ເມື່ອວັນທີ 30 ມີນາຜ່ານມານີ້ ທ່ານ ຊິມ ສຸຄົມ ຫົວໜ້າ ກົງສູນໃຫຍ່ ແຫ່ງລາຊະອານາຈັກກຳປູເຈຍ ປະຈຳນະຄອນປາກເຊ ແຂວງຈຳປາສັກ ທີ່ມາປະຈຳການເຮັດໜ້າທີ່ຢູ່ 4 ແຂວງພາກໃຕ້ຂອງ ສປປລາວ ໄດ້ນຳເອົາກະຕ່າຂອງຂວັນ ເຂົ້າອວຍພອນຄະນະພັກ-ຄະນະນຳ ກອງບັນຊາການທະຫານແຂວງອັດຕະປື ເນື່ອງໃນໂອກາດປີໃໝ່ລາວ ພສ 2564 ທີ່ຈະມາເຖິງໃນມໍ່ໆນີ້.

ໃຫ້ກຽດການຕ້ອນຮັບໂດຍທ່ານພັອ ບຸນຈັນ ສີຫາວົງ ຮອງເລຂາຄະນະພັກ ຫົວໜ້າການທະຫານກອງບັນຊາການທະຫານແຂວງອັດຕະປື ພ້ອມຄະນະ,ການເຂົ້າມາອວຍໃນຄັ້ງນີ້ ກໍ່ເພື່ອເປັນການເສີມສ້າງສາຍພົວພັນສາມັກຄີ ມິດຕະພາບລະຫວ່າງສອງກຳລັງໃຫ້ມີຄວາມແໜ້ນແຟ້ນ ແລະ ຖືຂີດໝາຍອັນສຳຄັນ ໃນການປະສານສົມທົບໃຫ້ໜັກແໜ້ນ, ສະຫາຍພັນເອກ ບຸນຈັນ ສີຫາວົງ ກໍ່ໄດ້ສະແດງຄວາມຂອບໃຈມາຍັງທ່ານ ຊິມ ສຸຄົມ ຫົວໜ້າກົງສູນໃຫຍ່ ແຫ່ງລາຊະອານາຈັກກຳປູເຈຍ ທີ່ໄດ້ເສຍສະຫຼະເວລາມາຢ້ຽມຢາມຖາມຂ່າວ ພົວພັນໄປມາຫາສູ່ຊ່ວຍເຫຼືອເຊິ່ງກັນ ແລະ ກັນ ເພື່ອສື່ສານຄວາມສາມັກຄີທີ່ເຄີຍມີມາແຕ່ດົນນານ ເປັນການເພີ່ມພູນຄູນສ້າງສາຍພົວພັນມິດຕະພາບຄວາມສາມັກຄີລະຫວ່າງສອງຊາດ ລາວ-ກໍາປູເຈຍ,ກຳປູເຈຍ-ລາວ ໃຫ້ເພີ່ມພູນຍິ່ງໆຂື້ນໄປ .
ພາບ-ຂ່າວ: ຕິມພອນ ທະຫານແຂວງ