ຫ້ອງວ່າການສຳນັກງານນາຍົກລັດຖະມົນຕີ ອອກແຈ້ງການ ສະບັບເລກທີ 462/ຫສນຍ ລົງວັນທີ  5 ພຶດສະພາ 2021 ກ່ຽວກັບທິດຊີ້ນຳການສືບຕໍ່ຈັດຕັ້ງປະຕິບັດຄຳສັ່ງ ສະບັບເລກທີ 15/ນຍ ລົງວັນທີ 21 ເມສາ 2021 ວ່າດ້ວຍການເພີ່ມທະວີມາດຕະການສະກັດກັ້ນ, ຄວບຄຸມ ແລະ ກຽມຄວາມພ້ອມຮອບດ້ານເພື່ອຕ້ານພະຍາດໂຄວິດ-19 ຮອດວັນທີ 20 ພຶດສະພາ 2021.

ຜ່ານການຈັດຕັ້ງປະຕິບັດຄຳສັ່ງຂອງນາຍົກລັດຖະມົນຕີ ສະບັບເລກທີ 15/ນຍ ລົງວັນທີ 21 ເມສາ 2021, ແຈ້ງການຂອງຂະແໜງການ, ອົງການກ່ຽວຂ້ອງ ແລະ ຄຳແນະນຳຂອງຄະນະສະເພາະກິດແຕ່ລະຂັ້ນວາງອອກ ເຫັນວ່າການຈັດຕັ້ງທຸກພາກສ່ວນ ທຸກຂັ້ນ ລວມທັງຂອງພາກລັດ, ພາກທຸລະກິດ ແລະ ສັງຄົມ ລ້ວນແຕ່ໄດ້ປະຕິບັດໜ້າທີ່ດ້ວຍຄວາມຮັບຜິດຊອບສູງ ແລະ ບໍ່ຮູ້ອິດຮູ້ເມື່ອຍ, ໃນນີ້ລວມທັງການຊີ້ນຳບັນຊາ ຂອງອົງການປົກຄອງ, ຄະນະສະເພາະກິດທຸກຂັ້ນ, ການປະຕິບັດໜ້າທີ່ວິຊາສະເພາະ ຂອງກຳລັງປະກອບອາວຸດ ແລະ ພະນັກງານແພດໝໍທຸກຂັ້ນ ເຮັດໃຫ້ສາມາດຄວບຄຸມການແຜ່ລະບາດ ໄດ້ລະດັບໜື່ງ. ແຕ່ອີງຕາມການປະເມີນຂອງຄະນະສະເພາະກິດ ແລະ ອົງການອະນາໄມໂລກ, ເຖີງວ່າຈຳນວນຜູ້ຕິດເຊື້ອມີທ່າອ່ຽງຫຼຸດລົງ, ແຕ່ຢູ່ນະຄອນຫຼວງວຽງຈັນ ແລະ ບາງທ້ອງຖີ່ນ ແມ່ນຍັງມີຜູ້ຕິດເຊື້ອຫຼາຍຢູ່, ສີ່ງທີ່ເປັນຄວາມສ່ຽງກ່ວານັ້ນ ບຸກຄົນທີ່ໄດ້ກວດພົບວ່າມີເຊື້ອພະຍາດ ແຕ່ບໍ່ທັນມາສະເໜີຕົວ ແລະ ປີ່ນປົວເທື່ອ ສະນັ້ນ ລັັດຖະບານ ຈີ່ງຕົກລົງ ແລະ ມີທິດຊີ້ນຳ.