ໃນວັນທີ 1 ມິຖຸນາ 2021 ສປປ ລາວ ພົບຜູ້ຕິດເຊື້ອໃໝ່ 17 ຄົນ ໃນນີ້: ຈາກນະຄອນຫຼວງວຽງຈັນ 12 ກໍລະນີ (ແມ່ນຕິດເຊື້ອໃນຊຸມຊົນ), ຈໍາປາສັກ 03 ກໍລະນີ ແລະ ສະຫັວນນະເຂດ 02 ກໍລະນີ (ແຂວງຈໍາປາສັກ ແລະ ແຂວງສະຫັວນນະເຂດແມ່ນກໍລະນີນຳເຂົ້າ).

ປັດຈຸບັນສະພາບການລະບາດຂອງພະຍາດ COVID-19 ໃນ ສປປ ລາວ ມີ:

  • ຜູ້ຕິດເຊື້ອສະສົມທັງໝົດ 1,912 ຄົນ
  • ເສຍຊິວິດສະສົມທັງໝົດ 03 ຄົນ (ໃໝ່ 0 ຄົນ)
  • ປິ່ນປົວດີທັງໝົດ 1,595 ຄົນ (ໃໝ່ 56 ຄົນ)
  • ກໍາລັງປີ່ນປົວ 311 ກໍລະນີ
  • ກຳລັງລໍຖ້າປີ່ນປົວ 17 ກໍລະນີ
  • ການເດີນທາງເຂົ້າມາ ສປປ ລາວ ຕາມຈຸດຜ່ານແດນ, ວັນທີ 31 ພຶດສະພາ 2021
  • ຜູ້ເດີນທາງທີ່ໄດ້ຮັບອະນຸຍາດຈາກຄະນະສະເພາະກິດ ຈຳນວນ 1,885 ຄົນ

– ຜ່ານດ່ານລາວ-ໄທ 795 ຄົນ

– ຜ່ານສະໜາມບິນສາກົນວັດໄຕ 130 ຄົນ (ເປັນຄົນຈີນທັງໝົດ)

  • ວຽກງານການຈຳກັດບໍລິເວນ ປະຈຸບັນທົ່ວປະເທດມີສູນຈໍາກັດບໍລິເວນທີ່ເປີດນຳໃຊ້ຢູ່ທັງໝົດ 51 ສູນ, ມີຜູ້ຈຳກັດບໍລິເວນທັງໝົດ 2,976 ຄົນ.
  • ໃນວັນທີ 31 ພຶດສະພາ 2021 ທົ່ວປະເທດ ໄດ້ມີການເກັບຕົວຢ່າງມາກວດຊອກຫາເຊື້ອ COVID-19 ທັງໝົດ 2,216 ຕົວຢ່າງ.

ຕົວເລກນີ້ຊີ້ບອກວ່າເຊື້ອໂຄວິດ-19 ຍັງບໍ່ທັນໝົດໄປຈາກນະຄອນຫລວງ ແລະ ປະເທດເຮົາເທື່ອ ສະນັ້ນ ຈຶ່ງເຜີຕົວບໍ່ໄດ້, ຕ້ອງສືບຕໍ່ເສີມຂະຫຍາຍບົດຮຽນແຫ່ງຜົນສຳເລັດທີ່ຍາດມາໄດ້ດ້ວຍຄວາມບຸກບືນພາກພຽນອົດທົນຮ່ວມແຮງຮ່ວມໃຈກັນຂອງທຸກພາກສ່ວນ, ຊອກໃຫ້ເຫັນຈຸດອ່ອນໃນພາກປະຕິບັດເພື່ອວາງມາດຕະການແກ້ໄຂທີ່ແທດເໝາະ, ທັນການ ແລະ ເດັດຂາດ, ອັດຊ່ອງຫວ່າງຕ່າງໆ ໃຫ້ໝົດໄປ!