ເພື່ອເປັນການກວດກາ, ສະຫຼຸບຕີລະຄາ ແລະ ສືບຕໍ່ການຈັດຕັ້ງປະຕິບັດວຽກງານ ຂອງສະຫະພັນແມ່ຍິງແຂວງວາງອອກໃນກອງປະຊຸມໃຫຍ່ຄັ້ງທີ VI ເຊິ່ງມີທັງໝົດ 8 ແຜນງານ 25 ໂຄງການ, ການຈັດຕັ້ງປະຕິບັດຂໍແຂ່ງຂັນ 3 ດີ, ຜ່ານການຈັດຕັ້ງປະຕິບັດພົນລະເມືອງດີປະຕິບັດໄດ້ 98%, ພັດທະນາດີປະຕິບັດໄດ້ 92% ແລະ ສ້າງຄອບຄົວດີປະຕິບັດໄດ້ 95% ຂອງຈຳນວນຜູ້ເຂົ້າຮ່ວມທັງໝົດ, ທົ່ວແຂວງໃນປີ 2020 ສະຫະພັນແມ່ຍິງແຂວງສາມາດຄັດເລືອກຜົນງານໄດ້ໄດ້ຢັ້ງຢືນຄືນບ້ານທີ່ໄດ້ຮັບນາມມະຍຸດ 3 ດີມີ 420 ບ້ານ, 118 ໜ່ວຍ ແລະ 110 ຮາກຖານ, ສ້າງໜ່ວຍສະຫະພັນແມ່ຍິງ 3 ດີ ໄດ້ 4 ໜ່ວຍ, ສ້າງຮາກຖານແມ່ຍິງ 3 ດີໄດ້ 3 ຮາກຖານ, ບ້ານສະຫະພັນແມ່ຍິງ 3 ດີໄດ້ 2 ບ້ານ ແລະ ສະມາຊິກສະຫະພັນແມ່ຍິງ 3 ດີ ປະເພດ 1 ໄດ້ 32 ພັນກວ່າຄົນ, ກວມເອົາ 91% ຂອງຈຳນວນສະມາຊິກແມ່ຍິງເຂົ້າຮ່ວມແຂ່ງຂັນທັງໝົດ ແລະ ປະເພດ 2 ມີ 2 ພັນກວ່າຄົນ ກວມເອົາ 6%ຂອງຈຳນວນສະມາຊິກແມ່ຍິງເຂົ້າຮ່ວມແຂ່ງຂັນທັງໝົດ.


ທິດທາງຕໍ່ໜ້າເອົາໃຈໃສ່ຍົກສູງຄວາມຮູ້, ຄວາມສາມາດໃນການຊີ້ນໆພາ, ປັບປຸງແບບແຜນວິທີການເຮັດວຽກໃຫ້ສອດຄອງກັບໜ້າທີ່ການເມືອງໄລຍະໃໝ່, ຈັດຕັ້ງປະຕິບັດຂະບວນການແຂ່ງຂັນ 3 ດີ, ຕິດພັນກັບຂະບວນການແຂ່ງຂັນຮັກຊາດ ແລະພັດທະນາ, ຂະບວນການ 3 ສ້າງ ແລະ ອື່ນໆ ສ້າງສະມາຊິກແມ່ຍິງໃຫ້ໄດ້ຕາມມາດຖານຂໍ້ແຂ່ງຂັນ 3 ດີເພື່ອເສີມຂະຫຍາຍຄຸນລັກສະຊະນະທີ່ເປັນທູນເຊື້ອຂອງແມ່ຍິງລາວ, ປຸກລະດົມຊຸກຍູ້ສະມາຊິກສະຫະພັນແມ່ຍິງໃຫ້ໄດ້ເຂົ້າຮ່ວມເຊື່ອມຊືມ, ເຂົ້າຮ່ວມຂະບວນການ 3 ດີໃຫ້ໄດ້ 95% ຂື້ນໄປ ແລະ ສູ້ຊົນສ້າງສະຫະພັນແມ່ຍິງບ້ານ 3 ດີໃຫ້ໄດ້ 100% ຂອງຈຳນວນບ້ານທັງໝົດໃນທົ່ວແຂວງທີ່ຍັງບໍ່ທັນໄດ້ຮັບຮອງໃນຈຳນວນ 8 ບ້ານ.


ພ້ອມນັ້ນສະຫະພັນແມ່ຍິງກໍ່ຍັງໄດ້ເອົາໃຈໃສ່ໃນການສຶກສາອົບຮົມການເມືອງແນວຄິດໃຫ້ເອື້ອຍນ້ອງແມ່ຍິງ, ປັຍປຸງ ແລະ ຂະຫຍາຍການຈັດຕັ້ງ, ວຽກງານສົ່ງເສີມຄວາມກ້າວໜ້າຂອງແມ່ຍິງ, ວຽກງານພັດທະນາຊີວິດການເປັນຢູ ແລະ ຄອບຄົວ, ວຽກງານພົວພັນການຮ່ວມມືກັບຕ່າງປະເທດ, ວຽກງານກວດກາ ແລະ ອື່ນໆ ເຊິ່ງພິທີດັ່ງກ່າວໄດ້ໄຂຂື້ນໃນວັນທີ 12 ມີນາ 2021 ຢູ່ທີ່ຫ້ອງປະຊຸມສະໂມສອນແຂວງໂດຍການເປັນປະທານ ຂອງທ່ານ ນາງ ວາດສະໜາ ໂພໄຊຍະວົງ ກຳມະການພັກແຂວງ ປະທານສະຫະພັນແມ່ຍິງແຂວງ ໃຫ້ກຽດເຂົ້າຮ່ວມມີປະທານສະຫະພັນແມ່ຍິງເມືອງໃນ 8 ຕົວເມືອງ ແລະ ໜ່ວຍແມ່ຍິງຮາກຖານພະແນກການຕ່າງໆອ້ອມຂ້າງແຂວງເຂົ້າຮ່ວມ
ພາບ-ຂ່າວ: ສິດຕາ ເພັດວົງສາ