ມີເດຍລາວແຂວງຈຳປາສັກ
ນັບແຕ່ວັນທີ 4-8 ຕຸລາ 2021 ທີ່ຜ່ານມານີ້: ຫຼາຍພາກສ່ວນໃນສັງຄົມຍັງສຶບຕໍ່ມອບເຄື່ອງຊ່ວຍເຫຼືອໃຫ້ກັບຄະນະສະເພາະກິດປ້ອງກັນ,ຄວບຄຸມ ແລະ ແກ້ໄຂການແຜ່ລະບາດຂອງພະຍາດໂຄວິດ 19 ຂັ້ນເມືອງ.

ໃນນັ້ນມີ ທ່ານ ນາງ ເຕດາວັນ ແກ້ວພິລາວັນ ປະທານສະຫະພັນແມ່ຍິງແຂວງຈຳປາສັກ.ໄດ້ນຳເອົາອຸປະໂພກ – ບໍລິໂພກ ຈຳນວນໜຶ່ງລວມມູນຄ່າ ລວມມູນຄ່າ 2.400.000 ກີບ ທີ່ໄດ້ຮັບການຊ່ວຍເຫຼືອຈາກສູນກາງສະຫະພັນແມ່ຍິງລາວ,ອົງການ UNFPA ,ອົງການ plan international ແລະ ການປະກອບສ່ວນຂອງທ່ານນາງ ແກ່ນຈັນ ບຸດດາວົງ ຄະນະບໍລິຫານງານສະຫະພັນແມ່ຍິງແຂວງ ແລະ ຮາກຖານສະຫະພັນແມ່ຍິງຂົງເຂດທະນາຄານ ເພື່ອນຳໄປມອບໃຫ້ແມ່ຍິງ ແລະ ເດັກນ້ອຍ ທີ່ຢູ່ສູນກັກກັນພະຍາດໂຄວິດ19 ພາຍໃນເມືອງດັ່ງກ່າວ.

ນອກຈາກນັ້ນຍັງມີ ທ່ານ ພູວັນ ບົວໃບອ່ອນ ຜູ້ປະກອບການຜະລິດທາດ ບ້ານສີວິໄລ ເມືອງຊະນະສົມບູນ.ໄດ້ມອບເງີນສົດ 1.000.000 ກີບ,ທ່ານ ບຸນຍົກ ໄຊສົງຄາມ ຫົວໜ້າໂຮງງານຜະລິດລູກຊີນບ້ານສະຜ່າຍ.ໄດ້ມອບນ້ຳດື່ມຈຳນວນ 20 ແພັກ.ລວມມູນຄ່າ 600.000 ກີບ ແລະ ບໍລິສັດ ຢູອາເພນລາວຈຳກັດ ມອບນ້ຳດື່ມ ລວມມູນຄ່າ 500.000 ກີບ ຕ່າງກໍ່ນຳເອົາມາມອບໃຫ້ກັບຄະນະສະເພາະກິດປ້ອງກັນ,ຄວບຄຸມ ແລະ ແກ້ໄຂການລະບາດພະຍາດໂຄວິດ 19 ເມືອງຊະນະສົມບູນ.ເພື່ອຊຸກຍູ້ເຂົ້າໃນວຽກງານຕອບໂຕ ແລະ ຕ້ານການແຜ່ລະບາດພະຍາດໂຄວິດ 19 ຂອງເມືອງ.ໂດຍເປັນກຽດກ່າວຮັບ ພ້ອມທັງ ມອບໃບກຽດຕິຄຸນຂອງແມ່ນ ທ່ານ ສອນສະຫວັນ ສີວິໄລ ເຈົ້າເມືອງຊະສົມບູນ.ມີຄະນະສະເພາະກິດທີ່ກ່ຽວຂ້ອງຂອງເມືອງເຂົ້າຮ່ວມ.
ບັນນາທິການຂ່າວ ໂດຍ: ທ.ແຫຼມສິນໄຊ ສໍປະເສີດ ຫ້ອງການ ຖວທ ເມືອງຊະນະສົມບູນ