ໃນຕອນບ່າຍຂອງວັນທີ 25 ​ມີນາ ​2021 ​ຜ່ານມານີ້ ຢູ່ທີ່ສະໂມສອນຂອງເມືອງຈຳປາສັກ ໄດ້ເປີດພິທີປາຖະກະຖາວັນສ້າງຕັ້ງຄະນະຊາວໜຸ່ມປະຊາຊົນປະຕິວັດລາວຄົບຮອບ 66 ປີ ແລະ ພິທີເປີດຂະບວນການແຮກສ່ຽວປະຈຳປີ 2021 ໜ່ວຍ​ 17 ​ຄູ່ສ່ຽວທີ່ເມືອງຈຳປາສັກ​ ໂດຍພາຍໄຕ້ການເປັນປະທານຂອງທ່ານ ສຸກກິດຕາ​ ອິນທະຈັກ​ ຄະນະປະ​ຈຳພັກເມືອງ​ປະທ​ານແນວລາວສ້​າງຊາດເມືອງ​ ມີທ່ານ ໃຈສະຫັວນ ຈັນວັນຄຳ ຮອງເລຂາຄະນະບໍລິຫານງານຊາວໜຸ່ມປະຊາຊົນປະຕິວັດລາວແຂວງຈຳປາສັກ ມີທ່ານ ນາງ ຕຸ້ມ ຄຳອາສາ ຮອງ​ເລຂາຊາວໜຸ່ມເມືອງ ມີບັນດາທ່ານໃນເລຂາຄະນະໜ່ວຍຊາວໜຸ່ມເມືອງເຂົ້າຮ່ວມຈຳນວນ 134 ຄົນ ຍິງ 97 ຄົນ.


ໃນພິທີ ທ່ານ ໃຈສະຫັວນ ຈັນວັນຄຳ​ ກໍ່ໄດ້ຂື້ນຜ່ານເອກະສານເຊື່ອມຊືມມູນເຊື້ອປະຫັວດຂອງຄະນະຊາວໜຸ່ມປະຊາຊົນປະຕິວັດລາວຄົບຮອບ 66 ປີ ເຊິ່ງ​ທ່ານໄດ້ຍົກໃຫ້ເຫັນຄວາມອົງອາດກ້າຫານ ຄວາມສາມັກຄີ ຕໍ່ສູ້ຕ້ານຈັກກະພັດຜູ້ຮຸກຮານສາມາດຍາດເອົາໄຊຊະນະອັນໃຫ່ຍຫຼວງມາສູ່ປະເທດຊາດ ຊາວໜຸ່ມປະຊາຊົນປະຕິວັດລາວມີນຳໃຈຮັກຊາດຮັກບ້ານເກີດເມືອງນອນ ຍອມເສຍສະຫຼະເລືອດເນື້ອເພື່ອປົດປ່ອຍຊາດອອກຈາກການປົກຄອງຂອງຈັກກະພັດຕ່າງດ້າວຜູ້ຮຸກຮານໄດ້.


ແລະ ເພື່ອເປັນການສືບຕໍ່ວາລະຂອງພິທີກອງປະຊຸມ ໃນພິທີກໍ່ຍັງໄດ້ມີພິທີແຮກສ່ຽວໃຫ້ໜ່ວຍຊາວໜຸ່ມກົມກອງອ້ອມຂ້າງ ໂຮງຮຽນ ແລະ ບ້ານ ລວມ 17 ຄູ່ ໂດຍ​ຜ່ານ​ຂໍ້ຕົກລົງການຈັບຄູ່ແຮກສ່ຽວຂອງຊາວໜຸ່ມໜ່ວຍອ້ອມຂ້າງ ໂດຍການຜ່ານເອກະສານອ່ານຜ່ານຈາກ ທ່ານ ນາງ ຕຸ້ມທອງ​ ຄຳອາສາ​ ຮອງເລຂາຄະນະບໍລິຫານງານຊາວໜຸ່ມ ​ເມືອງຈຳປາສັກ.

ພາບ-ຂ່າວ: ໄຊຍະສິດ​ ສີຫາວົງ​