ມີເດຍລາວແຂວງບໍ່ແກ້ວ ຂ່າວ-ພາບ: ບຸນເພັດ ໄຊຍະວົງ
ການຝຶກອົບຮົມການນຳໃຊ້ Microsoft Excel ເພື່ອນຳໃຊ້ສ້າງຫງົບປະມານ, ການຄິດໄລ່ແຜນຫງົບປະມານ, ໃຫ້ພະນັກງານວິຊາການພະແນກຖະແຫຼງຂ່າວ,ວັດທະນະທໍາ ແລະ ທ່ອງທ່ຽວ(ຖວທ) ແຂວງບໍ່ແກ້ວ ໂດຍການເຂົ້າຮ່ວມຂອງ ປອ ສົມຄິດ ວົງປັນຍາ ກໍາມະການພັກແຂວງ, ຫົວຫນ້າພະແນກຖະແຫຼງຂ່າວ, ວັດທະນະທໍາ ແລະ ທ່ອງທ່ຽວແຂວງບໍ່ແກ້ວ, ມີຮອງຫົວຫນ້າພະແນກ, ຫົວຫນ້າຂະແຫນງ, ຮອງຂະແຫນງ, ຫົວຫນ້າ – ຮອງກອງວິຊາການຕະຫຼອດ ຮອດພະນັກງານວິຊາການພະແນກ ຖວທ ແຂວງບໍ່ແກ້ວ ເຂົ້າຮ່ວມ.

ປອ ສົມຄິດ ວົງປັນຍາ ຫົວໜ້າພະແນກ ໃຫ້ຮູ້ວ່າ: ຈຸດປະສົງໃນຝຶກອົບຮົມໃນຄັ້ງນີ້ ເພື່ອນໍາໃຊ້ Microsoft Excel ເຂົ້າໃນການສ້າງຕາຕະລາງຂຶ້ນແຜນງົບປະມານ, ການຄິດໄລ່ແຜນງົບປະມານບົດສະເຫນີໂຄງການ ແລະ ການນໍາໃຊ້ສື່ສັງຄົມອອນລາຍ ເພື່ອຕິດຕາມຂໍ້ມູນຂ່າວສານ ແລະ ທັງເປັນການການສ້າງຂີດຫມາຍຄວາມສາມາດໃນການສ້າງແຜນງົບປະມານ, ບົດສະເຫນີໂຄງການ ແລະ ແຜນກິດຈະກໍາຂອງພະແນກ ຖວທ, ໂດຍສະເພາະ ແມ່ນເພື່ອແນໃສ່ເຮັດໃຫ້ພະນັກງານວິຊາການ ຜູ້ສ້າງແຜນສັງລວມວຽກງານຂອງແຕ່ລະຂະແຫນງພາຍໃນພະແນກ ຖວທ ໄດ້ຮຽນຮູ້ ແລະ ເຂົ້າໃຈຕໍ່ການນໍາໃຊ້ Microsoft Excel.

ການຝຶກອົບຮົມຄັ້ງນີ້ແມ່ນມີຄວາມຫມາຍ ແລະ ຄວາມສໍາຄັນເປັນຢ່າງຍິ່ງ. ເຊິ່ງເປັນການສ້າງຄວາມຮູ້ພື້ນຖານກ່ຽວກັບ Microsoft Excel ການຕັ້ງຄ່າຫນ້າເຈ້ຍ, ການພິມ, ການຄິດໄລ່ເລກໃນ Microsoft Excel. ເນື້ອໃນຈິດໃຈຂອງການຝຶກອົບຮົມ ແມ່ນເພື່ອເຮັດໃຫ້ສໍາມະນາກອນໄດ້ຮຽນຮູ້ ແລະ ເຂົ້າໃຈກ່ຽວກັບ: ຄວາມຫມາຍ ແລະ ຄວາມສໍາຄັນ ຂອງ Microsoft Excel, ຄວາມຮູ້ພື້ນຖານກ່ຽວກັບ Microsoft Excel, ການສ້າງຕາຕະລາງໃນ Microsoft Excel, ການຕັ້ງຄ່າຫນ້າເຈ້ຍ, ການພິມ, ການຄິດໄລ່ເລກໃນ Microsoft Excel ແລະ ທ່ານໄດ້ເນັ້ນໜັກໃຫ້ສຳມະນາກອນທຸກທ່ານ ຈົ່ງຕັ້ງໃຈຝຶກຮໍ່າຮຽນ ເພື່ອນຳເອົາບົດຮຽນດັ່ງກ່າວໄປນຳໃຊ້ເຂົ້າໃນວຽກງານຕົວຈິງ. ການຝຶກອົບຮົມໃນຄັ້ງນີ້ແມ່ນໃຊ້ເວລາ 2 ວັນຈຶ່ງສໍາເລັດ.