ທຸກໆ ຄົນອາດຈະເຂົ້າໃຈວ່າການໃຊ້ເກືອເພື່ອລ້າງສານພິດອອກຈາກຜັກ ແລະ ໝາກ ໄມ້ນັ້ນຈະເຮັດໃຫ້ຜັກ ແລະ ໝາກໄມ້ສະອາດ ແຕ່ເປັນຄວາມຄິດທີ່ຜິດ ໃນຄວາມເປັນຈິງເກືອຍັງເຮັດໃຫ້ສານພິດຕິດກັບໝາກໄມ້ ແລະ ຜັກຍີ່ງຂື້ນ ໂອ້ຍ!! ສະນັ້ນພວກເຮົາຄວນລ້າງຜັກ ແລະ ໝາກໄມ້ແນວໃດ? ມື້ນີ້ພວກເຮົານຳເອົາຄຳຕອບມາບອກໃຫ້ໝູ່ເພື່ອນເບິ່ງນຳກັນເລີຍ.

ວິທີລ້າງຄື: ລ້າງຜັກ ແລະ ໝາກໄມ້ດ້ວຍນໍ້າສະອາດກ່ອນເທື່ອໜື່ງ ຈາກນັ້ນນຳໄປແຊ່ແປ້ງສາລີປະສົມກັບນໍ້າເລັກໜ້ອຍ ເພາະມັນຈະຊ່ວຍລ້າງສານພິດອອກຈາກຢາຂ້າສັດຕູພືດອອກໄປໄດ້ ແລະ ອີກວິທີໜຶ່ງແມ່ນລ້າງຊໍ້າກັນຫຼາຍໆ ເທື່ອດ້ວຍນໍ້າສະອາດ.

ຖ້າເອົາຜັກ ແລະ ໝາກໄມ້ປະໄວ້ໃນເຮືອນຄົວກ່ອນເຄິ່ງມື້ ແລ້ວຈີ່ງນຳມາລ້າງໃຫ້ສະອາດນີ້ເປັນວິທີທີ່ດີທີ່ສຸດ ພຽງເທົ່ານີ້ທ່ານກໍ່ຈະມີຜັກ ແລະ ໝາກໄມ້ທີ່ບໍ່ມີສານພິດແລ້ວ.