ແຂວງຫົວພັນໄດ້ມີພິທີມອບ-ຮັບໜ້າທີ່ເລຂາຄະນະ ພັກຮາກຖານ, ຫົວໜ້າພະແນກ ຖະແຫຼງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ແຂວງ ຂຶ້ນໃນວັນທີ 13 ທັນວາຜ່ານມາຢູ່ຫໍວັດທະນະທຳແຂວງ ໂດຍມີທ່ານ ຄຳຜິວ ວົງສະຫວັນ ຮອງເລຂາພັກແຂວງ ປະທານແນວລາວສ້າງຊາດແຂວງຫົວພັນ, ບັນດາພາກສ່ວນທີ່ກ່ຽວຂ້ອງຂັ້ນແຂວງ, ຕາງໜ້າຫ້ອງການ ຖວທ ເມືອງເຂົ້າຮ່ວມ.

ໃນໂອກາດນີ້, ທ່ານ ຕົ່ງລີເຕັ່ງ ຮອງຫົວໜ້າຄະນະຈັດຕັ້ງແຂວງໄດ້ຜ່ານຂໍ້ຕົກລົງຂອງທ່ານເຈົ້າແຂວງຫົວພັນ ສະບັບເລກທີ 1212/ຈຂ-ຫພ ວ່າດ້ວຍການອະນຸມັດໃຫ້ພະນັກງານພັກຜ່ອນວຽກທາງລັດຖະການ ເພື່ອລໍຖ້າຮັບເບ້ຍບຳນານຕາມ ນະໂຍບາຍ ພ້ອມມະຕິຕົກລົງ ຂອງຄະນະປະຈຳພັກແຂວງ ເລກທີ 472/ຄປຈຂ ລົງວັນທີ 7 ຕຸລາ 2019 ວ່າດ້ວຍການແຕ່ງ ຕັ້ງເລຂາຄະນະພັກຮາກຖານ ພະແນກ ຖວທ ແຂວງຫົວພັນ; ຂໍ້ຕົກລົງຂອງທ່ານເຈົ້າແຂວງ ສະບັບ ເລກທີ 1210/ຈຂ-ຫພ ວ່າດ້ວຍການຍົກຍ້າຍພະນັກ ງານໄປປະຈຳການຢູ່ບ່ອນໃໝ່ ແລະ ຂໍ້ຕົກລົງຂອງທ່ານເຈົ້າ ແຂວງ ວ່າດ້ວຍການແຕ່ງຕັ້ງຫົວ ໜ້າພະແນກ ຖວທ ແຂວງສະ ບັບ ເລກທີ 1209/ຈຂ-ຫພ ລົງວັນທີ 7 ຕຸລາ 2019 ໂດຍແຕ່ງ ຕັ້ງທ່ານນາງ ໝັ້ນ ເພັງຄະຕິຍະ ກຳມະການພັກແຂວງ ເປັນຫົວ ໜ້າພະແນກ ຖວທ ແຂວງ ແລະ ໄດ້ຕົກລົງໃຫ້ທ່ານ ຄຳສິງ ລາດດາວົງ ເລຂາຄະນະພັກຮາກຖານ ຫົວໜ້າພະແນກ ຖວທ ແຂວງຫົວພັນຜູ້ເກົ່າພັກຜ່ອນວຽກທາງລັດຖະການ ເພື່ອລໍ ຖ້າຮັບເບ້ຍບຳນານຕາມນະໂຍ ບາຍ.

ໂອກາດດັ່ງກ່າວ, ທ່ານ ຄຳຜິວ ວົງສະຫວັນ ໄດ້ໂອ້ລົມ ຊຶ່ງທ່ານໄດ້ຕີລາຄາສູງ ແລະ ສະແດງຄວາມຍ້ອງຍໍຊົມເຊີຍຕໍ່ສະຫາຍເລຂາຄະນະພັກຮາກຖານ, ຫົວໜ້າພະແນກ ຖວທ ຜູ້ເກົ່າໄດ້ເອົາໃຈໃສ່ຊີ້ນຳ-ນຳພາຂົງເຂດວຽກງານ ຖວທ ສາມາດຍາດໄດ້ຜົນງານຫຼາຍດ້ານ ແລະ ທ່ານໄດ້ເນັ້ນໃຫ້ຄະນະນຳພະແນກຕະຫຼອດຮອດພະ ນັກງານ ລັດຖະກອນ ພ້ອມກັນເອົາໃຈໃສ່ບຸກທະລຸສາມກະແສແນວຄິດ; ເພີ່ມທະວີການຊີ້ນຳ- ນຳພາໃຫມີປະສິດທິພາບ ເປັນ ຕົ້ນແມ່ນການຄຸ້ມຄອງ-ນ້ຳໃຊ້ ພາຫະນະສື່ມວນຊົນໃຫ້ມີປະ ສິດທິຜົນ, ປັບປຸງລະບົບການ ທ່ອງທ່ຽວຢູ່ແຂວງຫົວພັນໃຫ້ທຽບທັນກັບພາກພື້ນ ແລະ ສາ ກົນ, ປົກປັກຮັກ-ເສີມຂະຫຍາຍ ມູນມໍລະດົກທາງດ້ານວັດທະ ນະທຳຂອງແຂວງ; ເອົາໃຈໃສ່ກໍ່ ສ້າງພັກ, ພະນັກງານ ແນໃສ່ຮັກ ສາໄດ້ໜ່ວຍພັກປອດໃສ, ເຂັ້ມ ແຂງ, ໜັກແໜ້ນຮັບປະກັນດ້ານຄຸນນະພາບ ແລະ ການກໍ່ສ້າງພະນັກງານຕ້ອງຕິດພັນກັບການ ສົ່ງເສີມຄວາມກ້າວໜ້າ; ເຕົ້າ ໂຮມຄວາມສາມັກຄີພາຍໃນໃຫ້ ໜັກແໜ້ນ, ພາຍນອກກວ້າງ ຂວາງ, ຕີຕ້ານແນວຄວາມຄິດກຸ່ມກ້ອນ, ຖືເອົາຄວາມສາມັກຄີເປັນສຳຄັນ; ເອົາໃຈໃສ່ປັບປຸງແບບແຜນວິທີເຮັດວຽກຂອງຄະນະພັກ.

Medialaos MMD