ມີເດຍລາວແຂວງສາລະວັນ ໂດຍ: ກິນດາວັນ ອ້ວນນາຄູ ແຂວງສາລະວັນ ໄດ້ຈັດກອງປະຊຸມ ສະຫຼຸບຖອດຖອນບົດຮຽນ ກ່ຽວກັບການກະກຽມ ແລະດໍາເນີນການເລືອກຕັ້ງ ສະມາຊິກສະພາແຫ່ງຊາດ ຊຸດທີ IX ແລະ ສະພາປະຊາຊົນແຂວງ ຊຸດທີ II, ພິທີດັ່ງກ່າວໄດ້ຈັດຂຶ້ນໃນວັນທີ 22 ເມສາ 2021 ຢູ່ທີ່ສະໂມສອນຂອງແຂວງ ໂດຍການເປັນປະທານຂອງ ທ່ານ ປອ ໂພໄຊ ໄຊຍະສອນ ກໍາມະການສູນກາງພັກ, ເລຂາພັກແຂວງ-ເຈົ້າແຂວງສາລະວັນ ທັງແມ່ນປະທານຄະນະກໍາມະການເລືອກຕັ້ງຂັ້ນແຂວງ, ມີຄະນະກໍາມະການເລືອກຕັ້ງຂັ້ນແຂວງ ແລະ ເມືອງເຂົ້າຮ່ວມ.


ເຊິ່ງໃນທົ່ວແຂວງສາລະວັນ ເລີ້ມແຕ່ກະກຽມບັ້ນເລືອກຕັ້ງ ຈົນເຖິງມືປ່ອນບັດເລືອກ, ຄະນະຮັບຜິດຊອບໄດ້ສຸມໃສ່ການຈັດຕັ້ງຜັນຂະຫຍາຍຄໍາແນະນໍາຂອງຄະນະກໍາມະການເລືອກຕັ້ງລະດັບຊາດມາເປັນນິຕິກໍາອັນລະອຽດ, ເພື່ອເປັນບ່ອນອີງໃນການຈັດຕັ້ງປະຕິບັດວຽກງານຂອງແຕ່ລະອະນຸກໍາມະການ, ກະກຽມວຽກງານຮອບດ້ານໃຫ້ແກ່ການເລືອກຕັ້ງໃນແຕ່ລະອະນຸກໍາມະການຄື: ວຽກງານໂຄງປະກອບບຸກຄະລາກອນ, ວຽກໂຄສະນາ ແລະ ປຸກລະດົມຂະບວນການ ໄດ້ຈັດຕັ້ງໂຄສະນາຫາສຽງ ໃຫ້ແກ່ຜູ້ຮັບສະໝັກເລືອກຕັ້ງ ໄດ້ເລີ່ມຈາກການເຄື່ອນໄຫວ ນັບແຕ່ວັນທີ 9-19 ກຸມາພາ 2021 ການລົງໂຄສະນາຫາສຽງຂອງຜູ້ສະໝັກຮັບເລືອກຕັ້ງເປັນ ສສຊ ຊຸດທີ IX ແລະ ສສຂ ຊຸດທີ II ສໍາເລັດ 22 ຈຸດ ປະຕິບັດໄດ້ 100%, ມີຜູ້ເຂົ້າຮ່ວມທັງໝົດ 8,555ຄົນ, ຍິງ 4,293 ຄົນ, ວຽກງານປ້ອງກັນຊາດ-ປ້ອງກັນຄວາມສະຫງົບຮັບປະກັນໄດ້ 100%, ທົ່ວແຂວງມີໜ່ວຍປ່ອນບັດທັງໝົດ 358 ໜ່ວຍປ່ອນບັດ, ມີ 716 ຫີບ, ໃນນັ້ນຫີບປ່ອນບັດ ສສຊ ຊຸດທີ IX ມີຈໍານວນ 358 ຫີບບັດ ແລະຫີບປ່ອນບັດ ສສຂ ຊຸດທີ II ຈໍານວນ 358 ຫີບບັດ, ຈພົນລະເມືອງທົ່ວແຂວງ ທັງໝົດ 443,456 ຄົນ, ຍິງ 223,570ຄົນ, ຜູ້ມີສິດປ່ອນບັດທັງໝົດ 229,184, ຍິງ 118,638 ຄົນ, ຜູ້ມາໃຊ້ສິດເລືອກຕັ້ງຕົວຈິງທັງໝົດ 229,594 ຄົນ. ຜົນຂອງການປ່ອນບັດເລືອກຕັ້ງໃນຄັ້ງນີ້ເຫັນວ່າມີຄວາມຮັບປະກັນ 300%ຄື: ຜູ້ມາໃຊ້ສິດເລືອກຕັ້ງກວມ 100%, ຈໍານວນບັດລົງຄະແນນທີ່ຖືກຕ້ອງ ກວມ 100% ແຕ່ລະໜ່ວຍປ່ອນບັດມີຄວາມປອດໄພ ປະຕິບັດໄດ້ 100%