ມີເດຍລາວແຂວງສາລະວັນ ພາບ-ຂ່າວ: ນັກຂ່າວ ຖ.ວ/ທ ເມືອງຕະໂອ້ຍ
ຫ້ອງການແຮງານ-ສະຫວັດດີການ ແລະ ສັງຄົມເມືອງ ຕະໂອ້ຍ ແຂວງສາລະວັນ ໄດ້ຈັດພິທີມອບ-ຮັບເງິນນະໂຍບາຍ, ອຸດໜູນ ໃຫ້ກັບຄອບຄົວຜູ້ທີ່ເສຍຊີວິດ ໃນປາງສົງຄາມ ປີ 1954 ຄືນຫຼັງ, ປະຈໍາງວດ 4 ປີ 2020, ໃນນັ້ນໄດ້ປະຕິບັດນະໂຍບາຍໃຫ້ລວມມີ 3 ທ່ານ, ລວມເປັນເງິນຈຳນວນ 50 ກວ່າລ້ານກີບ (ຫ້າສີບກວ່າລ້ານກີບ) ໃນນັ້ນໄດ້ມອບໃຫ້ຄອບຄົວ ທ່ານ ຮະຍາມ ບ້ານຕະຮວກ ຈຳນວນ 17,587,500 ກີບ, ທ່ານ ຕະໄມ ບ້ານປະເສັຍ, ຈໍານວນເງິນ: 17,587,500 ກີບ ແລະ ທ່ານ ອໍາເລີຍ ບ້ານຕະຮວກ ຈໍານວນ 17,587,500 ກີບ

ໃຫ້ກຽດມອບໂດຍທ່ານ ເພັດສະໝອນ ຫຼວງລາດ ຮອງເຈົ້າເມືອງ ຊີ້ນຳວຽກງານວັດທະນາທຳ-ສັງຄົມ ເມືອງຕະໂອ້ຍ, ໂດຍບັນຜູ້ຕາງໜ້າຈາກຄອບຄົວ, ຍາດພີ້ນ້ອງ ແລະ ພາກສ່ວນກ່ຽວຂ້ອງເຂົ້າຮ່ວມເປັກສັກຄີພິຍານ. ທັງນີ້ກໍ່ເພື່ອເປັນການປະຕິບັດ ຕາມດໍາລັດເລກທີ 272/ລບ ລົງວັນທີ 16 ກັນຍາ 2015 ວ່າດ້ວຍ: ການປະຕິບັດນະໂຍບາຍອຸດໜູນໃຫ້ຄອບຄົວ ຜູ້ເສຍສະຫຼະຊີວິດ 1954 ຄືນຫຼັງ, ພິດັ່ງກ່າວໄດ້ຈັດຂື້ນໃນຕົ້ນເດືອນ ມີ ຖຸນາ ຜ່ານມາ.