ມີເດຍາວແຂວງຈຳປາສັກ ເມື່ອວັນທີ 22 ກັນາຍາ 2021 ຜ່ານມານີ້: ທ່ານ ທອງບາງ ຈັນທະວີລາດ ຫົວໜ້າຫ້ອງການອຸດສະຫະກຳ ແລະ ການຄ້າເມືອງຊະນະສົມບູນ ພ້ອມດ້ວຍ ພະນັກງານຫລັກແຫລ່ງທີ່ກ່ຽວຂ້ອງຫ້ອງການ.ໄດ້ລົງຕິດຕາມ,ກວດກາລາຄາສີນຄ້າ ແລະ ບັນຍາກາດການຊື້-ຂາຍສີນຄ້າ ຢູ່ຕະຫຼາດໃໝ່ໜອງຫອຍ ເມືອງຊະນະສົມບູນ ແຂວງຈຳປາສັກ.ເພື່ອຄຸ້ມຄອງ ແລະ ປົກປ້ອງຜູ້ບໍລິໂພກ ໃນໄລຍະທີ່ຄະນະສະເພາະກິດປ້ອງກັນ,ຄວບຄຸມ ແລະ ສະກັດກັ້ນຕ້ານການແຜ່ລະບາດຂອງພະຍາດໂຄວິດ19 ຂອງເມືອງ ອອກຄຳສັ່ງປິດການເຂົ້າ – ອອກເມືອງທົ່ວເມືອງ.

ໂອກາດທີ່ເຄື່ອນໄຫວຕິດຕາມກວດກາວຽກງານດັ່ງກ່າວ ທ່ານ ທອງບາງ ຈັນທະວີລາດ ຫົວໜ້າຫ້ອງການອຸດສະຫະກຳ ແລະ ການຄ້າເມືອງໄດ້ໃຫ້ສຳພາດຕໍ່ກັບຜູ້ສື່ຂ່າວທ້ອງຖີ່ນວ່າ:ໂດຍປະຕິບັດຕາມຄຳສັ່ງຂອງທ່ານເຈົ້າແຂວງຈຳປາສັກ.ສະບັບເລກທີ 14/ຈສ.ຈສ ແລະແຈ້ງການເພີ່ມເຕີມ ຂອງທ່ານເຈົ້າເມືອງໆຊະນະສົມບູນ.ສະບັບເລກທີ014/ຈມ.ຊບ.ດັ່ງນັ່້ນທາງຫ້ອງການອຸດສະຫະກຳ ແລະ ການຄ້າເມືອງ.ຈຶ່ງໄດ້ແຈ້ງການມາຍັງຜູ້ບໍລິຫານການຕະຫລາດ ແລະ ຜູ້ທີ່ເຂົ້າມາບໍລິການຊື້-ຂາຍພາຍໃນຕະຫລາດທົ່ວເມືອງ.ເອົາໃຈໃສ່ຈັດຕັ້ງປະຕິບັດບັນດາຄຳສັ່ງ,ແຈ້ງການ ດັ່ງກ່າວຢ່າງເຂັ້ມງວດ

ພ້ອມນັ້ນຍັງໄດ້ປະສານກັບພະແນກການສາຍຕັ້ງທີ່ກ່ຽວຂ້ອງຂອງແຂວງ ລົງຕິດຕາມກວດກາລາຄາສີນຄ້າ ແລະ ຊຸກຍູ້ຜູ້ປະກອບການເຈົ້າຂອງຕະຫລາດ ລວມທັງພໍ່ແມ່ປະຊາຊົນທີ່ເຂົ້າມາຈັບຈ່າຍຊື້ຂາຍສີນຄ້າເອົາໃຈໃສ່ປະຕິບັດມາດຕະການປ້ອງກັນພະຍາດໂຄວິດ 19 ຢ່າງເຄັ່ງຄັດ,ເຊີ່ງຜ່ານການລົງຕິດຕາມກວດກາຕົວຈິງເຫັນວ່າບັນດາລາຄາສີນຄ້າເຄື່ອງອຸປະໂພກ – ບໍລິໂພກຕ່າງໆທີ່ວາງຂາຍຢູ່ຕາມທ້ອງຕະຫລາດທົ່ວເມືອງລວມທັງໝົດມີ8ແຫ່ງ ລາຄາສີນຄ້າແມ່ນມີການຂື້ນລົງໄປຕາມກົນໄກຂອງຕະຫລາດ ເວົ້າລວມແລ້ວການຄຸມຄ້ອງລາຄ້າສີນຄ້າພາຍໃນຂອບເຂດທົ່ວເມືອງຂອງພວກເຮົາແມ່ນຍັງຮັກສາສະຖຽນນະພາບຢ່າງປົກກະຕິ.

