ໃນຕອນເຊົ້າຂອງວັນທີ 23 ມີນາ 2021 ນີ້ ຫ້ອງການແຮງງານ – ສະຫວັດດິການສັງຄົມເມືອງໄດມອບເຄື່ອງຊ່ວຍເຫຼືອໃຫ້ຄອບຄົວທີ່ໄດ້ຮັບຜົນກະທົບຈາກໄພພິບັດໃນປີ 2020 ຈຳນວນ 43 ຄອບຄົວທີ່ອາໄສຢູ່ 2ບ້ານຄື: ບ້ານຫ້ວຍກະໂພໄຊ 41 ຄອບຄົວ ແລະ ບ້ານນາວາສຸກ 2 ຄອບຄົວ ເຄື່ອງທີ່ນຳມາມອບໃນຄັ້ນນີ້ປະກອບມີ: ສັງກະສີ 199 ແຜ່ນ, ເຫຼັກຕະປູ 72 ກັບ ພ້ອມດ້ວຍເງິນສົດຈຳນວນ 400.000 ກີບ.

ພິທີມອບ-ຮັບຊ່ວຍເຫຼືອໃນຄັ້ງນີ້ໄດ້ຈັດຂຶ້ນທີ່ ວັດບ້ານ ຫ້ວຍກະໂພໃຫ້ກຽດມອບໂດຍ ທ່ານ ສັງວານ ນ້ອຍວັນສີ ກຳມະການພັກເມືອງ ຫົວໜ້າຫ້ອງການແຮງງານ – ສະຫວັດດີການສັງຄົມເມືອງ ເຊິ່ງມີທ່ານ ຄຳເພັດ ບຸນສົງການ ຫົວໜ້າຫ້ອງການໂຍທາທິການ ແລະ ຂົນສົ່ງເມືອງ ທັງແມ່ນຮອງຈຸດສຸມລະຄອນສີ  ພ້ອມດ້ວຍວິຊາການທີ່ກ່ຽວຂ້ອງ, ອໍານາດການປົກຄອງ ແລະ ພໍ່ແມ່ປະຊາຊົນ ຈາກ 2 ບ້ານເຂົ້າຮ່ວມເປັນສັກຂີ.

ໃນການລົງມອບເຄື່ອຍຊ່ວຍເຫຼືອໃນຄັ້ນນີ້ ທ່ານ ຫົວໜ້າຫ້ອງການແຮງງານ-ສະຫວັດດີການສັງຄົມເມືອງ ຍັງໄດ້ເຜີຍແຜ່ກົດລະບຽບກອງທຶນສັງຄົມສົງເຄາະຂັ້ນເມືອງ ສະບັບປັບປູງໃໝ່ ເລກທີ 01/ຈມ, ລພ  ລົງວັນທີ 13/3/2021 ແລະ ໄດ້ມີການໂອ້ລົມສະແດງຄວາມເປັນຫ່ວງເປັນໄຍອັນສູງສົ່ງຂອງອົງການຈັດຕັ້ງພັກ-ລັດ ທີ່ມີຕໍ່ພໍ່ແມ່ປະຊາຊົນ ເພື່ອເປັນກຳລັງໃຈໃຫ້ແກ່ຄອບຄົວຜູ້ທີ່ຖືກໄພພິບັດໃນຄັ້ງນີ້ອີກດ້ວຍ.

ພາບ-ຂ່າວ: ກິນດາວັນ