່ນປົວທີ່​ໂຮງໝໍ​ແຂວງສາລະວັນ​ ແລະ​ໄດ້ປິ່ນປົວຫາຍດີອອກໂຮງໝໍໃນຄັ້ງວັນທີ 29​ ເ​ມສາ​ 2021,​ ໄດ້ມາໄຊ້ຊີວິດຢູ່ກັບຄອບຄົວເໝືອນກັບຄົນປົກກະຕິທົ່ວໄປແລ້ວ,​ #ແຕ່ຍັງເຮັດໃຫ້ສັງຄົມ​ຢ້ານກົວຕໍ່ເຊື້ອພະຍາດດັ່ງກ່າວ​ ນຳມາຊື້ງຄວາມລັງກຽດກັນທາງສັງຄົມ.​

ຈາກການສຳພາດອຳນາດການປົກຄອງບ້ານນາເຕີຍໃຫ້ຮູ້ວ່າ: ມີບາງກຸ່ມຄົນ!.. ຍ້ອນຄວາມຢ້ານກົວ,​ ມີລັກຊະນະຄ້າຍຄືລັງກຽດຄອບຄົວ​ຜູ້ຕິດ​ເຊື້ອ, ຊ້ຳບໍ່ໜໍາຍັງມີແນວຄິດຢ້ານກົວປະຊາຊົນພາຍໃນບ້ານ​ ນາເຕີຍ​ ອີກດ້ວຍ,​ ໂດຍສະເພາະແມ່ນມີປະຊົນບາງຄົນບ້ານ​ ນາເຕີຍ ໄປຊື້ເຄື່ອງຢູ່ບ້ານອື່ນກໍ່ຖືກປະຕີເສດບໍ່ຂາຍໃຫ້,​ ບໍ່ຢາກເວົ້ານໍາ,​ ບາງຄົນກໍ່ແລ່ນຫຼົບໜີ,​ ແລະນິນທາເວົ້າສຽດສີອື່ນໆ.

ຕໍ່ກັບສະພາບການດັ່ງກ່າວທ້າວ​ ນຽມ​ ໃສສູນທອນ​ ໄດ້ໃຫ້ສຳພາດວ່າ: ຂໍຄວາມເຫັນໃຈຈາກສັງຄົມ,​ ໃຫ້ອະໄພ,​ ໃຫ້ຮັກສານຳ້ໃຈຄວາມສາມັກຄີປອງດອງ,​ ຮັກແພງຊ່ວຍເຫຼືອເຊິ່ງກັນ ແລະກັນ,​ ຕົວຂ້າພະເຈົ້າເອງແຕ່ຕົ້ນກໍ່ບໍ່ໄດ້ຮູ້ສືກວ່າຕົນເອງຕິດເຊື້ອພະຍາດໂຄວິດ-19​ ເພາະບໍ່ໄດ້ມີອາການໄຂ້,​ ໄອ, ຈາມ​ ມີຄວາມຮູ້ສືກຢູ່ເໝືອນກັບຄົນປົກກະຕິທົ່ວໄປ ແລະມີຈຸດປະສົງຍາກກັບມາຫາຄອບຄົວ.

ອີກເທື່ອເທື່ອໜື່ງກໍ່ໄດ້ສະແດງຄວາມຂອບໃຈຕໍ່ພະນັກງານແພດໝໍໄດ້ປິ່ນປົວຈົນຫາຍດີ ແລະສະແດງຄວາມຮູ້ບຸນຄຸນຢ່າງສູງຕໍ່ການຈັດຕັ້ງແຕ່ລະຂັ້ນ.​