ມິເດຍລາວແຂວງຈຳປາສັກ ຂ່າວ-ພາບ ສອນໄຊ ຖວທເມືອງ ວັນ​ທີ 04 ມີນາ 2021 ສະຫະພັນ​ແມ່ຍິງ​ເມືອງມຸນລະປາໂມກ ຈັດພິທີປາຖະກະຖາ​ເລົ່າຄືນມູນ​ເຊື້ອ​ວັນ​ແມ່ຍິງ​ສາກົນ​(ວັນ​ທີ 8 /3/1910-ວັນ​ທີ 8 /3/ 2021)ພິທີໄດ້ຈັດຂື້ນທີ່ສະ​ໂມ​ສອນ​ຂອງ​ເມືອງ,​ ໂດຍໃຫ້ກຽດ​ເປັນ​ປະທານ ຂອງ​ທ່ານ ພິດສະຫົງ ພົມມະວົງ ກໍາມະການພັກແຂວງ ເລຂາພັກເມືອງ ເຈົ້າເມືອງໆມຸນລະປາໂມກ,ມີທ່ານ ນາງ ສົມຫວັງ ມູນສີງໂຄດ ຫົວໜ້າຫ້ອງການກວດກາພັກ-ລັດເມືອງ(ຜູ່ຊີ້ນ້ຳວຽກງານອົງການຈັດຕັ້ງມະຫາຊົນເມືອງ),​ທ່ານນາງ ເພັດ ແສນສີ ກຳມະການພັກເມືອງ ປະທານສະຫະພັນແມ່ຍິງເມືອງ,ຫົວໜ້າ-ຄະນະຫ້ອງການ,ພະນັກງານອາວຸໂສບໍານານ,ໜ່ວຍສະຫະພັນແມ່ຍິງເມືອງ,ພ້ອມ​ດ້ວຍ​ສະມາຊິກ​ສະຫະພັນ​ແມ່ຍິງ​ອ້ອມ​ຂ້າງເມືອງເຂົ້າຮ່ວມຢ່າງພ້ອມພຽງ

ໃນ​ພິທີ​ໄດ້​ຮັບ​ຟັງເລົ່າຄືນ​ມູນ​ເຊື້ອ​ວັນ​ແມ່ຍິງ​ສາກົນ,ແນວທາງນະໂຍບາຍຂອງພັກ-ລັດ ຕໍ່ວຽກງານສົ່ງເສີມ ຄວາມກ້າວໜ້າຂອງແມ່ຍິງຄວາມສະເໝີພາບຍິງ-ຊາຍໃນ ສປປລາວ ໂດຍແມ່ນທ່ານ ນາງ ສົມຫວັງ ມູນສີງໂຄດ ຫົວໜ້າຫ້ອງການກວດກາພັກ-ລັດເມືອງ(ຜູ່ຊີ້ນ້ຳວຽກງານອົງການຈັດຕັ້ງມະຫາຊົນເມືອງ),​ເຊີ່ງ​ທ່ານ​ໄດ້​ຍົກ​ໃຫ້​ເຫັນ​ປະ​ຫັວດຄວາມ​ເປັນ​ມາ​ຂອງ​ວັນ​ແມ່ຍິງ​ສາກົນ​ວັນ​ທີ 08 ມີນາ ​ແມ່ນ​ເຫດການ​ເມືອງ​ທີ່​ສຳຄັນ,​ເປັນ​ຂີດໝາຍ​ແຫ່ງ​ໄຊຊະນະ​ອັນ​ພື້ນຖານ​ຂອງ​ຂະ​ບວນການ​ແມ່ຍິງ​ສາກົນ​ໃນ​ການ​ຕໍ່ສູ້​ເອົາ​ສິດຜົນປະ​ໂຫຍ​ດອັນ​ຊອບ​ທຳ​ໃຫ້​ແກ່​ແມ່ຍິງ​ຊາວ​ຜູ້​ອອກ​ແຮງ​ງານ​ໃນ​ທົ່ວ​ໂລກ,​ເປັນ​ວັນ​ລະນຶກ​ເຖິງ​ການ​ຕໍ່ສູ້​ຂອງ​ແມ່ຍິງ​ເພື່ອ​ປົດ​ປ່ອຍ​ຕົນ​ເອງ ​ແລະ ທວງ​ໃຫ້​ສິດສະ​ເໝີພາບ​ປະຊາທິປະ​ໄຕ​ຄື​ກັບ​ຜູ້​ຊາຍ ທວງ​ໃຫ້​ນາຍ​ທືນ​ແກ້​ໄຂ​ຊີວິດ​ການ​ເປັນ​ຢູ່ພາຍ​ໃຕ້​ຄຳ​ຂັວນ(ຜູ້ໜື່ງ​ເຮັດ​ວຽກມື້​ລະ 8 ຊົ່ວ​ໂມງ) ຍິງ ​ແລະ ຊາຍ​ເຮັດ​ວຽກຄື​ກັນ​ຕ້ອງ​ໄດ້​ຮັບ​ເງິນ​ເດືອນ​ເທົ່າ​ກັນ,ຕ້ອງ​ມີ​ລະບອບ​ປ້ອງ​ກັນ​ສຸຂະພາບ​ຂອງ​ແມ່ຍິງ ​ແລະ ​ເດັກນ້ອຍ,ຕ້ານ​ສົງຄາມ​ຮຸກ​ຮານ ປົກ​ປັກ​ຮັກສາ​ສັນຕິພາບ​ຂອງ​ໂລກ.ນັບ​ແຕ່​ນັ້ນ​ມາ ວັນ​ທີ8 ມີນາ​ຂອງ​ທຸກໆປີ ຈື່ງ​ເປັນ​ວັນ​ແມ່ຍິງ​ສາກົນ ແລະ ວັນສ້າງຕັ້ງພັກ ຄອມມູນິດຫວຽດນາມ 02 ກຸມພາ 1930 – 02 ກຸມພາ 2021 (ຄົບຮອບ 91 ປີ) ໂດຍແມ່ນທ່ານ ພິດສະຫົງ ພົມມະວົງສາ ກຳມະການພັກແຂວງ ເລຂາພັກເມືອງເຈົ້າເມືອງໆມຸນລະປາໂມກ ເປັນຜູ່ຜ່ານ,ວັນຄຽດແຄ້ນຂອງປະຊາຊົນລາວ-ວັນນັກຮົບເສຍອົງຄະ ແລະ ເສຍຊິວິດເພື່ອປະເທດຊາດ 21 ມີນາ 1946 – 21 ມີນາ 2021(ຄົບຮອບ 75 ປີ) ໂດຍທ່ານ ໄພວັນ ໄຊລາດທິວົງ ຄະນະປະຈຳພັກເມືອງ ປະທານແນວລາວສ້າງຊາດເມືອງຂື້ນຜ່ານ,ຈາກນັ້ນທ່ານ ບຸນມາ ເຊື້ອຈັນ ກຳມະການພັກເມືອງ ຫົວໜ້າຫ້ອງການພາຍໃນເມືອງ ກໍ່ໄດ້ຂື້ນຜ່ານຂໍ້ຕົກລົງວ່າດ້ວຍຍ້ອງຍໍຊົມເຊີຍບຸກຄົນໃນການຈັດຕັ້ງປະຕິບັດຂະບ່ວນການແຂ່ງຂັນ 03 ດີໃນໄລຍະ 03 ປີ (2017-2019)ຂອງສະຫະພັນແມ່ຍິງແຂວງຈໍາປາສັກແລະ ໄດ້ມອບ-ຮັບໃບຍ້ອງຍໍຊົມເຊີຍບຸກຄົນໃນການຈັດຕັ້ງປະຕິບັດຂະບ່ວນການແຂ່ງຂັນ 03 ດີໃນໄລຍະ 03 ປີ (2017-2019),ມອບລາງວັນການແຂ່ງຂັນກິລາ ເປຕັງຍິງຕື່ມອິກ.