ມີເດຍລາວແຂວງສາລະວັນ ໂດຍທິດລານີ ໂຄດໂຍທາ. ວັນທີ2ພຶດສະພາ2021, ທີ່ຫ້ອງວ່າການແຂວງສາລະວັນ, ຄອບຄົວ ທ່ານ ໄຊຍະເດດ ວົງສາລະວັນ ແລະ ຄອບຄົວ ທ່ານ ໂຢດ ພູນສະຫວັດ ໄດ້ມອບເຄື່ອງເພື່ອປະກອບສ່ວນເຂົ້າໃນວຽກງານຕ້ານ ແລະ ສະກັດກັ້ນການແຜ່ລະບາດຂອງພະຍາດໂຄວິດ-19 ໃຫ້ແຂວງສາລະວັນ ປະກອບມີ: ນໍ້າດື່ມ 30 ແພັກ, ເຂົ້າໜົມ 250 ກ່ອງ, ຜ້າອັດປາກ-ອັດດັງ 1 ແກັດ ຈໍານວນ 50 ກັບ ແລະ ອື່ນໆ ລວມມູນຄ່າ 3 ລ້ານກີບ.

ໂດຍການຮັບຂອງທ່ານ ສົມໃຈ ອຸ່ນຈິດ ຮອງເຈົ້າແຂວງ ຫົວໜ້າຄະນະສະເພາະກິດໂຄວິດ-19 ຂັ້ນແຂວງ. ເພື່ອແນ່ໃສປະກອບສ່ວນໃນການຊ່ວຍເຫຼືອ, ຕ້ານ ແລະ ສະກັດກັ້ນການແຜ່ລະບາດ ຂອງພະຍາດໂຄວິດ-19. ເຄື່ອງຈໍານວນດັ່ງກ່າວແມ່ນຈະນໍາໄປມອບໃຫ້ກັບໜ່ວຍງານແພດ, ໝໍ, ທະຫານ, ຕໍາຫຼວດ ແລະ ໜ່ວຍງານອື່ນໆ ທີ່ປະຕິບັດວຽກງານຕົວຈິງຢູ່ພາກສະໜາມ, ໃນໂອກາດດຽວກັນນີ້ ທ່ານກໍ່ໄດ້ສະແດງຄວາມຂອບໃຈມາຍັງ 2 ຄອວຄົວທີ່ມີນໍ້າໃຈໃຫ້ການຊ່ວຍເຫຼືອໃນຄັ້ງນີ້ ແລະ ກໍ່ຫວັ່ງຢ່າງຍິ່ງວ່າຈະໄດ້ຮັບການຊ່ວຍເຫຼືອຕື່ມອີກ.