ມີເດຍລາວແຂວງໄຊສົມບູນ ຂ່າວ: ສາຍພິນ ນອງສະຫວັນ
ພິທີປິດຝຶກອົບຮົບ ວິຊາຊິບຊ່າງຖັກຟອຍກວາດຢູ່ ແຂວງໄຊສົມບູນ ໃນຕອນບ່າຍຂອງ ວັນທີ 5 ເມສາ2021 ໂດຍການເປັນປະທານຮ່ວມ ຂອງທ່ານ ວັນຄຳເກັ່ງ ຢ່າຊົ່ງກົວ, ກຳມະການພັກແຂວງ, ຫົວໜ້າພະແນກແຮງງານ ແລະ ສະຫວັດດີການສັງຄົມ ແຂວງ, ທ່ານ ນ ບຸນທະວີ ສິງວິໄລ, ຮອງປະທານສະຫະພັນແມ່ຍິງ ແຂວງໄຊສົມບູນ ພ້ອມດ້ວຍວິທະຍາກອນ, ພະນັກງານອ້ອມຂ້າງແຂວງ ແລະ ວິຊາການຈາກຂະແໜງການທີ່ກ່ຽວຂ້ອງເຂົ້າຮ່ວມ.

ການປິດບັ້ນຝຶກອົບຮົມຄັ້ງນີ້ ໄດ້ຮັບຟັງການຜ່ານບົດສະຫລຸບ ການຝຶກວິຊາຊີບຫັດຖະກຳຖັກຟອຍ (ໄລຍະສັ້ນ) ເພື່ອສຸມໃສ່ການພັດທະນາສີມືແຮງງານ ເວົ້າລວມ-ເວົ້າສະເພາະ ແມ່ນການພັດທະນາເສດຖະກິດ-ສັງຄົມ ເພື່ອແກ້ໄຂຄວາມທຸກຍາກຂອງປະຊາຊົນ ໃຫ້ຫລຸດພົ້ນອອກຈາກຄວາມທຸກຍາກ ເທື່ອລະກ້າວ ທັງເປັນການຊຸກຍູ້ສົ່ງເສີມໃຫ້ພໍ່ແມ່ປະຊາຊົນ ສາມາດນຳໄປພັດທະນາເສດຖະກິດຄອບຄົວຂອງຕົນ ໃຫ້ມີລາຍຮັບທີ່ແນ່ນອນ ຕາມແນວທາງນະໂຍບາຍຂອງພັກ, ແຜນພັດທະນາເສດຖະກິດ-ສັງຄົມຂອງລັດທີ່ວາງອອກ ໃຫ້ປະກົດຜົນເປັນຈິງ. ພ້ອມທັງໄດ້ມອບ-ຮັບໃບຍ້ອງຍໍ ແລະ ໃບຢັ້ງຢືນໃຫ້ແກ່ນັກສຳມະນາກອນອີກດ້ວຍ.


ໃນໂອກາດນີ້ ທ່ານ ວັນຄຳເກັ່ງ ຢ່າຊົ່ງກົວ ໄດ້ມີຄຳເຫັນໂອ້ລົມຕໍ່ພິທີ ຈົ່ງສຸມໃສ່ທຸກເຫື່ອແຮງ ແລະ ຄວາມຮູ້ຄວາມສາມາດຂອງຕົນ ເພື່ອເຮັດໃຫ້ຮັບຮູ້ ແລະ ເຂົ້າໃຈ ຢ່າງເລິກເຊິ່ງ. ເມື່ອຈົບຝຶກອົບຮົມໄປແລ້ວ ສາມາດນຳໄປປະກອບອາຊີບທີ່ໝັ້ນຄົງ, ສ້າງລາຍຮັບເຂົ້າຄອບຄົວໄດ້ເປັນຢ່າງດີ ແລະ ພັດທະນາເສດຖະກິດຄອບຄົວຂອງຕົນ ໃຫ້ມີບາດກ້າວຂະຫຍາຍຕົວ ແລະ ຫຼຸດພົ້ນອອກຈາກຄວາມທຸກຍາກໃນອານາຄົດ.