ມີເດຍລາວແຂວງບໍ່ແກ້ວ ພາບ: ຈາກວັດພະທາດຜາຄໍາ, ຂໍ້ມູນ: ຄໍາພັນ, ຂຽນ: ນ.ວິໄລສີ ວັນທີ 21 ມິຖຸນານີ້ ພຣະປຣິຊາໂພທິຍານລັດຕະນະບັນດິດ ແຮ່ສະຫວັນ ສີລາຈັນ ຄະນະປະຈຳ ອພສ ແຂວງ ຫົວໜ້າກຳມາທິການ ເຜີຍແຜ່ສິນລະທຳ ແລະ ປະຕິບັດທຳ ໄດ້ນຳເອົາເຄື່ອງອຸປະໂພກ-ບໍລິໂພກ ແລະ ອຸປະກອນປ້ອງກັນພະຍາດໂຄວິດ -19 ໃນນັ້ນ, ເຄື່ອງດູດຝຸ່ນ, ກະຕິກນ້ຳຮ້ອນ, ຜ້າອັດປາກອັດດັງ, ເຈວລ້າງມື, ຍຳຍຳ, ນ້ຳດື່ມ, ເຂົ້າໜົມ ເອວເຊ ລວມມູນຄ່າ 2 ລ້ານກວ່າກີບ.

ມອບໃຫ້ ພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງ ບໍ່ແກ້ວ ເພື່ອນຳໃຊ້ປ້ອງກັນຕົວເອງຈາກພະຍາດໂຄວິດ -19 ຂອງ ນັກຮົບສື່ມວນຊົນໃນການລົງເກັບຂ່າວຢູ່ບັນດາພະແນກການອ້ອມຂ້າງແຂວງ ແລະ ຂອງຄະນະສະເພາະກິດພະແນກໃຫ້ມີຄວາມປອດໄພ. ຮັບ ປະກັນໃນການລົງຕິດຕາມກວດກາບັນດາຫົວໜ່ວຍຜູ້ປະກອບການທຸລະກິດ ໂຮງແຮມ, ຮ້ານອາ ຫານ ອື່ນໆ. ພາຍໃນເທດສະບານ ແຂວງບໍ່ແກ້ວ ໃຫ້ດໍາເນີນໄປດ້ວຍຄວາມພຽບພ້ອມໃນທຸກດ້ານ ແລະ ການປ້ອງກັນພະຍາດຢ່າງມີປະສິດທິພາບ. ກ່າວຮັບໂດຍ ສົມສັກ ມະຫາພົນ ຮອງຫົວໜ້າພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງ ບໍ່ແກ້ວ ພ້ອມມອບໃບຂອບໃຈ ແລະ ສະແດງຄວາມຂອບໃຈມາຍັງ ພຣະປຣິຊາໂພທິຍານລັດຕະນະບັນດິດ ແຮ່ສະຫວັນ ສີລາຈັນ ຄະນະປະຈຳ ອພສ ແຂວງ ຫົວໜ້າກຳມາທິການ ເຜີຍແຜ່ສິນລະທຳ ແລະ ປະຕິບັດທຳ ທີ່ເຫັນຄວາມສຳຄັນຕໍ່ວຽກງານໃນຂົງເຂດ ຖວທ ແຂວງ ໃຫ້ສະດວກສະບາຍຮັບປະກັນຄວາມປອດໄພຈາກເຊື້ອພະຍາດໂຄວິດ-19 ອີກດ້ວຍ.