ສື່ມວນຊົນແຂວງຈຳປາສັກ ຂ່າວ:ນາງ ບຸນມີ, ພາບ: ນາງ ສຸກສະຫວັນ ນັກຂ່າວເມືອງ ວັນ​ທີ 05ມີນາ 2021 ສະຫະພັນ​ແມ່ຍິງ​ເມືອງບາຈຽງຈະເລີນສຸກ ແຂວງຈຳປາສັກ ປາຖະກະຖາ​ເລົ່າຄືນມູນ​ເຊື້ອ​ວັນ​ແມ່ຍິງ​ສາກົນ​( 8 /3/1910- 8 /3/ 2021)ຄົບຮອບ111ປີທີ່ສະ​ໂມ​ສອນ​ຂອງ​ເມືອງ,ໂດຍໃຫ້ກຽດ​ເປັນ​ປະທານຂອງ​ທ່ານ ປະລິນຍາເອກ ອຳນວຍ ເຮືອງວົງສາ ຮອງເລຂາພັກເມືອງຜູ້ຊີ້ນຳວຽກງານການເມືອງ-ແນວຄິດແລະອົວການຈັດຕັ້ງມະຫາຊົນ ມີປະທານແມ່ຍິງກົມກອງ-ຫ້ອງການ, ພະນັກງານອາວຸໂສເບ້ຍບຳນານ,ພັນລະຍາພະນັກງານການນຳເມືອງ, ມ.ສ, ບ້ານພ້ອມສະມາຊິກສະຫະພັນແມ່ຍິງອ້ອມຂ້າງເມືອງເຂົ້າຮ່ວມ 74 ທ່ານ

ໃນພິທີທ່ານ ນາງ ບົວຜັນ ຫຼວງແສນຫວັງ ໄດ້ເລົ່າຄືນກ່ຽວກັບຄວາມ​ເປັນ​ມາ​ຂອງ​ວັນ​ແມ່ຍິງ​ສາກົນ​ແມ່ນ​ເຫດການ​ເມືອງ​ທີ່​ສຳຄັນ, ເປັນ​ຂີດໝາຍ​ແຫ່ງ​ໄຊຊະນະ​ອັນ​ພື້ນຖານ​ຂອງ​ຂະ​ບວນການ​ແມ່ຍິງ​ສາກົນ​ໃນ​ການ​ຕໍ່ສູ້​ເອົາ​ສິດຜົນປະ​ໂຫຍ​ດອັນ​ຊອບ​ທຳ​ໃຫ້​ແກ່​ແມ່ຍິງ​ຊາວ​ຜູ້​ອອກ​ແຮງ​ງານ​ໃນ​ທົ່ວ​ໂລກ,​ ເປັນ​ວັນ​ລະນຶກ​ເຖິງ​ການ​ຕໍ່ສູ້​ຂອງ​ແມ່ຍິງ​ເພື່ອ​ປົດ​ປ່ອຍ​ຕົນ​ເອງ ​ແລະ ທວງ​ໃຫ້​ສິດສະ​ເໝີພາບ​ປະຊາທິປະ​ໄຕ​ຄື​ກັບ​ຜູ້​ຊາຍ ທວງ​ໃຫ້​ນາຍ​ທຶນ​ແກ້​ໄຂ​ຊີວິດ​ການ​ເປັນ​ຢູ່ພາຍ​ໃຕ້​ຄຳ​ຂັວນ(ຜູ້ໜື່ງ​ເຮັດ​ວຽກມື້​ລະ 8 ຊົ່ວ​ໂມງ) ຍິງ ​ແລະ ຊາຍ​ເຮັດ​ວຽກຄື​ກັນ​ຕ້ອງ​ໄດ້​ຮັບ​ເງິນ​ເດືອນ​ເທົ່າ​ກັນ,ຕ້ອງ​ມີ​ລະບອບ​ປ້ອງ​ກັນ​ສຸຂະພາບ​ຂອງ​ແມ່ຍິງ ​ແລະ ​ເດັກນ້ອຍ,ຕ້ານ​ສົງຄາມ​ຮຸກ​ຮານ ປົກ​ປັກ​ຮັກສາ​ສັນຕິພາບ​ຂອງ​ໂລກນັບ​ແຕ່​ນັ້ນ​ມາວັນ​ທີ8 ມີນາ​ຂອງ​ທຸກໆປີ ຈື່ງ​ເປັນ​ວັນ​ແມ່ຍິງ​ສາກົນ ພ້ອມນັ້ນຍັງໄດ້ຮັບຟັງການເລົ່າປະຫວັດຄວາມເປັນມາວັນສ້າງຕັ້ງພັກ ຄອມມູນິດຫວຽດນາມ 02 ກຸມພາ 1930 – 02 ກຸມພາ 2021)ນອກນັ້ນຍັງໄດ້ມີການມອບໃບຍ້ອງຍໍໃຫ້ແກ່ຮາກຖານໜ່ວຍກົມກອງຫ້ອງການແລະສະມາຊິກແມ່ຍິງທີ່ມີຜົນງານດີເດັ່ນໃນໄລຍະຜ່ານມາຕື່ມອິກ./.