ຄໍລຳເຮົາເຄີຍລົງພິມບົດ “ບ້ານຕ້ອງເຂັ້ມງວດ” ເຊີ່ງໃນຕອນທ້າຍບົດນັ້ນວ່າ: ບີບເຂົ້າ-ບີບໜັກ ເຂົາຄິດວ່າວົງຈອນການແຜ່ເຊື້ອຈະຖືກຕັດ ລົງພິມໃນວັນທີ 17/5/2021 ຈາກມື້ນັ້ນມາບໍ່ດົນການແຜ່ເຊື້ອໃນຊຸມຊົນກໍ່ພຸ່ງຂື້ນ ຍ້ອນເຮົາບໍ່ເຂັ້ມງວດຈົນວ່າໄດ້ປິດບ້ານ-ປິດເມືອງ ໂດຍສະເພາະຢູ່ນະຄອນຫຼວງວຽງຈັນ.

ຕາມຄຳສັ່ງເລກທີ 16/ຈນວ ຂອງເຈົ້າຄອງນະຄອນຫຼວງວຽງຈັນ ນັ້ນຮອດວັນທີ 30/9/2021ເພີ່ນຈະປະເມີນຄືນໃໝ່ອີກເນີ! ແຕ່ໃນພາກປະຕິບັດຕົວຈີງ ຍັງເຫັນວ່າການປະຕິບັດບໍ່ເຂັ້ມງວດປານໃດ? ຕໍ່ປະກົດການນີ້ເຈົ້າໜ້າທີ່ເພີ່ນຈະເຮັດແທ້ເນີ! ເບີ່ງມາດຕະການປັບໃໝສູງແທ້ໃດ໋? ບຸກຄົນ 3 ລ້ານກີບ, ນິຕິບຸກຄົນ 10 ລ້ານກີບ.

ສະນັ້ນ ຢູ່ເຮືອນດີທີ່ສຸດ ເພາະບໍ່ໄປຮັບເອົາເຊື້ອ, ບໍ່ແຜ່ເຊື້ອສູ່ຄົນອື່ນ ແລະ ບໍ່ສ້າງຄວາມລຳບາກໃຈຕໍ່ເຈົ້າໜ້າທີ່.

#ມີເດຍລາວ