ມີເດຍລາວແຂວງໄຊສົມບູນ ຂ່າວ-ພາບ: ອຸ່ນເຮືອນ ໂພທິລັກ.
ມາຮອດປະຈຸບັນ ຫຼາຍພາກສ່ວນທັງພາກລັດ ແລະ ເອກະຊົນພາຍໃນ ແລະ ຕ່າງແຂວງ ຍັງສືບຕໍ່ມອບເຄື່ອງ ແລະ ເງິນສົດ ເພື່ອຊ່ວຍເຫຼືອບັນເທົາທຸກໃຫ້ຜູ້ປະສົບໄພພິບັດນໍ້າຖ້ວມຢູ່ແຂວງໄຊຍະບູລີຢ່າງຕໍ່ເນື່ອງ ໃນນັ້ນ: ອົງການປົກຄອງແຂວງ ອັດຕະປື ມອບເງິນ 50 ລ້ານກີບ, ກະຊວງ ຮສສ ມອບເຄື່ອງ ອຸປະໂພກ-ບໍລິໂພກ ລວມມູນຄ່າ 175 ລ້ານກວ່າກີບ,

ພະແນກການຕ່າງປະເທດ ແຂວງ ໄຊຍະບູລີ ມອບເງິນ 1 ລ້ານກວ່າກີບ, ກຸ່ມອາສາສະມັກ Global Shapers Vientiane Hub ມອບເຄື່ອງນຸ່ງ ມູນຄ່າ 1 ລ້ານກວ່າກີບ, ທີມງານສາຍໃຈ ຈາກນະຄອນຫຼວງ ວຽງຈັນ ມອບເຄື່ອງ ອຸປະໂພກ-ບໍລິໂພກ ລວມມູນຄ່າ 20 ລ້ານກີບ, ບໍລິສັດ ລາວເຄບີເອັມ ຜະລິດຕະພັນການແພດ ມອບເງິນ 3 ລ້ານກີບ, ທີມງານເພື່ອນຮ່ວມໃຈ ໄປດ້ວຍກັນ ຈາກນະຄອນຫຼວງວຽງຈັນ ມອບເຄື່ອງອຸປະໂພກ-ບໍລິໂພກ ລວມມູນຄ່າ 50 ລ້ານກີບ ແລະ ບໍລິສັດ ເດວິນເນີ້ສະຕາຣ໌ ລາວຈໍາກັດ ມອບໄຂ່ໄກ່ ແລະ ເຂົ້າສານ ລວມມູນຄ່າ 12 ລ້ານກີບ, ຕາງໜ້າຮັບໂດຍແມ່ນ ທ່ານ ເພັດພິໄຊ ສູນວິໄລ ຮອງເຈົ້າແຂວງໄຊຍະບູລີ, ປະທານຄະນະຄຸ້ມຄອງໄພພິບັດຂັ້ນແຂວງ ພ້ອມຄະນະ.