ມີເດຍລາແຂວງເຊກອງ ພາບ-ຂ່າວ:ພຸດທະສອນ
ໃນວັນທີ 16 ມິຖຸນາ ນີ້, ສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ16 ແລະສະມາຊິກສະພາປະຊາຊົນແຂວງ ປະຈໍາເຂດເລືອກຕັ້ງເມືອງລະມາມ ແຂວງເຊກອງ ໄດ້ສືບຕໍ່ເຄື່ອນໄຫວລົງເຜີຍແຜ່ຜົນສໍາເລັດກອງປະຊຸມຄັ້ງປະຖົມມະລືກຂອງ ສະພາແຫ່ງຊາດ(ສພຊ) ຊຸດທີ IX ແລະ ສະພາປະຊາຊົນແຂວງ (ສພຂ) ຊຸດທີ II ຢູ່ທີ່ສະໂມສອນພະແນກສຶກສາທິການ ແລະກິລາແຂວງ, ໂດຍມີທ່ານ ທ່ານ ປອ ແພງສີ ສີລາວີ ຄະນະປະຈໍາພັກແຂວງ, ສະມາຊິກສະພາແຫ່ງຊາດ (ສສຊ) ປະຈໍາເຂດເລືອກຕັ້ງທີ16 ເປັນຄະນະ, ພ້ອມດ້ວຍສະມາຊິກສະພາປະຊາຊົນແຂວງ (ສສຂ) ປະຈໍາເຂດເລືອກຕັ້ງເມືອງລະມາມ ແຂວງເຊກອງ , ຊຶ່ງມີບັນດາພະນັກງານຫຼັກແຫຼ່ງຈາກຂົງເຂດວັດທະນະທໍາ-ສັງຄົມ ເຂົ້າຮ່ວມຮັບຟັງ.

ໃນພິທີປະທ່ານ ທ່ານ ປອ ແພງສີ ສີລາວີ ຄະນະປະຈໍາພັກແຂວງ ສສຊແລະ ສສຂ ໄດ້ຜັດປ່ຽນກັນຜັນຂະຫຍາຍເຜີຍແຜ່ບັນດາມະຕິຮັບຮອງໃນກອງປະຊຸມຄັ້ງປະຖົມມະລຶກ ຂອງ ສພຊ ຊຸດທີ IX ແລະ ສພຂ ຊຸດທີ II, ທັງນີ້ແນໃສ່ເຮັດໃຫ້ບັນດາການນໍາ, ສະມາຊິກພັກ, ພະນັກງງານຫຼັກແຫຼ່ງ  ໄດ້ຮັບຮູ້ ແລະເຂົ້າໃຈ, ກໍາໄດ້ບັນດາເນື້ອໃນຈິດໃຈ ແລະບັນຫາຕ່າງໆທີ່ກອງປະຊຸມຮັບຮອງເອົາ ເປັນຕົ້ນ ແມ່ນໂຄງປະກອບກົງຈັກການຈັດຕັ້ງຂອງສະພາແຫ່ງຊາດ, ສະພາປະຊາຊົນແຂວງ ແລະລະບົບອໍານາດລັດ, ແຜນພັດທະນາເສດຖະກິດ-ສັງຄົມ ແລະອື່ນໆ; ພ້ອມທັງເປັນການຫັນລົງກໍ່ສ້າງຮາກຖານການເມືອງ ຕາມທິດ 3 ສ້າງ ຄຽງຄູ່ກັບການເຝົ້າລະວັງ, ການຕ້ານ, ສະກັດກັ້ນ ແລະແກ້ໄຂການລະບາດຂອງພະຍາດ ໂຄວິດ-19.

ນອກນີ້ ໃນຕອນບ່າຍຂອງວັນດຽວກັນ ຄະນະ ສສຊ ແລະ ສສຂ ຍັງໄດ້ລົງເຜີຍແຜ່ຜົນສໍາເລັດກອງປະຊຸມຄັ້ງປະຖົມມະລືກຂອງ ສະພາແຫ່ງຊາດ(ສພຊ) ຊຸດທີ IX ແລະ ສະພາປະຊາຊົນແຂວງ (ສພຂ) ຊຸດທີ II ຢູ່ທີ່ສະໂມສອນໂຮງຮຽນເຕັກນິກວິຊາຊີບແບບປະສົມແຂວງ, ໂດຍມີທ່ານ ບຸນທ່ຽງ ອິນທະວົງ ຜູ້ຮັກການອໍານວຍການໂຮງຮຽນ ພ້ອມດ້ວຍພະນັກງານຄູອາຈານ ແລະນັກສຶກສາ, ອໍານາດການປົກຄອງບ້ານໂມ ແລະບ້ານປາກໂທນ  ເຂົ້າຮ່ວມຮັບຟັງຢ່າງຫຼວງຫຼາຍ.