ສື່ມວນແຂວງຈຳປາສັກ ຂ່າວ-ພາບ: ນາງ ເພັດສະຫວັນ ນັກຂ່າວເມືອງ
ໂດຍ ບໍລິສັດ ທະວີຊັບກໍ່ສ້າງຂົວທາງຈໍາກັດຜູ້ດຽວ ວັນທີ 10 ມີນາ 2021 ຢູ່ທີ່ຫ້ອງການຊັບພະຍາກອນທໍາມະຊາດແລະສີ່ງແວດລ້ອມເມືອງບາຈຽງຈະເລີນສຸກ ແຂວງຈໍາປາສັກ ໄດ້ຈັດພິທີມອບ-ຮັບຫ້ອງການຊັບຫຼັງໃໝ່ ເຈົ້າຂອງໂຄງການຄຸ້ມຄອງຊັບພະຍາກອນນໍ້າ,ແບບເຊື່ອມສານໃນຂົງເຂດແມ່ນໍ້າຂອງຕອນລຸ່ມ ກະຊວງຊັບພະຍາກອນທໍາມະຊາດແລະສີ່ງແວດລ້ອມ ໂດຍບໍລິສັດທະວີຊັບກໍ່ສ້າງຂົວທາງຈໍາກັດຜູ້ດຽວເປັນຜູ້ຮັບເໝົາກໍ່ສ້າງ ໃຫ້ກຽດເປັນປະທານຂອງທ່ານ ພອນໄຊ ສະໄໜອີນສີມອນ ຮອງຫົວໜ້າພະແນກຊັບພະຍາກອນທໍາມະຊາດແລະສີ່ງແວດລ້ອມ ແຂວງຈໍາປາສັກ ພ້ອມຄະນະທີມງານ,ທ່ານ ຄໍາມ່ວນ ຊາພິຈິດ ຮອງເຈົ້າເມືອງບາຈຽງຈະເລີນສຸກ,ທ່ານ ຄໍາໜອນ ບຸດຊາວດອນ ຫົວໜ້າຫ້ອງການຊັບພະຍາກອນທໍາມະຊາດແລະສີ່ງແວດລ້ອມເມືອງ ມີບັນດາທ່ານຫົວໜ້າຫ້ອງການ,ຮອງຫົວໜ້າຫ້ອງການອ້ອມຂ້າງເມືອງ,ເຈົ້າຂອງໂຄງການ,ພະນັກງານພາຍໃນຫ້ອງການດັ່ງກ່າວເຂົ້າຮ່ວມ

ໃນພິທີທ່ານ ນາງ ລັດຕະນາ ສີແພງເພັດ ເຈົ້າຂອງໂຄງການບໍລິສັດທະວີຊັບກໍ່ສ້າງຂົວທາງຈໍາກັດຜູ້ດຽວ ຂື້ນຜ່ານບົດລາຍງານການກໍ່ສ້າງໂດຍຫຍໍ້ເພື່ອຕອບສະໜອງເປົ້າໜາຍການຈັດຕັ້ງປະຕິບັດການກໍ່ສ້າງຫ້ອງການຊັບພະຍາກອນທໍາມະຊາດແລະສີ່ງແວດລ້ອມເມືອງແມ່ນເລີ່ມແຕ່ວັນທີ1ມັງກອນປີ2020 ຫາວັນທີ10ມີນາປີ2021ຈື່ງສໍາເລັດ100% ຈາກນັ້ນ ທ່ານ ຄໍາມ່ວນ ຊາພິຈິດ ຮອງເຈົ້າເມືອງບາຈຽງຈະເລີນສຸກ ໄດ້ມີຄໍາເຫັນກ່ອນອື່ນທ່ານໄດ້ສະແດງຄວາມຂອບໃຈມາຍັງພະແນກຊັບພະຍາກອນທໍາມະຊາດ ແລະ ສີ່ງແວດລ້ອມແຂວງຈໍາປາສັກ ເຊີ່ງຍາມໃດກໍ່ໄດ້ເອົາໃຈໃສ່,ເປັນຫ່ວງເປັນໄຍໃຫ້ຄວາມສໍາຄັນລົງໃກ້ຊິດຕິດແທດແລະຕິດຕາມຊຸກຍູ້ຂັ້ນເມືອງຕະຫຼອດມາແລະຈະນໍາໃຊ້ຫ້ອງການດັ່ງກ່າວໃຫ້ຖຶກຕ້ອງຕາມເປົ້າໜາຍເປັນປະໂຫຍດສູງສຸດ./.