ມີເດຍລາວແຂວງຈຳປາສັກ ຂ່າວ-ພາບ: ນັກຂ່າວສາທາເມືອງບາຈຽງຈະເລີນສຸກ
ໃນວັນທີ 19ມິຖຸນາ2021 ຫ້ອງການສາທາລະນະສຸກເມືອງໄດ້ຕ້ອນຮັບການລົງຢ້ຽມຢາມເຮັດວຽກ ຂອງທ່ານປອ ດຣ ບຸນເລື່ນ ດວງເດືອນ ຫົວໜ້າສະຖາບັນການແພດ ແລະ ຢາພື້ນເມືອງ ພ້ອມດ້ວຍທີມງານ ໃຫ້ກຽດເຂົ້າຮ່ວມຂອງທ່ານ ປອ ຄຳກິ່ງແກ້ວ ປັດທຳມະວົງ ຄະນະປະຈໍາພັກເມືອງ ຮອງເຈົ້າເມືອງ ມີຫົວໜ້າຫ້ອງການສາທາລະນະສຸກພ້ອມຄະນະ ແລະ ວິຊາການອາຫານແລະຢາຂອງພະແນກສາທາລະນະສຸກແຂວງຈໍາປາສັກ ແລະ ວິຊາການຂັ້ນເມືອງ

ຈຸດປະສົງການລົງມາໃນຄັ້ງນີ້ແມ່ນເພື່ອເກັບກໍາຕໍາລາພືດລົ້ມລຸກແລະຕົ້ນໄມ້ທີ່ເປັນຢາພື້ນເມືອງລາວ ພ້ອມນັ້ນຍັງໄດ້ຍ່າງສໍາຫຼວດພື້ນທີ່ຂອງປ່າດົງໝາກຈອງທີ່ເປັນເຂດປ່າສະຫງວນຂອງເມືອງເພື່ອສຶກສາຄວາມເປັນໄປໄດ້ໃນການພັດທະນາໃຫ້ກາຍເປັນສວນຢາພື້ນເມືອງຂອງເມືອງບາຈຽງຈະເລີນສຸກໃນຕໍ່ໜ້າ.