ມີເດຍລາວແຂວງາລະວັນ ພາບ-ຂ່າວ: ສິດຕາ ເພັດວົງສາ
ວັນທີ 18 ມິຖຸນາ 2021 ນີ້ຢູ່ທີ່ຫ້ອງປະຊຸມຂອງພະແນກຖະແຫຼງຂ່າວ-ວັດທະນະທຳ ແລະທ່ອງທ່ຽວແຂວງສາລະວັນ ໄດ້ຈັດພິທີຮັບປະກາດເປັນໜ່ວຍພັກປອດໃສ, ເຂັ້ມແຂງ ແລະໜັກແໜ້ນ, ໂດຍການເປັນປະທານຂອງສະຫາຍ ນາງບຸນທະວີ ດວງລາສີ ຮອງເລຂາພັກແຂວງສະວັນ ມີສະຫາຍ ມະໄລວອນ ສີປະເສີດ ກຳມະການພັກແຂວງ ເລຂາຄະນະພັກຮາກຖານ ພະແນກຖະແຫຼງຂ່າວ-ວັດທະນະທຳ ແລະທ່ອງທ່ຽວແຂວງສາລະວັນ, ມີຮອງເລຂາ-ຄະນະພັກ​ຮາກຖານ​ ແລະ ມີບັນດາສະຫາຍພະນັກງານສຳມະຊິກພັກ ຈາກຂະແໜງການອ້ອມຂ້າງພະແນກເຂົ້າຮ່ວມ.​

ໃນພິທີກໄດ້ຜ່ານມະຕິ ເລກທີ 554-556/ຄຈສຂ.ສວ ລົງວັນທີ 26/1/2021 ວ່າດ້ວຍການຕົກລົງຮັບຮອງເອົາໜ່ວຍພັກປອດໃສ, ເຂັ້ມແຂງ, ໜັກແໜັ້ນ ປະຈຳປີ 2020 ອີງຕາມຄຳສັ່ງຂອງກົມການເມືອງສູນກາງພັກເລກທີ 01/ກມສພ ລົງວັນທີ 3 /1/2018 ວ່າດ້ວຍການເພີ່ມທະວີການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜັ້ນ ແລະອິງຕາມຄຳແນະນຳ, ໃບຢັ້ງຢືນຕ່າງໆ, ໜັງສືສະເໜີໆຄະນະປະຈຳພັກແຂວງສາລະວັນ ໄດ້ຕົກລົງເຫັນດີວ່າດ້ວຍການຮັບຮອງເອົົາໜ່ວຍພັກຖະແຫຼ່ງຂ່າວ-ສື່ມວນຊົນ, ໜວ່ຍພັກບໍ່ລິຫານ, ໜ່ວຍພັກວັດທະນະທຳ ແລະໜ່ວຍພັກທ່ອງທ່ຽວເປັນໜ່ວຍພັກປອດໃສ, ເຂັ້ມແຂງ, ໜັກແໜັ້ນ ປະຈຳປີ 2020 ໂອກາດດຽວກັນນັ້ນສະຫາຍ ນາງບຸນທະວີ ດວງລາສີ ຮອງເລຂາພັກແຂວງ ກໍ່ໄດ້ໃຫ້ກຽດຂື້ນມອບໃບຢັ້ງຢືນໃຫ້ 4 ໜ່ວນພັກ ເປັນໜ່ວຍພັກປອດໃສ, ເຂັ້ມແຂງ ແລະໜັກແໜ້ນຢ່າງເປັນທາງການ ແລະມອບບັດສຳມະຊິກພັກສົມບູນໃຫ້ຈຳນວນ 21 ສະຫາຍ ເພື່ອເປັນບ່ອນອີງໃນການໄຫວວຽກງານຂອງພັກຕື່ມອີກ.​ ການປະໜ່ວຍພັກ

ຈາກນັ້ນສະຫາຍ ນາງ ບຸນທະວີ ດວງລາສີ ຮອງເລຂາພັກແຂວງ ກໍ່ໄດ້ມີຄຳເຫັນໂອລົມເປັນຕົ້ນກໍ່ແມ່ນໃຫ້ເອົາໃຈໃສ່ຈັດຕັ້ງປະຕິບັດຜັນຂະຫຍາຍບັນດາມະຕິ XI ຂອງສູນກາງພັກ ແລະມະຕິ IX ຂອງອົງຄະນະພັກໃຫ້ເຂົ້າສູ່ລວງເລີກ, ພ້ອມທັງຫັນໃຫ້ເປັນໂຄງການ, ແຜນງານອັນລະອຽດໃນວຽກງານຕົວຈິ່ງ, ສຶບຕໍ່ເອົາໃຈໃສ່ກໍ່ສ້າງໜ່ວຍພັກກປອດໃສ, ເຂັ້ມແຂງ, ໜັກແໜັ້ນໃຫ້ມີຄວາມຢືນຍົງ ໂດຍປະຕິບັດແນວທາງການເມືອງຂອງພັກ ຫັນມາເປັນແຜນງານ, ໂຄງການ, ກິດຈະກຳ ໃນການຈັດຕັ້ງປະຕິບັດໜ້າທີ່ວຽກງານວິຊາສະເພາະໃຫ້ໜັກແໜ້ນ.