ມີເດຍລາວແຂວງບໍ່ແກ້ວ ພາບ, ຂ່າວ: ບຸນຈັນ ບຸນປັນຍາ ວັນທີ 9 ມີຖຸນານີ້, ສະຫະພັນແມ່ຍິງແຂວງບໍ່ແກ້ວ ສົມທົບກັບ ສະຫະພັນແມ່ຍິງເມືອງຫ້ວຍຊາຍ, ໄດ້ນໍາເອົາເຄື່ອງອຸປະກອນໂທລະໂຄ່ງ ໃຫ້ບ້ານໂພນໄພ ແລະ ບ້ານປາງສະລາວ, ຊ່ວຍເຫຼືອຈາກກົມພັດທະນາແມ່ຍິງສູນກາງສະຫະພັນແມ່ຍິງລາວ, ໂດຍການສະໜັບສະໜູນຈາກໂຄງການຢູ່ນີເຊບປະຈໍາສາທາລະນະລັດ ປະຊາທິປະໄຕປະຊາຊົນລາວ, ເປັນກຽດເຂົ້າຮ່ວມຂອງທ່ານ ທອງພັນ ຈັນທະວົງ ຄະນະປະຈໍາພັກເມືອງ, ປະທານແນວລາວສ້າງຊາດເມືອງຫ້ວຍຊາຍ, ທ່ານ ນາງ ຈັນສອນ ວົງຄໍາຈັນ ຮອງປະທານສະຫະພັນແມ່ຍິງແຂວງບໍ່ແກ້ວ, ມີບັນຄະນະພັກ, ອຳນາດການປົກຄອງບ້ານເຂົ້າຮ່ວມ, ເຄື່ອງທີນໍາມາມອບໃນຄັ້ງນີ້, ປະກອບ ປັກເລີ 2 ອັນ, ແອັມ 2 ໜ່ວຍ, ໄມ 2 ອັນ, ສາຍໄຟ 2 ກໍ້, ດອກໃນປັກເລີ 2 ອັນ, ເຫຼັກຈັບ 2 ອັນ, ຫົວດູດປັກເລີ 2 ອັນ, ສະຕິກເກີ 2 ແຜ່ນ, ຢາຖູແຂ້ວ 2 ແກັດ, ມອບໃຫ້ບ້ານລະ 1 ຊຸດ ລວມມູນຄ່າທັງໝົດ 9 ລ້ານກວ່າກີບ,

ໃຫ້ກຽດມອບຂອງທ່ານ ທອງພັນ ຈັນທະວົງ ຄະນະປະຈໍາພັກເມືອງ, ປະທານແນວລາວສ້າງຊາດເມືອງຫ້ວຍຊາຍ, ພ້ອມທັງມີຄໍາເຫັນຍ້ອງຍໍຊົມເຊີຍທາງຄະນະຮັບຜິດຊອບເປັນຕົ້ນແມ່ນສະຫະພັນແມ່ຍິງເມືອງ ແລະ ສະຫະພັນແມ່ຍິງແຂວງບໍ່ແກ້ວ, ທີ່ຍາດແຍ່ງເອົາອຸປະກອນໂທລະໂຄ່ງມາມອບໃຫ້ບ້ານໃນຄັ້ງນີ້, ທ່ານໄດ້ເນັ້ນໜັກໃຫ້ຄະນະພັກ, ອໍານາດການປົກຄອງບ້ານ ແລະ ພໍ່ແມ່ປະຊາຊົນພາຍໃນບ້ານຈົ່ງພ້ອມກັນປົກປັກຮັກສາຄຸ້ມຄອງນໍາໃຊ້ໃຫ້ຍາວນານ ແລະ ເປັນການໂຄສະນາເຜີຍແຜ່ຂໍ້ມູນຂ່າວສານຕ່າງໃຫ້ພໍ່ແມ່ປະຊົນຊົນໄດ້ຮັບຮູ້ ແລະ ເຂົ້າໃຈຢ່າງທົ່ວເຖີງ.