ມີເດຍລາວແຂວງຈຳປາສັກ ຂ່າວ:ປັນຍາ ແກ້ວພິລົມ ຖວທ ເມືອງ
ວັນທີ16 ມີຖຸນາ2021ນີ້,ຫ້ອງຊັບພະຍາກອນແລະສິ່ງແວດລ້ອມເມືອງສຸຂຸມາທາບທາມເອົາຫົວໜ້າໜ່ວຍງານ,ຮອງຫົວໜ້າໜ່ວຍງານ,ຢູ່ທີ່ຫ້ອງປະຊຸມຊັ້ນສອງ,,ໂດຍການເຂົ້າຮ່ວມຂອງທ່ານ ສຸລິວົງ ແກ້ວວັນເພັງ ກຳມະການພັກເມືອງ ຫົວໜ້າຫ້ອງການພາຍໃນເມືອງສຸຂຸມາ,ມີທ່ານ ພອນໄຊ ສະໄໝອິນຊີມອນ ຄະນະພະແນກຊັບພະຍາກອນແລະສິ່ງແວດລ້ອມແຂວງຈຳປາສັກ,ທ່ານ ພອນ ພຽນພັກ ກຳມະການພັກເມືອງ ຫົວໜ້າຫ້ອງການຊັບພະຍາກອນແລະສິ່ງແວດລ້ອມເມືອງ,ຄະນະຫ້ອງຈັດຕັ້ງເມືອງ,ພະນັກງານວິຊາການທີ່ກ່ຽວຂ້ອງຂອງແລະເມືອງເຂົ້າຮ່ວມ.

ໃນພິທີທ່ານ ນາງ ຈຳປາໄພ ຄຳໂພສີ ຫົວໜ້າຈັດຕັ້ງພະແນກຊັບພະຍາກອນແລະສິ່ງແວດລ້ອມແຂວງໄດ້ຜ່ານຂໍ້ຕົກລົງຂອງພະແນກຊັບພະຍາກອນສະບັບເລກທີ889/ພຊສ,ຈສ ລົງວັນທີ8/6/2021 ວ່າດ້ວຍການແຕ່ງຕັ້ງຄະນະຮັບຜິດຊອບຊີ້ນຳແລະຄະນະວິຊາການ,ຈາກນັ້ນກໍ່ໄດ້ຜ່ານບັນດາມາດຖານແລະເງື່ອນໄຂຜູ້ທີ່ສະໝັກເຂົ້າເປັນຫົວໜ້າໜ່ວຍງານແລະຮອງຫົວໜ້າໜ່ວຍງານເປັນບຸກຄົນທີ່ມີຄຸນທາດການເມືອງໜັກແໜນ,ມີທັດສະນະແລະຄຸນສົມບັດສິນທຳປະຕິວັດ,ມີຄວາມບໍລິສຸດສັດຊື່ແລະມີຄວາມຈົ່ງຮັກພັກດີຕໍ່ພັກແລະປະຕິບັດລະບຽບວິໃນຕ່າງໆໄດ້ເປັນຢ່າງດີ,ພ້ອມນັ້ນຄະນະຮັບຜິດຊອບກໍ່ໄດ້ຢາຍບັດທາບທາມເພື່ອຄັດເລືອກເອົາບຸກຄະລາກອນທີ່ດີເດັ່ນມີຄວາມຮູ້,ຄວາມສາມາດຫ້າວຫັນພ້ອມທີ່ຈະຮັບໃຊ້ພັກ-ລັດທີ່ມອບໝາຍໃຫ້,ການທາບທາມເອົາຫົວໜ້າ-ຮອງຫົວໜ້າໜ່ວຍງານໃນຄັ້ງນີ້ມີຜູ້ສະໝັກ6ທ່ານ,ເລືອກເອົາ3ທ່ານ,ຜົນການເລືອກຕັ້ງໃນການທາບທາມຄັ້ງນີ້ແມ່ນໄດ້ເລືອກເອົາ3ທ່ານຄື:ທ່ານ ຂຽນອຸໄທ ບຸຜາສາລີ ເປັນຫົວໜ້າໜ່ວຍງານ,ທ່ານ ທະນູໄລ ສີພົມມະລັງກຸນແລະທ່ານວົງຄຸດ ຊະນະມົນຕີ ເປັນຮອງໜ່ວຍງານ.