ມີເດຍລາວແຂວງຫຼວງນ້ຳທາ ຂ່າວ: ສົມພອນ ຂຸນດາວົງ ວັນທີ 18 ມິຖຸນາ 2021 ຢູ່ທີ່ສານປະຊາຊົນແຂວງຫຼວງນໍ້າທາ ພະນັກງານວິຊາການພະແນກຍຸຕິທຳ ແລະ ສານປະຊາຊົນແຂວງ ໄດ້ເຊື່ອມຊືມມະຕິກອງປະຊຸມໃຫຍ່ຄັ້ທີ Xl ຂອງພັກ, ໂດຍການເປັນປະທານຂອງ ສະຫາຍ ນາງ ມາລິພອນ ນາບູນແພງ ກໍາມະການພັກແຂວງ ຫົວໜ້າພະແນກຍຸຕິທຳແຂວງຫຼວງນ້ຳທາ, ມີຮອງປະທານສານ, ພາກສ່ວນທີ່ກ່ຽວຂ້ອງ , ພະນັກງານວິຊາການພະແນກຍຸຕິທຳ ແລະ ພະນັກງານວິຊາການສານປະຊາຊົນແຂວງເຂົ້າຮ່ວມ.

ສະຫາຍ ນາງ ມາລິພອນ ນາບູນແພງ ກໍາມະການພັກແຂວງ ຫົວໜ້າພະແນກຍຸຕິທຳແຂວງຫຼວງນໍ້າທາ ໄດ້ເຜີຍແຜ່ມະຕິກອງປະຊຸມໃຫຍ່ ຄັ້ງທີ Xl ຂອງພັກ ໂດຍຍົກໃຫ້ເຫັນຄວາມໝາຍ, ຄວາມສໍາຄັນ ມະຕິກອງປະຊຸມໃຫຍ່ ຄັ້ງທີ Xl ຂອງພັກ ເຊີ່ງແມ່ນເຫດການ ການເມືອງທີ່ສໍາຄັນ ແຫ່ງການສຶບຕໍ່ຍຶດໝັ້ນ ແລະ ເສີມຂະຫຍາຍແນວທາງປ່ຽນແປງໃໝ່ຢ່າງຮອບດ້ານທີ່ມີຫຼັກການຂອງພັກໃຫ້ເຂົ້າສູ່ລວງເລິກ, ໄດ້ກໍານົດທັດສະນະແຫ່ງການສ້າງການຫັນປ່ຽນຢ່າງແຂງແຮງ, ເລິກເຊິ່ງ, ຮອບດ້ານ ແລະ ເປັນລະບົບ, ຄະນະພັກແຕ່ລະຂັ້ນ ຕ້ອງຖືເອົາການຄົ້ນຄວ້າ, ເຊື່ອມຊຶມ, ກໍານົດທິດທາງພື້ນຖານ, ຄາດໝາຍສູ້ຊົນຮອດປີ 2025 ແລະ ວຽກງານຈຸດສຸມແຕ່ລະຂົງເຂດ ໂດຍຕິດພັນກັບການກໍານົດໃຫ້ຈະແຈ້ງຂອງໜ້າທີ່ວຽກງານ, ບັນຫາຕົວຈິງທີ່ຂະແໜງການ, ທ້ອງຖິ່ນຂອງຕົນ ຈະຕ້ອງສຸ່ມໃສ່ແກ້ໄຂດ້ວຍການປຸກລະດົມຂະບວນການຕົວຈິງຂອງມະຫາຊົນຢ່າງແຂງແຮງໄປພ້ອມກັບການຍົກສູງບົດບາດການຈັດຕັ້ງ,

ນໍາພາໂດຍກົງ ເພີ່ມທະວີຄວາມເຂັ້ມແຂງ ແລະ ຄວາມເຂັ້ມງວດໃນການຄຸ້ມຄອງພັກ ແລະ ລະບຽບພາຍໃນພັກ, ຮັບປະກັນແກ້ໄຂບັນຫາຕ່າງໆ ທີ່ເກີດຂື້ນໃຫ້ຖືກຈຸດ ແລະ ເປັນລະບົບ ຕັ້ງໜ້າແກ້ໄຂ ປະກົດການຫຍໍ້ທໍ້ຕ່າງໆໃຫ້ຂາດຕົວ, ການເຊື່ອມຊຶມມະຕິກອງປະຊຸມໃຫຍ່ ຄັ້ງທີ Xl ຂອງພັກ ຄັ້ງນີ້ ກໍ່ເພື່ອແນ່ໃສ່ເຮັດໃຫ້ພະນັກງານລັດຖະກອນ,ຄູອາຈານ ຮັບຮູ້ ແລະ ເຂົ້າໃຈ ເນື້ອໃນທີ່ສໍຳຄັນຕົ້ນຕໍ ແລະ ວຽກງານຈຸດສຸມ ທີ່ຈະຕ້ອງເອົາໃຈໃສ່ຊີ້ນໍາ-ນໍາພາ ໃນແຕ່ລະຂົງເຂດ, ເພື່ອສືບຕໍ່ນໍາພາຈັດຕັ້ງເຊື່ອມຊຶມ ແລະ ຜັນຂະຫຍາຍມະຕິ ຄັ້ງທີ Xl ຂອງພັກ ເຂົ້າສູ່ວຽກງານຕົວຈິງ ແຕ່ຂັ້ນແຂວງ ລົງຮອດຂັ້ນເມືອງ ແລະ ຮາກຖານ ໃຫ້ທົ່ວເຖີງ ເປັນຕົ້ນແມ່ນ ສ້າງການຫັນປ່ຽນທາງດ້ານຄວາມຮັບຮູ້, ທັດສະນະ ແລະ ການກະທໍາ ເເນ່ໃສ່ສົ່ງເສີມດ້ານດີແກ້ໄຂຂໍ້ຄົງຄ້າງສ້າງຄວາມເຊື່ອໝັ້ນຂອງພະນັກງານ ແລະ ປະຊາຊົນບັນ ດາເຜົ່າຕໍ່ການນໍາພາຂອງພັກ ການ

ໂອກາດນີ້ ສະຫາຍ ຄຳສອນ ສັນໄຊ ເລຂາໜ່ວຍພັກ ຮອງປະທານສານປະຊາຊົນແຂວງຫຼວງນ້ຳທາ ກໍ່ໄດ້ຜ່ານເອກະສານແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ IX ປີ 2021 – 2025 ຕື່ມອີກ .