ມີເດຍລາວແຂວງຫຼວງ ຂ່າວ: ສົມພອນ ຂຸນດາວົງ ນ້ຳທາວັນທີ 17 ມິຖຸນາ 2021 ຢູ່ທີ່ຫ້ອງປະຊຸມຂອງສະພາປະຊາຊົນແຂວງຫລວງນໍ້າທາ ໄດ້ຈັດພິທີມອບໃບຢັ້ງຢືນໜ່ວຍພັກປອດໃສ, ເຂັ້ມແຂງ ໜັກແໜ້ນປະຈຳປີ 2020 ຄັ້ງທີ 3 ຮອບທີ 3 ຂອງ 4 ໜ່ວຍພັກຄື: ໜ່ວຍພັກສະພາປະຊາຊົນແຂວງ, ສານປະຊາຊົນແຂວງ, ອົງການໄອຍະການປະຊາຊົນແຂວງ ແລະ ພະແນກຍຸຕິທຳແຂວງ, ໂດຍການປະທານຂອງ ສະຫາຍ ຄໍາຟອງ ອິນມານີ ຮອງເລຂາພັກແຂວງ ປະທານສະພາປະຊາຊົນແຂວງ ຜູ້ຊີ້ນໍາຂົງເຂດຍຸຕິທໍາແຂວງ, ມີຜູ້ຕາງໜ້າຈາກອົງການກວດກາພັກ-ລັດ, ຄະນະຈັດຕັ້ງແຂວງ, ຄະນະໂຄສະນາອົບຮົມແຂວງ, ມີບັນດາສະຫາຍເລຂາໜ່ວຍພັກ, ຄະນະພັກຂອງ 4 ໜ່ວຍພັກ ພ້ອມດ້ວຍສະມາຊິກພັກສົມບູນ, ສຳຮອງທັງ 4 ໜ່ວຍພັກເຂົ້າຮ່ວມ.

ສະຫາຍ ນາງ ມາລີພອນ ນາບຸນແພງ ເລຂາໜ່ວຍພັກພະແນກຍຸຕິທໍາແຂວງ ໄດ້ຜ່ານບົດສະຫລຸບຫຍໍ້ ໃນການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນຂອງໜ່ວຍພັກ ສະພາປະຊາຊົນແຂວງ, ສານປະຊາຊົນແຂວງ, ອົງການໄອຍະການປະຊາຊົນແຂວງ ແລະ ພະແນກຍຸຕິທຳແຂວງ ຄັ້ງທີ 3 ຮອບທີ 3 ປະຈໍາປີ 2020 ແລະ ທິດທາງແຜນການປີ 2021 ເຊິ່ງໃນໄລຍະຜ່ານມາຄະນະພັກທັງ 4 ໜ່ວຍພັກ ໄດ້ເອົາໃຈໃສ່ສຶກສາອົບດ້ານການເມືອງແນວຄິດຢ່າງເປັນປົກກະຕິ, ໄດ້ເປີດບັ້ນດຳເນິນຊີວິດການເມືອງ ເພື່ອປັບປຸງປົວແປງພັກ, ຍົກສູງຄຸນນະພາບຂອງຄະນະພັກ ແລະ ສະມາຊິກພັກໃຫ້ໜັກແໜ້ນ, ເຂັ້ມແຂງ, ຊອກໃຫ້ເຫັນຈຸດດີຜົນງານ, ຈຸດອ່ອນ ແລະ ຂໍ້ຄົງຄ້າງ ເພື່ອສືບຕໍ່ເສີມຂະຫຍາຍຈຸດດີ ແລະ ແກ້ໄຂຈຸດອ່ອນ, ໄດ້ປະເມີນໜ່ວຍພັກປອດໃສ, ເຂັ້ມແຂງ, ໜັກແໜ້ນ ຄັ້ງທີ 3 ເຊິ່ງໄດ້ພ້ອມກັນຕີລາຄາການນຳພາທາງດ້ານຄຸນທາດການເມືອງ, ດ້ານແນວຄິດ, ດ້ານການຈັດຕັ້ງ, ດ້ານແບບແຜນວິທີຊີ້ນໍາໆພາ ເຊິ່ງໜ່ວຍພັກສະພາປະຊາຊົນແຂວງ ມີສະມາຊິກພັກແຂງທັງໝົດ 18 ສະຫາຍ, ຍິງ 6 ສະຫາຍ ກວດເອົາ 96,4%, ໜ່ວຍພັກສານປະຊາຊົນແຂວງ ມີສະມາຊິກພັກທັງໝົດ 22 ສະຫາຍ, ຍິງ 11 ສະຫາຍ, ກວມເອົາ 91,66%, ໜ່ວຍພັກອົງການໄອຍະການປະຊາຊົນແຂວງ ມີສະມາຊິກພັກທັງໝົດ 15 ສະຫາຍ, ຍິງ 6 ສະຫາຍ ກວມເອົາ 88,23%, ໜ່ວຍພັກພະແນກຍຸຕິທໍາ ມີສະມາຊິດພັກທັງໝົດ 20 ສະຫາຍ, ຍິງ 5 ສະຫາຍ ກວມເອົາ 92,75%.