ພ້ອມນີ້ທ່ານຫົວໜ້າຫ້ອງການອຸດສາຫະກຳ ແລະການຄ້າເມືອງຍັງໃຫ້ສຳພາດຕື່ມວ່າ: ຜ່ານການຈັດຕັ້ງປະຕິບັດວຽກງານໃນໄລຍະຜ່ານມາໄດ້ມີຂໍ້ສະດວກຫລາຍດ້ານ ,ສ່ວນຂໍ້ຫຍຸ້ງຍາກພາຍຫລັງມີການລ໋ອກດາວປິດການເຂົ້າ-ເມືອງສົ່ງຜົນເຮັດໃຫ້ການຈາລະຈອນສີນຄ້າພົບຄວາມຫຍຸ້ງຍາກ ສາເຫດຍ້ອນມີຂອດຈຳກັດຫລາຍດ້ານ,ພະນັກງານທີ່ຮັບຜິດຊອບວຽກກວດກາຂອງຫ້ອງການຈຳນວນໜຶ່ງ ກໍ່ຖຶກຈຳກັດບໍ່ລິເວີນ ເນື່ອງຈາກອາໃສ່ຢູ່ບ້ານເຂດແດງ ເຂດທີ່ມີການລະບາດຂອງພະຍາດໂຄວິດ19 ເຮັດໃຫ້ບໍ່ສາມາດເຄື່ອນຳໄຫວປະຈຳການໄດ້ ນອກຈາກນັ້ນຍັງມີພໍ່ຄ້າຊາວຂາຍທີ່ບໍລິການຂາຍຍົກ-ຂາຍຍ່ອຍຈຳນວນໜຶ່ງຢູ່ບາງບ້ານຍັງຖືໂອກາດສວຍໃຊ້ໂອກາດໄລຍະທີ່ມີການແຜ່ລະບາດຂອງພະຍາດໂຄວິດ19 ກັກຕຸນ ແລະ ຂື້ນລາຄາສີນຄ້າ.ເບື້ອງຕົ້ນທາງຫ້ອງການດັ່ງກ່າວກໍ່ໄດ້ລົງໄປປັບປຸງແກ້ໄຂປະຕິບັດຕາມຂັ້ນຕອນຂອງລະບຽບກົດໝາຍ ນອກຈາກນັ້ນຍັງຈະໄດ້ ສຶບຕໍ່ລົງຕິດຕາມບັນດາຜູ້ປະກອບການຊື້-ຂາຍລາຄ້າຢ່າງທົ່ວເມືອງຢ່າງໃກ້ຊີດ ເພື່ອບໍ່ໃຫ້ມີການກັກຕຸນສີນຄ້າແລະຂື້ນລາຄາສີນຄ້າ ໂດຍສະເພາະສີນຄ້າທີ່ມີຜົນກະທົບໄວ້ຕໍ່ຜູ້ບໍລິໂພກຖ້າຫາກພົບເຫັນວ່າມີຜູ້ລະເມີດກໍ່ຈະຖຶກປະຕິບັດຕາມຂັ້ນກົດໝາຍທີ່ກຳນົດໄວ້ຢ່າງເດັດຂາດ.ພ້ອມນັ້ນທ່ານຫົວໜ້າຫ້ອງການອຸດສາຫະກຳ ແລະ ການຄ້າເມືອງຍັງຝາກຄວາມເປັນຮ່ວງເປັນໃຍພ້ອມທັງຮຽກຮ້ອງໃຫ້ຜູ້ປະກອບການ,ພໍ່ຄ້າຊາວຂາຍພາຍໃນຂອບເຂດເມືອງຊະນະສົມບູນ ຈົ່ງພ້ອມກັນເອົາໃຈໃສ່ຄຸ້ມຄອງລາຄາສີນຄ້າຂອງຕົນ ໂດຍສະເພາະແມ່ນໃຫ້ເອົາໃຈໃສ່ປະຕີບັດຕາມດຳລັດ 474 ທີ່ກ່ຽວຂ້ອງໃນການຄຸ້ມຄອງລາຄາສີນຄ້າ ທັງນີ້ກໍ່ເພື່ອປະຄຫບປະຄອງຊ່ວຍເຫລື່ອເຊີ່ງກັນແລະກັນ ໃນໄລຍະທີ່ບ້ານເມືອງຂອງພວກເຮົາພົບຄວາມຍຸ້ງຍາກຕໍ່ກັບສະພາບການລະບາດພະຍາດໂຄວິດ 19.
ບັນນາທິການຂ່າວແຂວງ ໂດຍ.ທ.ແຫລມສິນໄຊ ສໍປະເສີດ ຫ້ອງການ ຖວທ ເມືອງຊະນະສົມບູນ