ມີເດຍລາວແຂວງເຊກອງ ຂ່າວ: ບູ້ສຸວັນ
ໃນວັນທີ 11 ພຶດສະພາ2021 ; ຢູ່ທີ່ຫ້ອງວາການປົກຄອງແຂວງເຊກອງໄດ້ມີພິທີມອບ-ຮັບເງິນອຸຸປະຖໍາຈາກບໍລິສັດ ພູມິນກໍ່ສ້າງ ແລະສ້ອມແປງເສັ້ນທາງຈຳນວນ 15 ລ້ານກີບ, ເພື່ອນຳໃຊ້ເຂົ້າໃນວຽກງານເຄື່ອນໄຫວຖ່າຍທຳມິວສິກເພງຂອງແຂວງເຊກອງມອບໃຫ້ແກ່ພະແນກ ຖວທ ແຂວງເຊກອງ, ເຂົ້າຮ່ວມໃນຄັ້ງນີ້ມີ ທ່ານ ຂັນຕີ ສີລະວົງສາ ຮອງເຈົ້າແຂວງໆເຊກອງ, ພ້ອມດ້ວຍຄະນະພັກຄະນະພະແນກການທີ່ກ່ຽວຂ້ອງ ແລະພະນັກງານວິຊາການເຂົ້າຮ່ວມເປັນສັກຂີ່ພິຍານ.

ຕ່າງໜ້າບໍລິສັດ ພູມິນ ນໍາໂດຍເຊີ່ງ ທ່ານ ຖາວອນ ໜຸ່ມປະດິດ ຮອງອຳນວຍການບໍລິສັດ ພູມິນ ກໍ່ສ້າງ ແລະສ້ອມແປງເສັ້ນທາງ, ກ່າວຮັບໂດຍທ່ານ ບຸນທົງ ຖິ່ນດອນໂຂງ ຮອງຫົວໜ້າພະແນກ ຖວທ ແຂວງເຊກອງ, ຈຸດປະສົງຂອງການມອບເງິນໃນຄັ້ງນີ້ແມ່ນເພື່ອນຳໃຊ້ເຂົ້າໃນວຽກງານເຄື່ອນໄຫວຖ່າຍທຳມິວສິກເພງຂອງແຂວງເຊກອງ, ຈຳນວນ 12 ເພງ, ເຊິ່ງເນື້ອໃນເພງສ່ວນໃຫຍ່ຈະຍົກໃຫ້ເຫັນດ້ານວັດທະນະທໍາ, ຮີດຄອງປະເພນີອັນດີງາມຂອງເຜົ່າ ແລະການພັດທະນາພື້ນຖານໂຄງລ່າງເສດຖະກິດ-ສັງຄົມຂອງແຂວງ, ແລະ ທ່ານຮອງຫົວໜ້າພະແນກ ຖວທ ແຂວງຍັງໃຫ້ຄໍາໝັ້ນສັນຍາວ່າຈະນຳໃຊ້ເງິນດັ່ງກ່າວທີ່ທາງບໍລິສັດໄດ້ໃຫ້ການສະໜັບສະໜຸນໃນຄັງນີ້ໃຫ້ຖືກກັບເປົ້າໝາຍ ແລະ ເກີດປະ
ໂຫຍດສູງສຸດ.

ໂອກາດນີ້ທ່ານ ຮອງເຈົ້າແຂວງໆເຊກອງ ໄດ້ສະແດງຄວາມຍ້ອງຍໍຊົມເຊີຍມາຍັງບໍລິສັດພູມິນກໍ່ສ້າງ ແລະສ້ອມແປງເສັ້ນທາງ ທີ່ໄດ້ໃຫ້ຄວາມສໍາຄັນຕໍ່ກັບວຽກງານດັ່ງກ່າວໂດຍສະເພາະໄດ້ໃຫ້ການຊ່ວຍເຫຼືອດ້ານທຶນຮອນຈໍານວນໜື່ງ ເພື່ອປະກອບສ່ວນເຮັດໃຫ້ວຽກງານຄັ້ງນີ້ຖືກຈັດຕັ້ງປະຕິບັດໃຫ້ມີຜົນສຳເລັດ ແລະຫວັງຢ່າງຍິ່ງວ່າຈະໄດ້ຮັບການຊວ່ຍເຫຼືອໃນຄັ້ງຕໍ່ໄປຕື່ມອີກ.