ວັນທີ 7 ເມສາ 2021 ນີ້ ພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງສາລະວັນ ຈັດພິທີເຜີຍແຜ່ 5 ເອກະສານສຳຄັນຂອງພັກຂອງຊາດເປັນຕົ້ນແມ່ນ: ເອກະສານໂຄງການ ແລະ ແຜນດໍາເນີນງານຂອງອົງຄະນະພັກແຂວງ 2021-2025, ເຜີຍແຜ່ເອກະສານວັນນັກຮົບເສຍອົງຄະ ແລະ ເສຍສະຫຼະຊີວິດເພື່ອປະເທດຊາດ ຄົບຮອບ 75 ປີ ( 21 ມີນາ 1946-21 ມີນາ 2021) ວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 66 ປີ (22 ມີນາ 1955-22 ມີນາ 2021) ວັນສ້າງຕັ້ງກໍາລັງປ້ອງກັນຄວາມສະຫງົບປະຊາຊົນ ຄົບຮອບ 60 ປີ (5 ເມສາ 1961-5 ເມສາ 2021) ແລະ ແຈ້ງການແນະນໍາວິທີຈັດຕັ້ງປະຕິບັດເກັບຄ່າທໍານຽມທາງປະຈໍາປີ 2021.

ເຜີຍແຜ່ເອກະສານຄັ້ງນີ້ ໂດຍແມ່ນ ທ່ານ ບຸນກ່ອງ ເກດທອງຄໍາ ຮອງເລຂາຄະນະພັກຮາກຖານ ຮອງຫົວໜ້າພະແນກ ຖວທ ແຂວງ, ທ່ານ ບຸນປອນ ອິນທະສອນ ຄະນະພັກຮາກຖານ ຮອງຫົວໜ້າພະແນກ ຖວທ ແຂວງ ແລະ ທ່ານ ສົມສັກ ພົດຈະເລີນ ຄະນະພັກຮາກຖານ ຫົວໜ້າຂະແໜງຖະແຫຼງຂ່າວ ພະແນກ ຖວທ ແຂວງ, ມີພະນັກງານລັດຖະກອນພາຍໃນພະແນກເຂົ້າຮ່ວມ ທັງນີ້ກໍ່ເພື່ອໃຫ້ພະນັກງານການນໍາ-ພະນັກງານລັດຖະກອນພາຍໃນພະແນກ ຖວທ ແຂວງ ຮັບຮູ້ ແລະ ເຂົ້າໃຈເນື້ອໃນຈິດໃຈບັນດາເອກກະສານທີ່ສຳຄັນຂອງພັກຂອງຊາດ ເພື່ອເປັນບ່ອນອີງໃນການຈັດຕັ້ງປະຕິບັດໜ້າທີ່ວຽກງານວິຊາສະເພາະໃຫ້ມີຄວາມໜັກແໜ້ນເຂັ້ມແຂງ.

 ພາບ-ຂ່າວ: ນາງ ທິດລານີ ໂຄດໂຍທາ.