ມີເດຍລາວແຂວງເຊກອງ ໂດຍ: ພອນ ບຸນອຸທິດ ກວດແກ້ໂດຍ: ສະຫຍາມ ຈັນທະສອນ
ກອງປະຊຸມເຊື່ອມຊຶມມະຕິ XI ຂອງພັກ,ມະຕິ X ຂອງອົງຄະນະພັກແຂວງເຊກອງ ແລະ ມະຕິ VI ຂອງອົງຄະນະພັກເມືອງທ່າແຕງດຳເນີນໄປໃນລະຫ່ວາງ ວັນທີ 23 – 25 ມິຖຸນາ 2021 ນີ້ ທີ່ສະໂມສອນຂອງເມືອງໂດຍການເປັນປະທານຮ່ວມຂອງສະຫາຍນາງ ຈັນຫອມ ມະຫາໄຊ ຮອງເລຂາພັກແຂວງ ແລະ ສະຫາຍ ສົມເພັດ ເອີດລັດດາ ເລຂາພັກເມືອງ ເຈົ້າເມືອງໆທ່າແຕງມີຄະນະປະຈຳພັກເມືອງ,ກຳມະການພັກເມືອງ,ສອງກຳລັງປະກອບອາວຸດ ພ້ອມດ້ວຍຫົວໜ້າຫ້ອງການ-ຄະນະຫ້ອງການໃນທົ່ວເມືອງເຂົ້າຮ່ວມ.

ສະຫາຍສົມເພັດ ເອີດລັດດາ ເລຂາພັກເມືອງ ເຈົ້າເມືອງໆທ່າແຕງໄດ້ມີຄຳເຫັນວ່າ:ຜັນຂະຫຍາຍມະຕິກອງປະຊຸມໃຫຍ່ຄັ້ງທີXI ຂອງພັກປະຊາຊົນປະຕິວັດລາວ,ມະຕິກອງປະຊຸມໃຫ່ຍຄັ້ງທີX ຂອງອົງຄະນະພັກແຂວງ ແລະ ມະຕິກອງປະຊຸມໃຫ່ຍຄັ້ງທີ VI ຂອງອົງຄະນະພັກເມືອງທ່າແຕງແມ່ນມີຄວາມໝາຍຄວາມສຳຄັນຢ່າງຍິ່ງເພື່ອພ້ອມກັນສ້າງຄວາມເປັນເອກະພາບ,ຄວາມຮັບຮູ້ເຂົ້າໃຈຕໍ່ເນື້ອໃນຂອງມະຕິດັ່ງກ່າວໃຫ້ມີທັດສະນະຖືກຕ້ອງ,ມີມານະຈິດ,ມີຄວາມຕັດສິນໃຈເປັນເອກະພາບໃນການຈັດຕັ້ງປະຕິບັດໃຫ້ມີຜົນສຳເລັດໃໝ່ເຂັ້ມແຂງຂຶ້ນກວ່າເກົ່າພ້ອມທັງແກ້ໄຂຂໍ້ຄົງຄ້າງ,

ແບບແຜນວິທີເຮັດວຽກທີ່ບໍ່ຖືກຕ້ອງສອດຄ່ອງໃນໄລຍະຜ່ານມາເພື່ອພັດທະນາເມືອງ ທ່າແຕງໃຫ້ກ້າວຂຶ້ນ ໂດຍຫັນປ່ຽນທາງດ້ານແນວຄິດ ແລະ ຈິນຕະນາການຢ່າງແຂງແຮງ,ປັບປຸງ,ຍົກສູງຫຼັກໝັ້ນການເມືອງແນວຄິດ,ຍົກສູງນ້ຳໃຈເສຍສະຫຼະ,ຍຶດໝັ້ນອຸດົມການປະຕິວັດ,ເພີ່ມທະວີຄວາມສາມັກຄີພາຍໃນພັກແລະພາຍນອກໃຫ້ໜັກແໜ້ນກວ້າງຂວາງ.

ນອກຈາກນີ້ແລ້ວຍັງໄດ້ເຊື່ອມຊຶມແຜນພັດທະນາເສດຖະກິດ-ສັງຄົມແຫ່ງຊາດຄັ້ງທີ IX (2021-2025),ແຜນພັດທະນາເສດຖະກິດຂອງແຂວງ 5 ປີຄັ້ງທີ 9(2021-2025),ແຜນພັດທະນາເສດຖະກິດຂອງເມືອງ 5 ປີ,ຄັ້ງທີ VI (2020-2024)ພ້ອມທິດທາງລວມ,ທິດທາງຈຸດສຸມ ແລະໜ້າທີ່ຕົ້ນຕໍຂອງແຕ່ລະກົມກອງວາງອອກເພື່ອນຳພາເມືອງ ທ່າແຕງ ຫຼຸດພົ້ນອອກຈາກຄວາມທຸກຍາກ. ຈາກນັ້ນ ກອງປະຊຸມກໍໄດ້ມີການແບ່ງຈຸເພື່ອຄົ້ນຄວ້າພິຈາລະນາບັນຫາຕ່າງໆທີ່ຈະຕ້ອງໄດ້ແກ້ໄຂໃນຕໍ່ໜ້າ.