ມີເດຍລາວແຂວງຈຳປາສັກ ຂ່າວ-ພາບ: ບຸນນອງ ຖວທ ປະທຸມພອນ.
ພິທີ ປະກາດແຕ່ງຕັ້ງຄະນະກຳມະການ ປ້ອງກັນຊາດ-ປ້ອງກັນຄວາມສະຫງົບ ໄດ້ຈັດຂຶ້ນ ໃນຕອນເຊົ້າວັນທີ 22 ມິຖຸນາ 2021 ນີ້ຢູ່ທີ່ສະໂມສອນຂອງເມືອງປະທຸມພອນ ແຂວງຈຳປາສັກ ໂດຍໃຫ້ກຽດເຂົ້າຮວ່ມເປັນປະທານຂອງ ສະຫາຍ ພົ.ວ ສຸໄກ ພິມມະສານ ຄະນະປະຈຳພັກແຂວງ ຮອງປະທານ ຜູ້ປະຈຳການ ຄະນະກຳມະການ ປ້ອງກັນຊາດ-ປ້ອງກັນຄວາມສະຫງົບແຂວງຈຳປາສັກ

ພິທີ ສະຫາຍ ພັ.ທ ວິໄລສອນ ນວນສີ ຮອງຫົວໜ້າຫ້ອງການ ຄະນະກໍາມະການປ້ອງກັນຊາດ-ປ້ອງກັນຄວາມສະຫງົບ ແຂວງຈຳປາສັກ ໄດ້ຂຶ້ນຜ່ານມະຕິ ຕົກລົງເລກທີ 04 /ປຊ-ປສ,ລົງວັນທີ 16 /3 / 2021 ເຊິ່ງໄດ້ແຕ່ງຕັ້ງ ສະຫາຍ ວຽງສະໄໝ ສີລິພອນພັນ ກຳມະການພັກແຂວງ ເລຂາພັກເມືອງ ເຈົ້າເມືອງໆປະທຸມພອນ ເປັນຫົວໜ້າ ຄະນະກຳມະການ ປກຊ-ປກສ ເມືອງປະທຸມພອນ,ສະຫາຍ ນາງ ຄຳມອນ ຊາມົນຕີ ຮອງເລຂາພັກເມືອງ ເປັນຮອງຫົວໜ້າ ຄະນະກຳມະການ ປກຊ-ປກສ ເມືອງປະທຸມພອນ,ສະຫາຍ ພັ.ທ ຄຳແອ໋ງ ກຳມະການພັກເມືອງ ເປັນຮອງຫົວໜ້າ ຜູ້ປະຈຳການ ຄະນະກຳມະການ ປກຊ-ປກສ ເມືອງປະທຸມພອນ,ສະຫາຍ ພັ.ທ ບຸນຖອງ ວົງສະກຸນ ຄະນະປະຈໍາພັກເມືອງ ຫົວໜ້າກອງບັນຊາການ ປກສ ເມືອງປະທຸມພອນ ເປັນຄະນະກຳມະການ ປກຊ-ປກສ ເມືອງປະທຸມພອນ,ສະຫາຍ ກົງແກ້ວ ລຸນມາລາ ກຳມະການພັກເມືອງ ຫົວໜ້າຫ້ອງວ່າການເມືອງປະທຸມພອນ ເປັນຄະນະກຳມະການ ປກຊ-ປກສ ເມືອງປະທຸມພອນ,

ພ້ອມນັ້ນເພື່ອເປັນການຊີ້ທິດຕໍ່ພິທີໃຫ້ມີຄວາມໝາຍຄວາມສຳຄັນ-ໜັກແໜ້ນ ສະຫາຍ ພົ.ວ ສຸໄກ ພິມມະສານ ໄດ້ມີຄໍາເຫັນໂອ້ລົມ ໂດຍ ສະຫາຍໄດ້ເນັ້ນໃຫ້ ຄະນະພັກ,ຄະນະບັນຊາ ແລະ ສະຫາຍ ຜູ້ທີ່ໄດ້ຮັບການແຕ່ງຕັ້ງໃໝ່,ຈົ່ງພ້ອມກັນເພີ່ມທະວີຄວາມຮັບຜິດຊອບໃຫ້ສູງຂຶ້ນ,ມີຄວາມສາມະຄີພາຍໃນພັກ, ມີແບບແຜນວິທີເຮັດວຽກເປັນໝູ່ຄະນະ, ສືບຕໍ່ເຮັດໜ້າທີ່ການເມືອງຂອງຕົນໃຫ້ຜົນສໍາເລັດຕາມການມອບໝາຍ.

ໃຫ້ກຽດເຂົ້າຮວ່ມໃນຄັ້ງນີ້: ມີບັນດາ ສະຫາຍ ເລຂາຮອງເລຂາຄະນະບໍລິຫານງານພັກເມືອງ,ຄະນະປະຈຳພັກເມືອງ,ກຳມະການພັກເມືອງ,ຫົວໜ້າຮອງຫົວໜ້າ,ນາຍ ແລະ ພົນທະຫານ-ນາຍ ແລະ ພົນຕຳຫຼວດ,ຕະຫຼອດຮອດເລຂາຄະນະພັກຮາກຖານກຸ່ມບ້ານ-ນາຍບ້ານທົ່ວເມືອງເຂົ້າຮວ່ມຢ່າງພ້ອມພຽງ.