ມີເດຍລາວແຂວງວຽງຈັນ ພາບ-ຂ່າວ:ດາວເພັດແກ້ວປະເສີດ
ໃນວັນທີ່ 28 ມີຖຸນາ 2021 ນີ້ ສສຊ ແລະ ສສຂ ແຂວງວຽງຈັນ ໄດ້ລົງສືບຕໍ່ເຄື່ອນໄຫວເຜີຍແຜ່ຜົນສຳເລັດກອງປະຊຸມຄັ້ງປະຖົມມະລຶກຂອງ ສສຊ ຊຸດທີ່ IX ແລະ ສສຂ ຊຸດທີ່ II ຢູ່ທີສະໂມສອນໃຫຍ່ຂອງ ເມືອງແກ້ວອຸດົມ ແຂວງວຽງຈັນ.ພາຍໃຕ້ການເປັນປະທານຂອງ ທ່ານ ບົວຄຳ ຫຼວງອາໄພສະມາຊິກສະພາແຫ່ງຊາດ ຊຸດທີ່ IX ປະຈຳເຂດເລືອກຕັ້ງທີ່10 ແຂວງວຽງຈັນ, ມີທ່ານ ນາງ ບົວໄລ ອຸດົມ ຮອງເລຂາພັກເມືອງ ປະທານກວດກາພັກ – ລັດ ເມືອງທັງເປັນ ສະມາຊິກສະພາປະຊາຊົນແຂວງວຽງຈັນ ຊຸດທີ່ II ປະຈຳເຂດເລືອກຕັ້ງເມືອງແກ້ວອຸດົມ, ມີທ່ານ ສີງຄຳ ມະນີວັນ ກຳມະການພັກເມືອງ ຮອງເຈົ້າເມືອງໆແກ້ວອູດົມ,ມີສະມາຊິກສະພາປະຊາຊົນແຂວງວຽງຈັນ ຊຸດທີ່ II ປະຈຳເຂດເລືອກຕັ້ງເມືອງແກ້ວອຸດົມ, ມີບັນດາຄະນະປະຈຳພັກເມືອງ,ກຳມະການພັກເມືອງ,ຫົວໝ້າ,ຮອງຫົວໝ້າຫ້ອງການ ແລະ ກົມກອງອ້ອມຂ້າງເມືອງແກ້ວອຸດົມເຂົ້່າຮ່ວມ 60 ກ່ວາຄົນ.

ໃນກອງປະຊຸມ ທ່ານ ສີງຄຳ ມະນີວັນ ຮອງເຈົ້າເມືອງໆແກ້ວອຸດົມ ກໍ່ໄດ້ໃຫ້ກຽດຂື້ນຜ່ານບົດລາຍງານສະພາບການຈັດຕັ້ງປະຕິບັດວຽກງານ ແຜນພັດທະນາເສດຖະກິດ-ສັງຄົມຂອງເມືອງໃນໄລຍະ 1 ປີຜ່ານມາ 2020-2021 ເຊິ່ງທ່ານໄດ້ ຍົກໃຫ້ເຫັນດ້ານດີ, ດ້ານອ່ອນ ແລະ ຂໍ້ຄົງຄ້າງຂອງການຈັດຕັ້ງປະຕິບັດວຽກງານໃນໄລຍະ1 ປີຜ່ານມາ ໂດຍສະເພາະແມ່ນວຽກງານທີ່ສຳຄັນຕ່າງໆຂອງພັກ-ລັດ,ວຽກງານເສດຖະກິດຂອງເມືອງ,ວຽກງານການປ້ອງກັນ, ຄວບຄຸມ ແລະ ສະກັດກັ້ນ ການແຜ່ລະບາດຂອງພະຍາດໂຄວິດ – 19. ຫຼັງຈາກນັ້ນ ທ່ານ ບົວຄຳ ຫຼວງອາໄພ ສະມາຊິກສະພາແຂວງວຽງຈັນຊຸດທີ່ lX ປະຈຳເຂດເລືອກຕັ້ງທີ 10 ແຂວງວຽງຈັນ ກໍ່ໄດ້ໃຫ້ກຽດຂື້ນລາຍງານຜົນສຳເລັດກອງປະຊຸມຄັ້ງປະຖົມມະລຶກຂອງສະພາແຫ່ງຊາດ ຊຸດທີ່ IX ເຊີ່ງທ່ານໄດ້ໃຫ້ຮູ້ເຖີງເນື້ອໃນກອງປະຊຸມຄື: ກອງປະຊຸມໄດ້ຊຸມໃສ່ພິຈາລະນາບັນຫາສຳຄັນພື້ນຖານຂອງຊາດຄື: ວຽກໂຄງປະກອບກົງຈັກ ແລະ ບຸກຄະລະກອນຂອງສະພາແຫ່ງຊາດ ຊຸດທີ່ IX , ພິຈາລະນາ, ຮັບຮອງເອົາວຽກງານ ຂອງອົງການໄອຍະການ ປະຊາຊົນສູງສຸດ, ພິຈາລະນາ, ຮັບຮອງເອົາບົດສະຫຼຸບການເຄື່ອນໄຫວວຽກງານ 5 ປີຜ່ານມາ (2016 – 2020) ແລະ ວາງທິດທາງແຜນການເຄື່ອນໄຫວວຽກງານ 5 ປີ ຕໍ່ໜ້າ (2021 – 2025)ຂອງອົງການແຫ່ງລັດ, ພິຈາລະນາ, ຮັບຮອງເອົາແຜນການສ້າງ ແລະ ປັບປຸງກົດໝາຍ 5 ປີຂອງສະພາແຫ່ງຊາດ.

ພ້ອມນັ້ນ ທ່ານ ນາງ ບົວໄລ ອຸດົມ ຮອງເລຂາພັກເມືອງ ປະທານກວດກາພັກ-ລັດເມືອງທັງເປັນສະມາຊິກສະພາປະຊາຊົນແຂວງວຽງຈັນ ຊຸດທີ່ II ປະຈຳເຂດເລືອກຕັ້ງເມືອງແກ້ວອຸດົມ ກໍ່ໄດ້ໃຫ້ກຽດຂື້ນລາຍງານຜົນສຳເລັດກອງປະຊຸມຄັ້ງປະຖົມມະລຶກຂອງສະພາປະຊາຊົນແຂວງວຽງຈັນ ຊຸດທີ່ II ເຊີ່ງທ່ານໄດ້ໃຫ້ຮູ້ກ່ຽວກັບ ວາລະທີ່ສຳຄັນຂອງກອງປະຊຸມຄື: ພິຈາລະນາ, ຮັບຮອງເອົາປະທານສະພາປະຊາຊົນແຂວງ, ຮັບຮອງເອົາໂຄ່ງປະກອບກົງຈັກການຈັດຕັ້ງຂອງສະພາປະຊາຊົນແຂວງວຽງຈັນ ຊຸດທີ່ II, ຮັບຮອງເອົາວຽກງານຂອງອົງການປົກຄອງແຂວງ,ພ້ອມກັນນັ້ນທ່ານຍັງໄດ້ເໜັ້ນໜັກໃຫ້ການນຳເມືອງໃນແຕ່ລະຫ້ອງການ ແລະ ກົມກອງອ້ອມຂ້າງເມືອງຈົ່ງນຳເອົາເນື້ອໃນຈິດໃຈຂອງກອງປະຊຸມໃນຄັ້ງນີ້ນຳໄປເຜີຍແຜ່ ແລະ ຜັນຂະຫຍາຍໃຫ້ສະມາຊິກພັກ ແລະ ພະນັກງານລັດຖະກອນພາຍໃນເມືອງແກ້ວອຸດົມໃຫ້ຮັບຮູ້ເຂົ້າໃຈຢ່າງທົ່ວເຖິງ ແລະ ຈົ່ງສຶບຕໍ່ປ້ອງກັນ, ຄວບຄຸມ ແລະ ສະກັດກັ້ນການແຜ່ລະບາດຂອງພະຍາດ ໂຄວິດ – 19 ໃຫ້ໄດ້ດີ ແລະ ມີປະສິດທິຜົນເປັນກ້າວໆ.