ໃນວັນທີ 31 ມີນາ 2021 ນີ້ ພະແນກພາຍໃນແຂວງຈຳປາສັກລົງເຄື່ອນໄຫວຊຸກຍູ້ວຽກງານຄັງສົງເຄາະການເສຍຊີວິດຂອງນາຍບ້ານ ( ຄສນ ) ຕິດພັນກັບການມອບ-ຮັບອຸປະກອນຮັບໃຊ້ວຽກງານຄັງສົງເຄາະການເສຍຊີວິດຂອງນາຍບ້ານ ຢູ່ທີ່ສະໂມສອນຂອງເມືອງ ພາຍໄຕ້ໃຫ້ກຽດຕ້ອນຮັບ ແລະ ເຂົ້າຮ່ວມເປັນປະທານຂອງທ່ານ ບຸນຖອງ ສຸພາວົງ ກໍາມະການພັກເມືອງ ຮອງເຈົ້າເມືອງໆປະທຸມພອນ, ມີທ່ານ ແສງອາທິດ ຂັນດາລາ ຮອງຫົວໜ້າພະແນກພາຍໃນແຂວງ, ທ່ານ ແຂກແກ້ວ ໄຊຍະວົງ ກຳມະການພັກເມືອງ ຫົວໜ້າຫ້ອງການພາຍໃນເມືອງ ພ້ອມຄະນະ, ພະນັກງານວິຊາການທີ່ກ່ຽວຂ້ອງຂອງແຂວງ ແລະ ເມືອງເຂົ້າຮ່ວມ.


ໃນພິທີທ່ານ ແຂກແກ້ວ ໄຊຍະວົງ ກຳມະການພັກເມືອງ ຫົວໜ້າຫ້ອງການພາຍໃນເມືອງກໍ່ໄດ້ລາຍງານການຈັດຕັ້ງປະຕິບັດວຽກງານຄັງສົງເຄາະການເສຍຊີວິດຂອງນາຍບ້ານໂດຍຫໍ້ຍໄລຍະຜ່ານເຊີງໄດ້ເຄື່ອນໄຫວຕາມສິດ, ພາລະບົດບາດ ແລະ ໜ້າທີ່, ທີ່ໄດ້ກຳນົດໄວ້ຢ່າງເຂັ້ມງວດ ເຊີ່ງໄດ້ມອບເງິນເຂົ້າຄັງຂອງແຂວງຢ່າງຕໍ່ເນື່ອງເປັນປະຈຳ, ມາຮອດປີ 2021 ທົ່ວເມືອງ ມີສະມະຊິກ ( ຄສນ ) ທັງໝົດ 640 ຄົນ, ຍິງ 136 ຄົນ, ປີ 2020 ເສຍຊີວິດ 6 ຄົນ, ຍິງ 1 ຄົນ, ຕົ້ນປີ 2021 ເສຍຊີວິດ 3 ຄົນ, ຍິງ 0 ຄົນ, ປີ 2020 ສາມາດຈັດເກັບເງິນໄດ້ 209.925 ລ້ານກີບ ແລະ ຕົ້ນປີ 2021 ສາມາດຈັດເກັບເງິນໄດ້ 89,870 ລ້ານກີບ ລວມຍອດເກັບໄດ້ທັງໝົດ ປີ 2020 ຫາ 2021 ໄດ້ 299.795 ລ້ານກີບ, ຜູ້ຮັບຜິດຊອບວຽກງານຄັງສົງເຄາະການເສຍຊີວິດຂອງນາຍບ້ານແມ່ນໄດ້ສືບຕໍ່ປະຕິບັດດ້ວຍຄວາມເອົາໃຈໃສ່ ແລະ ມີຄວາມຮັບຜິດສູງຕໍ່ການມອບໝາຍວຽກງານຢ່າງສອດຄ່ອງໃນແຕ່ລະໄລຍະ


ທ້າຍພິທີທ່ານ ແສງອາທິດ ຂັນດາລາ ຮອງຫົວໜ້າພະແນກກໍ່ໄດ້ກ່າວຈຸດປະສົງການລົງມາເຄື່ອນໄຫວຊຸກຍຸ້ໃນຄັ້ງນີ້ ພ້ອມທັງໄດ້ມອບ ຄອມພີວເຕີ ຕັ້ງໂຕະ ຍີ່ຫໍ້ຍ Lenovo ຈຳນວນ 01 ເຄື່ອງໃຫ້ຫ້ອງການພາຍໃນເມືອງ ແລະ ຮັບໂດຍ ທ່ານ ແຂກແກ້ວ ໄຊຍະວົງ ຫົວໜ້າຫ້ອງການພາຍໃນເມືອງ ແລະ ເພື່ອເປັນສັກຂີພິຍານໃຫ້ມີຄວາມໝາຍຄວາມສໍາຄັນ ທ່ານ ບຸນຖອງ ສຸພາວົງ ຮອງເຈົ້າເມືອງໆປະທຸມພອນກໍ່ໄດ້ປະກອບຄໍາເຫັນ ແລະ ກ່າວຄໍາຂອບໃຈຍ້ອງຍໍຊົມເຊີຍ ຕໍ່ທ່ານ ແສງອາທິດ ຂັນດາລາ ພ້ອມທິມງານ ແລະ ຮຽກຮ້ອງໃຫ້ຂະແໜງການທີ່ກ່ຽວຂ້ອງກໍ່ຄື ຫ້ອງການພາຍໃນເມືອງຈົ່ງນຳເອົາເຄື່ອງດັ່ງກ່າວໄປໃຊ້ໃຫ້ເກີດປະໂຫຍດທັງຮັບປະກັນບໍາລຸງຮັກສານໍາໃຊ້ໃຫ້ໄດ້ຍາວນານ ເຂົ້າໃນວຽກງານ ( ຄສນ ) ໃຫ້ມີຄວາມສະດວກ,ວ່ອງໄວ ແລະ ທັນສະໄໝຂື້ນກ່ວາເກົ່າ.
ຂ່າວ: ມະນີລາ ຖວທ ປະທຸມພອນ