ມີເດຍລາວແຂວງຜົ້ງສາລີ ພາບ – ຂ່າວ: ແສງຄຳ ສາລີວັນ
ພິທີ ມອບຫຼຽນກາລະນືກສະມາຊີກສະພາປະຊາຊົນແຂວງ ໃຫ້ກັບສະມາຊີກສະພາປະຊາຊົນແຂວງຜົ້ງສາລີຊຸດທີ 1 ໄດ້ຈັດຂື້ນຢ່າງເປັນທາງການໃນຕອນບ່າຍຂອງວັນທີ 21 ເມສາ 2021 ຢູ່ຫ້ອງປະຊຸມສະພາປະຊາຊົນແຂວງຜົ້ງສາລີ. ໂດຍການເຂົ້າຮ່ວມຂອງທ່ານ ຄຳຜອຍ ວັນນະສານ ກຳມະການສູນກາງພັກ, ເລຂາພັກແຂວງ, ເຈົ້າແຂວງໆຜົ້ງສາລີ, ມີທ່ານ ບົວທອງ ອູ່ແສງຄຳ ຮອງເລຂາພັກແຂວງ, ປະທານສະພາປະຊາຊົນແຂວງ, ມີບັນທ່ານຄະນະປະຈຳພັກແຂວງ, ກຳມະການພັກແຂວງ, ສະມາຊີກສະພາແຫ່ງຊາດຊຸດທີ 9 ແລະ ສະພາປະຊາຊົນແຂວງຊຸດທີ 1 ແລະ 2 ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.

ທ່ານ ຄຳມາ ສຸລິວົງ ຮອງເລຂາທິການສະພາປະຊາຊົນແຂວງຜົ້ງສາລີ ໄດ້ຂື້ນຜ່ານຂໍ້ຕົກລົງຂອງຄະນະປະຈຳສະພາປະຊາຊົນແຂວງ ສະບັບເລກທີ 29/ຄປຈຂ ລົງວັນທີ 19 ເມສາ 2021 ວ່າດ້ວຍການມອບຫຼຽນກາລະນືກສະມາຊີກສະພາປະຊາຊົນແຂວງຊຸດທີ I ເຊີ່ງລວມມີຈຳນວນ 21 ທ່ານ, ຍີງ 8 ທ່ານ. ໃຫ້ກຽດຂື້ນມອບຫຼຽນກາລະນືກສະມາຊີກສະພາປະຊາຊົນແຂວງ ຊຸດທີ I ໂດຍທ່ານ ຄຳຜອຍ ວັນນະສານ ເຈົ້າແຂວງໆຜົ້ງສາລີ, ຂື້ນມອບຊຸດທີ II ໂດຍທ່ານ ບົວທອງ ອູ່ແສງຄຳ ປະທານສະພາປະຊາຊົນແຂວງ, ຂື້ນມອບຊຸດທີ III ໂດຍທ່ານ ປອ ຈັນສີ ແສງຊົມພູ ຮອງປະທານສະພາປະຊາຊົນແຂວງ ແລະ ຂື້ນມອບຊຸດທີ IV ໂດຍທ່ານ ນາງ ວັນມະນີ ຫານນະວົງ ຮອງປະທານສະພາປະຊາຊົນແຂວງ ແລະ ຂື້ນຮັບໂດຍບັນດາທ່ານ ສະມາຊີກສະພາປະຊາຊົນແຂວງຜົ້ງສາລີຊຸດທີ I ຕາມລຳດັບ.


ສໍາລັບການມອບ ຫຼຽນກາລະນຶກໃຫ້ສະມາຊິກສະພາປະຊາຊົນແຂວງຜົ້ງສາລີຊຸດທີ 1 ໃນຄັ້ງນີ້ ແມ່ນເພື່ອ ເປັນການຢັ້ງຢືນຜົນງານໃນການປະກອບສ່ວນ ອຸທິດຕົນເພື່ອປະຕິບັດວຽກງານຕ່າງໆ ຂອງພັກ – ລັດ, ສະແດງເຖິງຄວາມຮູ້ບຸນຄຸນ, ທີ່ສະຫຼະເຫື່ອແຮງ, ສະຕິປັນຍາເຂົ້າໃນວຽກງານຮອບດ້ານ. ໂດຍສະເພາະແມ່ນວຽກງານເຄື່ອນໄຫວຂອງສະພາ ໃນໄລຍະຜ່ານມາ ເຮັດໃຫ້ວຽກງານສະພາມີທ່າກ້າວ,ເສດຖະກິດ – ສັງຄົມ ຂະຫຍາຍຕົວຢ່າງຕໍ່ເນື່ອງ,ບ້ ານເມືອງໄດ້ຮັບການພັດທະນາເປັນກ້າວໆ.