ມີເດຍລາວແຂວງຈຳປາສັກ
ເພື່ອເປັນການປະກອບສ່ວນຊຸກຍູ້ເຂົ້າໃນວຽກງານປ້ອງກັນ,ຄວບຄຸມ ແລະ ຕ້ານການແຜ່ລະບາດຂອງພະຍາດໂຄວິດ 19 ຢູ່ເມືອງຊະນະສົມບູນ.ກໍ່ຄືເລີ່ມແຕ່ຄະນະສະເພາະກິດປ້ອງກັນ,ຄວບຄຸມ ແລະ ສະກັດກັ້ນຕ້ານການລະບາດຂອງພະຍາດໂຄວິດ 19 ເມືອງຊະນະສົມບູນ.ອອກຄຳສັງປິດການເຂົ້າ – ອອກທົ່ວເມືອງ.ນັບແຕ່ວັນທີ 16 ກັນຍາ 2021 ຈົນເຖີງປັດຈຸບັນ.ກໍ່ໄດ້ມີຫຼາຍພາກສ່ວນໃນສັງຄົມເຂົ້າມາໃຫ້ການຊ່ວຍເຫຼືອ ມອບເຄື່ອງອຸປະໂພກ – ບໍລິໂພກ ແລະ ອຸປະກອນທາງການແພດ ໃຫ້ກັບຄະນະສະເພາະກິດປ້ອງກັນ,ຄວບຄຸມ ແລະ ສະກັດກັ້ນຕ້ານການແຜ່ລະບາດຂອງພະຍາດໂຄວິດ 19 ຂອງເມືອງເປັນຕົ້ນ.

ໃນນັ້ນມີ ທ່ານ ພັນເອກ ຖາວອນ ບຸນກອງພີມ ຫົວໜ້າກອງບັນຊາການປ້ອງກັນຄວາມສະຫງົບແຂວງຈຳປາສັກ ຜູ້ຊີ້ນຳວຽກງານຮອບດ້ານຢູ່ເມືອງຊະນະສົມບູນ.ໄດ້ນຳເອົາຜ້າອັດປາກ – ດັງຈຳນວນ 12 ແກັດໃຫ່ຍ ແລະ ເຈວລ້າງມືຈຳນວນ 7 ແກັດ.ລວມມູນຄ່າ 7 ລ້ານກວ່າກີບ,ບໍລິສັດປັນຍາລາດ ກໍ່ສ້າງຂົວທາງ ແຂວງຈຳປາສັກ ມອບໍ້າດື່ມຈຳນວນ 60 ແກັດ ລວມມູນຄ່າ 1.000.0000 ກີບ,ບໍລິສັດຄຳເພັດດວງຈະເລີນ ຂຸດຄົ້ນແຮ່-ຊາຍຈຳກັດ ມອບນ້ຳດື່່ມຈຳນວນ 100 ແກັດ ມູນຄ່າ 3.000.000 ກີບ,ບໍລິສັດບົວພັນ ໂຄສະນາຈຳກັດຜູ້ດຽວ ແຂວງຈຳປາສັກ ມອບປ້າຍຜ້າໃບນີວໂຄວິດ 19 ຈຳນວນ 57 ພື້ນ ລວມມູນຄ່າ 10.000.000 ກີບ,ບໍລິສັດເບຍລາວ ສາຂາແຂວງຈຳປາສັກ ມອບນຳດື່ມ ແລະ ນ້ຳຫວານ ລວມມູນຄ່າ 1.000.000 ກີບ ໂດຍການກ່າວຮັບຂອງທ່ານ ສອນສະຫວັນ ສີວິໄລ ເຈົ້າເມືອງຊະນະສົມບູນ ແລະ ຄະນະກຳມະການສະເພາະກິດທີ່ກ່ຽວຂ້ອງຂອງເມືອງ.

ນອກຈາກນັ້ນຍັງມີອົງການພຣະພຸກທະສາດສະໜາສຳພັນລາວເມືອງ ແລະ ຜູ້ປະກອບການນັກທຸລະກິດ,ພໍ່ຄ້າຊາວຂາຍ ຕະຫຼອດຮອດພໍ່ແມ່ປະຊາຊົນແຕ່ລະທ້ອງຖີ່ນທົ່ວເມືອງ ກໍ່ໄດ້ໃຫ້ການການປະກອບສ່ວນມອບເຄື່ອງຊ່ວຍເຫຼືອຕາມທ່າແຮງທີ່ຕົນມີ ໃຫ້ກັບຄະນະສະເພາະກິດປ້ອງກັນພະຍາດໂຄວິດ 19 ຂັ້ນບ້ານແຕ່ລະທ້ອງຖີ່ນຮາກຖານ,ກຸ່ມ – ບ້ານດ້ວຍຄວາມເປັນເຈົ້າການສູງ.
ບັນນາທິການຂ່າວ ໂດຍ: ທ.ແຫຼມສິນໄຊ ສໍປະເສີດ ຫ້ອງການ ຖວທ ເມືອງຊະນະສົມບູນ