ມິເດຍລາວແຂວງຈຳປາສັກ ຂ່າວ​-ພາບ​ໄຊຍະສິດ​ ສີຫາວົງ.​ ໃນຕອນເຊົ້າຂອງວັນທີ 2 ມີນາ 2021​ນີ້ ຫ້ອງການ​ເງິນ​ເມືອງ​ຈຳປາສັກ​ໄດ້ເປີດ​ກອງປະຊຸມ​ເຜີຍແຜ່ແນະນຳຂໍ້ມູນຂ່າວສານຄຸ້ມຄອງເກັບລາຍຮັບສ່ວຍສາອາກອນດ້ວຍນຳໄຊ້ລະບົບແທັກຣິດ( TaxRis)​ໃຫ້ແກ່ບັນດາອົງການຈັດຕັ້ງຂອງເມືອງ ແລະ ບັນດາຫົວໜ່ວຍທຸລະກິດໃນທົ່ວເມືອງຈຳປາສັກ.​ໂດຍການເປັນປະທານຂອງທ່ານ ສະຫວາດ​ ແກ້ວບັນດິດ​ ກຳມະການພັກແຂວງ​ ເລຂາພັກເມ​ືອງເຈົ້າເມ​ືອງຈຳປາສັກ.​ທ່ານ ສີບູນ ​ເຮືອນ​ມຸງຄຸນ​ ກຳມະການ​ພັກ​ເມືອງ​ຫົວໜ້າ​ຫ້ອງການ​ການເງິນ​ເມືອງ​ຈຳປາສັກ.​ມີທ່ານ​ ບຸນຈັນ​ ໂສພາ​ ຮອງຫົວໜ້າສ່ວຍສາອາກ່ອນແຂວງ ພ້ອມຄະນະ​ ມີບັນດາທ່ານ ຫ້ອງການທີ່ກຽ່ວຂ້ອງ ແລະ ບັນດາຫົວໜ່ວຍທຸລະກິດໃນທົ່ວເມືອງຈຳປາສັກ​ເຂົ້າຮ່ວມ
ໃນ​ພິທີ​ ທ່ານ ສະຫວາດ​ ແກ້ວບັນດິດ​ ເລຂາ​ພັກ​ເມືອງ​ເຈົ້າເມືອ​ງໆ​ ກໍ່ໄດ້ມີຄຳເຫັນໂອລົມ​ແລະ ກ່າວເປີດກອງປະຊຸມຢ່າງເປັນທາງການ.​ ທ່ານ ບຸນຈັນ​ ໂສພາ ຮອງຫົວໜ້າສ່ວຍສາອາກອນແຂວງກໍ່ໄດ້ມີຄຳເຫັນຕໍ່ກອງປະຊຸມ ແລະ ຍັງໄຫ້ຮູ້ອີກວ່າລະບົບແທັກ ໄດ້​ນຳໃຊ້ແລ້ວປະຈຸບັນມີ4ຕົວເມືອງ1ນະຄອນ.​ທີ່ໄດ້ນຳໃຊ້ລະບົບແທັກຮິດ( TaxRis)​ຄື ເມືອງໂຂງ.​ໂພນທອງ.​ປາກຊ່ອງ. ບາຈຽງຈະເລີນສຸກ. ແລະ ນະຄອນປາກເຊ.​ແລະມີ 3 ທະນາຄານຄູ່ຮ່ວມນຳໃຊ້ເຊັ່ນ ທະນາຄານການຄ້າຕ່າງປະເທດ.​ທະນາຄານພັດທະນາລາວ ແລະ​ ທະນາຄານລາວ-ຫວຽດ….
ພ້ອມດ່ຽວກັນນັ້ນກໍ່ຍັງໄດ້ຮັບຟັງການອະທີບາຍກຽ່ວກັບການນຳໃຊ້ລະບົບແທັກຣິດ(TaxRis)​ແລະໃຫ້ບັນດາທ່ານໃນກອງປະຊຸມມີຄຳເຫັນແລກປຽ່ນເຊິ່ງກັນແລະກັນແລະເພື່ອເປັນການນຳໃຊ້ລະບົບດັ່ງກ່າວນຳໃຊ້ເຂົ້າໃນການຄຸ້ມຄອງລາຍຮັບສ່ວຍສາອາກອນທີ່ທັນສະໄໝ ມີຄວາມໂປ່ງໃສ ວ່ອງໄວ ແລະສາມາດກວດສອບໄດ້…