ມີເດຍລາວແຂວງອຸດົມໄຊ ແສງອາທິດ
ພິທີມອບໃບຍ້ອງຍໍຜົນງານການຈັດຕັ້ງປະຕິບັດວຽກງານ ປະຈຳປີ 2020 ໃຫ້ແກ່ພະນັກງານ-ລັດຖະກອນ ສ່ວຍສາອາກອນປະຈຳແຂວງອຸດົມໄຊ ໄດ້ຈັດຂຶ້ນໃນວັນທີ 24 ກັນຍານີ້ ທີ່ຫ້ອງປະຊຸມ ສວຍສາອາກອນແຂວງ ໂດຍການເຂົ້າຮ່ວມຂອງ ທ່ານ ຍົມມະລາ ວໍຣະຈິດ ຮອງເລຂາຄະນະພັກຮາກຖານພະແນກການເງີນ, ຫົວໜ້າສ່ວຍສາອາກອນປະຈຳແຂວງອຸດົມໄຊ ແລະ ພະນັກງານພາຍໃນສ່ວຍສາອາກອນ ເຂົ້າຮ່ວມ.

ການມອບໃບຍ້ອງຍໍຜົນງານ ປະຈຳປີ 2020 ໃຫ້ແກ່ພະນັກງານ-ລັດຖະກອນ ສ່ວຍສາອາກອນ ປະຈຳແຂວງອຸດົມໄຊ ທີ່ມີຜົນງານດີເດັ່ນໃນການປະກອບສ່ວນປົກປັກຮັກສາ ແລະ ສ້າງສາພັດທະນາ ແຂວງອຸດົມໄຊ ໂດຍສະເພາະ ແມ່ນການຈັດຕັ້ງປະຕິບັດໜ້າທີ່ວຽກງານໃນໄລຍະ 1 ປີຜ່ານມາ, ເປັນການຍ້ອງຍໍ ຜົນງານການ ຊີ້ນຳ-ນຳພາຂອງຄະນະພັກ ແລະ ພະນັກງານວິຊາການ ພາຍໃນສ່ວຍສາອາກອນ ໄດ້ສຸມທຸກເຫື່ອແຮງເຂົ້າໃນວຽກງານພັດທະນາແຂວງ, ພັດທະນາວິຊາສະເພາະ ແລະວຽກງານອື່ນໆ ໄດ້ຮັບຜົນສຳເລັດ ສະແດງອອກ ມີພະນັກງານຫຼາຍຄົນໄດ້ຮັບການຍ້ອງຍໍຈາກຂັ້ນແຂວງ. ດັ່ງນັ້ນ ເຈົ້າແຂວງອຸດົມໄຊ ຈິ່ງອອກຂໍ້ຕົກລົງ ມອບໃບຍ້ອງຍໍ ຈຳນວນ 26 ໃບ ໃຫ້ແກ່ພະນັກງານ-ລັດຖະກອນ ສ່ວຍສາອາກອນ ປະຈຳແຂວງອຸດົມໄຊ ໃຫ້ກຽດມອບໂດຍ ທ່ານ ຍົມມະລາ ວໍຣະຈິດ ຮອງເລຂາຄະນະພັກຮາກຖານພະແນກການເງິນ, ຫົວໜ້າສວຍສາອາກອນ ປະຈຳແຂວງອຸດົມໄຊ ຢ່າງສົມກຽດ.

ກວດແກ້: ອ່ຽງຄຳ ວິລະສັກ