ສຳລັບທິດທາງແຜນການແມ່ນທັງ 4 ໜ່ວຍພັກ ຈະໄດ້ສືບຕໍ່ກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ, ພ້ອມທັງນຳພາແຕ່ລະດ້ານໃຫ້ໄດ້ຕາມລະດັບຄາດໝາຍ.
ໃນພິທີກໍ່ໄດ້ມອບໃບຢັ້ງຢຶນໜ່ວຍພັກປອດໃສ, ເຂັ້ມແຂງ ໜັກແໜ້ນ ໃຫ້ 4 ໜ່ວຍພັກ, ໃຫ້ກຽດມອບໂດຍ ສະຫາຍ ຄໍາຟອງ ອິນມານີ ຮອງເລຂາພັກແຂວງ ປະທານສະພາປະຊາຊົນແຂວງ ຜູ້ຊີ້ນໍາຂົງເຂດຍຸຕິທໍາແຂວງທ່ານ ຄຳຟອງ ອິນມານີ ຮອງເລຂາພັກແຂວງ ໄດ້ມີຄໍາເຫັນໂອ້ລົມ ເຊິ່ງກ່ອນອື່ນທ່ານໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານຜົນສໍາເລັດທີ່ທາງ 4 ໜ່ວຍພັກສາມາດຍາດມາໄດ້ໃນຄັ້ງນີ້ ພ້ອມນັ້ນທ່ານຍັງໄດ້ເນັ້ນໜັກໃຫ້ຄະນະພັກທັງ 4 ໜ່ວຍພັກຈົ່ງເອົາໃຈໃສ່ສຶກສາອົບຮົມການເມືອງ-ແນວຄິດໃຫ້ສະມາຊິກພັກໃນໜ່ວຍພັກຂອງຕົນຢ່າງເປັນປົກກະຕິ ເພື່ອເຮັດໃຫ້ສະມາຊິກພັກທຸກສະຫາຍມີແນວຄິດອຸ່ນອຽນທຸນທ່ຽງ, ມີຄວາມຮັບຜິດຊອບສູງ, ປັບປຸງກໍ່ສ້າງຕົນທາງດ້ານການ
ເມືອງ, ການຈັດຕັ້ງ ພ້ອມທັງປັບປຸງແບບແຜນວິທີເຮັດວຽກ, ຫັນເອົາແນວທາງນະໂຍບາຍຂອງພັກເຂົ້າສູ່ວຽກງານຕົວຈິງ, ເສີມຂະຫຍາຍຫົວຄິດປະດິດສ້າງ, ຍົກສູງຄັນທຸງເຕົ້າໂຮມຄວາມສາມັກຄີ ພ້ອມທັງສືບຕໍ່ກໍ່ສ້າງ ແລະ ຂະຫຍາຍພັກໂດຍເນັ້ນທາງດ້ານຄຸນນະພາບເປັນຫລັກ ເພື່ອເຮັດໃຫ້ ໜ່ວຍພັກຂອງຕົນກາຍເປັນໜ່ວຍພັກປອດໃສ, ເຂັ້ມແຂງ, ໜັກແໜ້ນໃນຮອບຕໍ່ໄປ.