ພະແນກສາທາລະນະສຸກແຂວງອຸດົມໄຊ ຈັດພິທີສະເຫຼີມສະຫຼອງວັນແພດລາວ 18 ມີນາ ຄົບຮອບ  56 ປີ( 18 ມີຖຸນາ 1965 – 18 ມິຖຸນາ 2021) ໄດ້ຈັດຂື້ນ ໃນວັນທີ່ 18 ມິຖຸນາ 2021 ນີ້ ທີ່ຫ້ອງປະຊຸມ ພະແນກສາທາະນະສຸກແຂວງ, ໂດຍການເຂົ້າຮ່ວມຂອງທ່ານ ຫຸມພັນ ອີນທະມຸງຄຸນ, ຫົວໜ້າພະແນກສາທາລະນະສຸກແຂວງ, ມີຫົວໜ້າອຳນວຍການໂຮງໝໍແຂວງ, ໂຮງຮຽນສາທາລະນະສຸກແຂວງ ຕະຫຼອດຮອດພະນັກງານ ແພດໝໍ ເຂົ້າຮ່ວມຢ່າງພ້ອມພຽງ.

ວັນແພດລາວ ກໍາເນີດຜ່ານຂະບວນວິວັດແຫ່ງການເຕີບໃຫຍ່ຂະຫຍາຍຕົວຂອງ ການແພດລາວ ໃນແຕ່ລະສະໄຫມ ແຕ່ດຶກດໍາບັນ ແລະ ຕິດພັນກັບການຕໍ່ສູ້ກູ້ຊາດແຕ່ລະ ໄລຍະດັ່ງນີ້, ໃນປີ 1963 ສະຫນາມສູ້ຮົບຕໍ່ສູ້ກູ້ຊາດຕ້ານພວກລ່າຫົວເມືອງຂຶ້ນແບບໃຫມ່ໄດ້ ເປີດກວ້າງອອກທົ່ວປະເທດ, ເຂດປົດປ່ອຍກໍ່ນັບມື້ ນັບຂະຫນາຍຕົວ, ແພດຫມໍ້ພວກເຮົາກໍ່ ໄດ້ເຮັດຫນ້າທີ່ຂອງຕົນໃນການຮັກສາ ແລະ ປິ່ນປົວສຸຂະພາບ ແລະ ຮໍາບາດແຜສົງຄາມໃຫ້ ແກ່ພະນັກງານນັກຮົບຢ່າງບໍ່ຮູ້ອິດຮູ້ເມື່ອຍ. ຕໍ່ມາສູນກາງພັກໄດ້ມີນະໂຍບາຍ “ສ້າງເຂດປົດ ປ່ອຍໃຫ້ເປັນລັດຫນຶ່ງ”, ວັນທີ 18 ມີຖຸນາ 1965 ສູນກາງພັກ ແລະ ແນວລາວຮັກຊາດຈຶ່ງ ໄດ້ຕົກລົງແຍກຂະແຫນງການສາທາລະນະສຸກອອກຈາກເສນາຮັກ ເປັນສອງການຈັດຕັ້ງຄື: ເສນາຮັກເພື່ອຮັບໃຊ້ກອງທັບ ແລະ ສາທາລະນະສຸກ ເພື່ອຮັບໃຊ້ພົນລະເຮືອນ.

ຈາກແນວຄິດຊີ້ນໍາຂອງປະທານໄກສອນ ພົມວິຫານ ກະຊວງສາທາລະນະສຸກໄດ້ນໍາສະເຫນີລັດຖະບານ ແລະ ສະພາແຫ່ງຊາດ ຊຸດ ທີ VII ແລະ ໄດ້ຮັບການເຫັນດີໃຫ້ບັນຈຸເຂົ້າໃນກົດຫມາຍປິ່ນປົວສະບັບປັບປຸງ ເລກທີ 58/ ສພຊ, ລົງວັນທີ 24 ທັນວາ 2014, ຫມວດ 10 ມາດຕາ 76 ໄດ້ກໍານົດ ເອົາ ວັນທີ 18 ມີຖຸ ນາ ເປັນວັນແພດລາວ.ວັນແພດລາວ ແມ່ນວັນຫນຶ່ງທີ່ເປັນປະຫວັດສາດອັນລ້ຳຄ່າ ຂອງຂະແຫນງການສາ ທາລະນະສຸກ ເປັນວັນສ້າງຂະບວນການກິດຈະກໍາຕ່າງໆ ເພື່ອລະນຶກເຖິງຜົນງານ ແລະ ຍ້ອງຍໍສັນລະເສີນຄຸນງາມຄວາມດີ ຂອງແພດລາວໃນສະໄຫມຕໍ່ສູ້ກູ້ຊາດ ກໍ່ຄືສະໄຫມປົກ ປັກຮັກສາ ແລະ ສ້າງສາປະເທດຊາດ.ນອກຈາກນີ້ ການສະເຫຼີມ ສະຫຼອງວັນແພດລາວ18 ມີຖຸນາ ຍັງເປັນການປູກຈິດສໍານຶກ ໃຫ້ແກ່ພະນັກງານແພດຫມໍ້ ພະຍາບານ ພະນັກງານ ສາທາລະນະສູກລາວ ລຸ້ນສືບທອດຮໍ່າຮຽນເອົາແບບຢ່າງອັນດີງາມຂອງແພດຫມໍ ແລະ ພະນັກງານສາທາລະນະສຸກຮຸ້ນກ່ອນ ອອກແຮງຝຶກຝົນຫຼໍ່ຫຼອມສ້າງຕົນເອງໃຫ້ພຽບພ້ອມ ໄປດ້ວຍຄຸນສົມບັດ ສິນທໍາປະຕິວັດ, ຈັນຍາທໍາວິຊາຊີບ ແລະ ຄວາມຊໍານານງານດ້ານວິຊາສະເພາະ ເພື່ອກາຍເປັນ ແພດແຫ່ງຊາດ ແລະ ແພດປະຊາຊົນ ຢ່າງສົມກຽດສັກສີ ແລະ ໃຫ້ ກາຍເປັນນັກຮົບເສື້ອຂາວປະຕິວັດຂອງພັກ ແລະ ຮັກຫອມຄົນເຈັບປຽບເຫມືອນແມ່ຜູ້ໃຈດີໂດຍເຫັນໄດ້ຄວາມສໍາຄັນຂອງວັນແພດລາວ.

ພາບ-ຂ່າວ: ແສງອາທິດ