ມີເດຍລາວແຂວງຫຼວງພະບາງ
ພິທີມອບເງິນອຸດໜູນໃຫ້ຄອບຄົວຜູ້ເສຍຊີວິດ ແລະ ມອບເງິນອຸດໜູນເທື່ອດຽວໃຫ້ນາຍ ແລະ ພົນທະຫານຢູ່ກອງບັນຊາການທະຫານແຂວງຫຼວງພະບາງ ໄດ້ຈັດຂື້ນໃນຕອນເຊົ້າຂອງວັນທີ່ 25 ພຶດສະພາ 2021 ນີ້ທີ່ສະໂມສອນຂອງຫ້ອງການເມືອງຢ່າງເປັນທາງການ ໂດຍການເປັນປະທານ ຂອງສະຫາຍ ພັນໂທ ສົມໃຈ ສີສະຫັວດ ຄະນະພັກກອງບັນຊາການ ຮອງຫົວໜ້າຫ້ອງການເມືອງທະຫານແຂວງຫຼວງພະບາງ. ມີຄະນະພັກ – ຄະນະບັນຊາຕາງໜ້າກົມກອງ, ຫົວໜ້າພະແນກ, ຮອງພະແນກຕະຫຼອດຮອດຄອບຄົວຜູ້ເສຍຊີວິດນາຍ ແລະ ພົນທະຫານທີ່ໄດ້ຮັບອຸດໜູນເທື່ອດຽວຂອງກອງບັນຊາການທະຫານແຂວງເຂົ້າຮ່ວມ.

ໃນພິທີ ສະຫາຍ ພັນໂທ ຫານຊະນະ ຂັດຕິຍະວົງສາ ຄະນະພັກຮາກຖານຫ້ອງການເມືອງ ຫົວໜ້າພະແນກພະນັກງານ ແລະ ສະຫາຍ ພັນຕີ ເອັງ ມູນເມືອງຊໍາ ຮອງຫົວໜ້າພະແນກກໍາລັງພົນ ຫ້ອງເສນາທິການທະຫານແຂວງ ໄດ້ຜັດປ່ຽນກັນຜ່ານຂໍ້ຕົກລົງຂອງກົມໃຫ່ຍການເມືອງກອງທັບ ແລະ ຂໍ້ຕົກກລົງຂອງກົມໃຫ່ຍເສນາທິການກອງທັບ. ວ່າດ້ວຍການມອບເງີນໃຫ້ຄອບຄົວນາຍທະຫານຜູ້ທີ່ປະກັນຕົນເສຍຊີວິດຈໍານວນ 4 ຄົນ, ລູກຂອງນາຍທະຫານ 2 ຄົນ, ເມຍທີ່ເປັນປະຊາຊົນ 4 ຄົນ, ນາຍທະຫານທີ່ໄດ້ຮັບການອຸດໜູນ 8 ຄົນ, ແລະ ນາຍສິບຈໍານວນ 22 ຄົນລວມທັງໝົດເປັນເງິນ 1.669.422.000 ກີບ.

ໜື່ງຕື້ຫົກຮ້ອຍຫົກສິບເກົ້າລ້ານສີ່ແສນຊາວສອງພັນກີບ. ໂດຍແມ່ນສະຫາຍ ພັນໂທ ສົມໃຈ ສີສະຫັວດ ຄະນະພັກກອງບັນຊາການ ຮອງຫົວໜ້າຫ້ອງການເມືອງທະຫານແຂວງຫຼວງພະບາງ ເປັນຜູ້ໃຫ້ກຽດຂື້ນມອບເງິນຈໍານວນດັ່ງກ່າວ ແລະ ພ້ອມທັງໂອ້ລົມຕໍ່ພິທີ. ໃນນີ້ສະຫາຍໄດ້ກ່າວວ່າ. ການມອບຮັບເງິນໃຫ້ຄອບຄົວຂອງພະນັກງານລູກເມຍຜູ້ທີ່ຊີວິດນາຍ ແລະ ພົນທະຫານໃນເທື່ອນີ້ມັນແມ່ນແນວທາງນະໂຍບາຍຂອງພັກ – ລັດຖະບານທີ່ມີຕໍ່ນາຍ ແລະ ພົນທະຫານໃນກອງທັບປະຊາຊົນລາວຜູ້ທີ່ມີຜົນງານປະກອບສ່ວນໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດກໍ່ຄືການສ້າງສາພັດທະນາກົມກອງຕະຫຼອດໄລຍະຜ່ານມາສະນັ້ນຜົນງານຄຸນງາມຄວາມດີຂອງບັນດາສະຫາຍການຈັດຕັ້ງພັກ – ລັດຂັ້ນເທິງຈຶ່ງປະຕິບັດນະໂຍບາຍຢ່າງເໝາະສົມຕາມຄວາມຮຽກຮ້ອງ ແລະ ຄວາມຕື່ນຕົວສະມັກໃຈຂອງນາຍ ແລະ ພົນທະຫານ.

ສະຫາຍ ພັນໂທ ສົມໃຈ ສີສະຫັດ ຄະນະພັກກອງບັນຊາການ ຮອງຫົວໜ້າຫ້ອງການເມືອງທະຫານແຂວງຫຼວງພະບາງ ຍັງໄດ້ຮຽກຮ້ອງໃຫ້ພາກສ່ວນທີ່ໄດ້ຮັບເງິນອຸດໜູນເທື່ອດຽວຂອງກອງບັນຊາການທະຫານແຂວງຈົ່ງພ້ອມກັນນໍາເອົາເງິນຈໍານວນດັ່ງກ່າວໄປໝູນໃຊ້ເຂົ້າໃນການສ້າງສາພັດທະນາເສດຖະກິດຄອບຄົວຂອງຕົນເຮັດໃຫ້ຊີວິດການເປັນຢູ່ໄດ້ຮັບການພັດທະນາດີຂື້ນກາຍເປັນຄອບຄົວທີ່ຮັ່ງມີເຂັ້ມແຂງ, ກາຍເປັນຄອບຄົວຕົວແບບຕັ້ງໜ້າປະກອບສ່ວນເຂົ້າໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ.

ກາຍເປັນກໍາລັງສໍາຮອງຢູ່ທ້ອງຖິ່ນຮາກຖານເປັນເຈົ້າການສືບຕໍ່ສຶກສາອົບຮົມລູກຫຼານຂອງຕົນປະຕິບັດພັນທະປ້ອງກັນຊາດ – ປ້ອງກັນຄວາມສະຫົງບກາຍເປັນພົນລະເມືອງດີຂອງຊາດ – ຂອງສັງຄົມປະຕິບັດຕາມລະບຽບກົດໝາຍບ້ານເມືອງວາງອອກໃຫ້ເຂັ້ມງວດ.ພ້ອມນີ້ກໍ່ຕ້ອງໄດ້ປະກອບສ່ວນຊຸກຍູ້ຊ່ວຍເຫຼືອອໍານາດການປົກຄອງທ້ອງຖິ່ນໃນການຕ້ານ ແລະ ສະກັດກັ້ນບັນຫາປະກົດການຫໍ້ຍທໍ້ຕ່າງໆ ຢູ່ທ້ອງຖີ່ນຮາກຖານຂອງຕົນໃຫ້ໝົດໄປເພື່ອເຮັດສໍາເລັດໜ້າທີ່ເຮັດໃຫ້ຮາກຖານມີຄວາມສະຫົງບໂດຍພື້ນຖານ.