ມີເດຍລາວແຂວງຫຼວງນ້ຳທາ ວັນທີ 23 ມິຖຸນາ 2021 ຢູ່ທີ່ພະແນກຍຸຕິທຳແຂວງ ຫຼວງນໍ້າທາ ໄດ້ສະຫຼຸບວຽກງານຍຸຕິທຳຮາກຖານ ປະຈຳປີ 2020 ແລະ ທິທາງແຜນການ 2021 ໂດຍການເປັນປະທານຂອງ ທ່ານ ນາງ ມາລີພອນ ນາບຸນແພງ ກຳມະການພັກແຂວງ ຫົວໜ້າພະແນກຍຸຕິທຳແຂວງ, ມີຄະນະພະແນກ, ຫົວໜ້າຫ້ອງການ-ຮອງຫົວໜ້າຫ້ອງການຍຸຕິທຳ 5 ເມືອງ, ຫົວໜ້າຂະແໜງ-ຮອງຫົວໜ້າຂະແໜງ ແລະ ພະນັກງານທີກ່ຽວຂ້ອງເຂົ້າຮ່ວມ.

ທ່ານ ກາບແກ້ວ ມະນີຈັນ ຫົວໜ້າຂະແໜງສົ່ງເສີມວຽກງານຍຸຕິທຳແຂວງ ໄດ້ຕີລາຄາການຈັດຕັ້ງປະຕິບັດວຽກງານຍຸຕິທຳຮາກຖານໃນໄລຍະຜ່ານມາ ແລະ ທິດທາງແຜນການຕໍ່ໜ້າ, ພະແນກຍຸຕິທຳແຂວງ ແລະ ບັນດາຫ້ອງການຍຸຕິທຳບັນດາເມືອງ ໄດ້ຈັດຕັ້ງປະຕິບັດ ແລະ ສຳເລັດຜົນງານຫຼາຍດ້ານເປັນຕົ້ນ ວຽກງານໂຄສະນາກົດໝາຍ ແມ່ນໄດ້ໂຄສະນາເຜີຍແຜ່ທາງວີທະຍຸກະຈາຍສຽງຂອງແຂວງໄດ້ 40 ຄັ້ງ, ໂຄສະນາຕາມບ້ານ ແລະ ສະຖານທີ່ຕ່າງໆ 37 ຄັ້ງ, ແຈກຢາຍປຶ້ມປະມວນກົດໝາຍອາຍາ ແລະ ກົດໝາຍແພ່ງໄດ້ 370 ຫົວ, ວາລະສານກົດໝາຍ ແລະ ຍຸຕິທຳໄດ້ 256 ຫົວ, ຂຽນຂ່າວສົ່ງກົມໂຄສະນາກະຊວງຍຸຕິທໍາ 16 ຂ່າວ, ສ້າງຄອບຄົວແບບຢ່າງປະຕິບັດກົດ ໝາຍໄດ້ 37 ບ້ານ,ວຽກງານແກ້ໄຂຂໍ້ຂັດແຍ່ງຂັ້ນບ້ານ ໄດ້ປັບປຸງ, ຝຶກອົບຮົມໃຫ້ຄະນະແກ້ໄຂຂໍ້ຂັດແຍ່ງບ້ານໄດ້ 67 ບ້ານ, ມີຄະນະແກ້ໄຂຂໍ້ຂັດແຍ່ງທັງໝົດ 250 ຄົນ, ຍີງ 32 ຄົນ, ແກ້ໄຂຂໍ້ຂັດແຍ່ງສຳເລັດ 14 ຂໍ້ຂັດແຍ່ງ, ວຽກງານຍຸຕິທຳເດັກ, ແມ່ນໄດ້ໂຄສະນາເຜີຍແຜ່ບັນດາກົດໝາຍ ແລະ ນິຕິກຳທີ່ກ່ຽວຂ້ອງກັບການພັດທະນາ ແລະ ປົກປ້ອງສິດຜົນປະໂຫຍດຂອງເດັກຢູ່ບັນດາໂຮງຮຽນມັດທະຍົມຕົ້ນ, ມັດທະຍົມປາຍໄດ້ 4 ຄັ້ງ, ມີຜູ້ເຂົ້າຮ່ວມ 6.203 ຄົນ, ຍີງ 2.840 ຄົນ, ວຽກງານສ້າງບຸກຄະລະກອນໃຫ້ຮາກຖານບ້ານ, ກຸ່ມບ້ານ, ໄດ້ຝຶກອົມຮົມກົດໝາຍ 45 ວັນໃຫ້ພະນັກງານຮາກຖານບ້ານ, ກຸ່ມບ້ານທັງ 5 ເມືອງໄດ້ 5 ຈຸດ ແລະ ຢັ້ງຢືນໃຫ້ບຸກຄະລະກອນ 222 ຄົນ, ຍີງ 47 ຄົນ ແລະ ວຽກງານອື່ນໆ. ທິດທາງແຜນການໃນຕໍ່ໜ້າແມ່ນຈະໄດ້ສືບຕໍ່ຈັດຕັ້ງຜັນຂະຫຍາຍເນື້ອໃນຈິດໃຈ, ຄຳສັ່ງແນະນໍາຂອງນາຍົກລັດຖະມົນຕີ ກ່ຽວກັບການເພີ່ມທະວີເອົາໃຈໃສ່ຕໍ່ວຽກງານຍຸຕິທຳຮາກຖານ ແລະ ຄຳແນະນຳຂອງລັດຖະມົນຕິກະຊວງຍຸຕິທຳ,ກ່ຽວກັບການຈັດຕັ້ງປະຕິບັດວຽກງານຍຸຕິທຳຮາກຖານ, ບົດແນະນຳ