ມີເດຍລາວແຂວງຈຳປາສັກ ຂ່າວ-ພາບ: ນາງ ເພັດສະຫວັນ ນັກຂ່າວເມືອງ ລະຫວ່າງວັນທີ 6 ພຶດສະພາ 2021 ຢູ່ທີ່ຫ້ອງການບ້ານພັດທະນາຫົວແຊແລະບ້ານຫ້ວຍແຮ່ ເມືອງບາຈຽງຈະເລີນສຸກ ແຂວງຈໍາປາສັກ ພະແນກສາທາລະນະສຸກ ແຂວງຈໍາປາສັກເຊື່ອມຊືມສ້າງຄວາມເຂັ້ມແຂງໃຫ້ອົງການປົກຄອງຂັ້ນບ້ານໃນການຕ້ານແລະຄວບຄຸມການແຜ່ລະບາດຂອງພະຍາດໂຄວິດ-19ທີ່ກຳລັງລະບາດໃນປະຈຸບັນ ໂດຍໃຫ້ກຽດເປັນປະທານຂອງທ່ານ ສຈ ດຣ ພອນເທບ ພົນເສນາ ອະດິດການນໍາຂັ້ນສູງສະພາແຫ່ງຊາດ,ທ່ານ ປະລິນຍາເອກ ຄໍາກິ່ງແກ້ວ ປັດທໍາມະວົງ ຮອງເຈົ້າເມືອງບາຈຽງຈະເລີນສຸກ, ທ່ານ ນາງ ດຣ ອຸດຕະພອນ ສົມສີທາ ຫົວໜ້າຫ້ອງການສາທາລະນະສຸກເມືອງ ມີພະແນກການທີ່ກ່ຽວຂ້ອງຂອງແຂວງ-ເມືອງ,ເລຂາຄະນະພັກຖານກຸ່ມ 4 ກຸ່ມ5 ,ເລຂາໜ່ວຍພັກບ້ານນາຍບ້ານ13ເຂົ້າຮ່ວມ

ຕ່າງໜ້ານາຍບ້ານພັດທະນາຫົວແຊໄດ້ຂື້ນລາຍງານການເຄື່ອນໄຫວ,ບັນຫາເຫດການ,ສະພາບການລະບາດ ແລະ ຄວບຄຸມພະຍາດໂຄວິດ-19ພາຍໃນບ້ານຂອງຕົນພ້ອມທັງສະເໜີສະພາບລວມຂອງການກະກຽມຄວາມພ້ອມໃນການຈັດຕັ້ງປະຕິບັດເອົາໃຈໃສ່ແລະເພີ້ມທະວີມາດຕະການປ້ອງກັນ,ສະກັດກັ້ນການແຜ່ລະບາດຂອງພະຍາດໂຄວິດ19ພາຍໃນບ້ານຂອງຕົນຢ່າງເຄັງຄັດໂດຍການນໍາໃຊ້ໂທລະໂຄງຂອງບ້ານເຜີຍແຜ່ຄວາມຮູ້ແລະວິທີປ້ອງກັນຕົນເອງຈາກພະຍາດໂຄວິດ-19 ຈາກນັ້ນຍັງໄດ້ຮັບຟັງການຜ່ານເນື້ອໃນຄູ່ມືການກັກບໍລິເວນຜູ້ສໍາພັດກັບພະຍາດດັ່ງກ່າວໃນຊຸມຊົນແລະອະທິບາຍກ່ຽວກັບ 10ຂັ້ນຕອນການເຝົ້າລະວັງ,ຄວບຄຸມການລະບາດໃນຊຸມຊົນໂດຍອີງໃສ່ອໍານາດການປົກຄອງເປັນຕົ້ນພ້ອມທັງເຮັດບົດບັນທຶກລະຫວ່າງບ້ານຕໍ່ບ້ານໃຫ້ມີສະຕິຮ່ວມກັນບໍ່ໃຫ້ພະຍາດມີການແຜ່ລາມໃນວົງກວ້າງ

ຕອນທ້າຍ ທ່ານ ສຈ ດຣ ພອນເທບ ພົນເສນາ ອາດິດການນໍາຂັ້ນສູງສະພາແຫ່ງຊາດໄດ້ມີຄໍາເຫັນໂອ້ລົມໃນການເພີ້ມທະວີມາດຕະການສະກັດກັ້ນການລະບາດຂອງພະຍາດໂຄວິດ-19ທັງຮຽກຮ້ອງມາຍັງອໍານາດການປົກຄອງບ້ານຈົ່ງພ້ອມໃຈກັນຈັດຕັ້ງປະຕິບັດແລະຕິດຕາມກວດກາເວນຍາມພາຍໃນບ້ານຕະຫຼອດ24ຊົ່ວໂມງໃຫ້ມີຄວາມສະຫງົບຫຼິກລ້ຽງການໄປມາຫາສູ່ບ່ອນຊຸມຊົນແອອັດ ໃນກໍລະນີຫາກເກິດຂື້ນແມ່ນໃຫ້ແຈ້ງໜ່ວຍສະເພາະກິດຂັ້ນເມືອງເພື່ອເຮັດໃຫ້ການສະກັດກັ້ນການລະບາດມີຄວາມວ່ອງໄວແລະທັນການ ນອກນັ້ນທິມງານດັ່ງກ່າວຍັງສືບຕໍ່ລົງເຄື່ອນໄຫວສ້າງຄວາມເຂັ້ມແຂງໃຫ້ອົງການປົກຄອງຂັ້ນບ້ານກຸ່ມ3,2ແລະກຸ່ມ1ຕື່ມອິກ.