ເພື່ອປະຕິບັດຕາມມະຕິລວມ ວ່າດ້ວຍການສ້າງແຂວງເປັນຫົວໜ່ວຍຍຸດທະສາດ, ສ້າງເມືອງເປັນຫົວໜ່ວຍເຂັ້ມແຂງຮອບດ້ານ, ສ້າງບ້ານເປັນຫົວໜ່ວຍພັດທະນາ ຕາມຄໍາສັງເລກທີ 34/ນຍ ມາເປັນມະຕິ ແລະ ແຜນດຳເນີນງານວຽກງານ 3 ສ້າງຂອງແຂວງ ໃຫ້ໄປຕາມທິດລວງເລິກຕາມແຜນຍຸດທະສາດຂັ້ນແຂວງ ໃຫ້ບັນລຸ 7 ດ້ານ ຂັ້ນເມືອງບັນລຸ 5 ດ້ານ ແລະ ຂັ້ນບ້ານບັນລຸ 4 ດ້ານຕາມການກຳນົດຈຸດສຸມພັດທະນາແຂວງຮອດປີ 2020.


ໃນວັນທີ 24 ກຸມພາ 2021 ທີ່ຫ້ອງປະຊຸມຫ້ອງວ່າການປົກຄອງແຂວງ ໄດ້ຈັດກອງປະຊຸມຕີລາຄາວຽກງານ 3 ສ້າງ ເພື່ອກວດກາ ຕິດຕາມເກັບກໍາຂໍ້ມູນ ແລະ ຊຸກຍູ້ວຽກງານປົກຄອງທ້ອງຖິ່ນ ໂດຍການເປັນທານຂອງທ່ານ ບຸນເສີດ ເສດທິລາດ ຄະນະປະຈໍາພັກແຂວງ ຮອງເຈົ້າແຂວງອັດຕະປື ໃຫ້ກຽດເຂົ້າຮ່ວມມີ ທ່ານ ຄໍາມູນ ວິພົງໄຊ ຮອງລັດຖະ ມົນຕີກະຊວງພາຍໃນ ບັນດາຄະນະປະຈໍາພັກແຂວງ ກຳມະການພັກແຂວງ ຫົວໜ້າພະແນກການອອມຂ້າງແຂວງ ເຈົ້າເມືອງ 5 ເມືອງຕະຫຼອດຮອດພະນັກງານເຂົ້າຮ່ວມ.

ທ່ານ ບຸນທະມາລີ ໝັ້ນອານົງ ຫົວໜ້າພະແນກພາຍໃນແຂວງອັດຕະປື ໄດ້ຂຶ້ນຜ່ານບົດລາຍງານການປະເມີນຜົນວຽກງານສາມສ້າງ 3 ສ້າງຂອງແຂວງອັດຕະປື (2016-2020) ໂດຍທ່ານໄດ້ຍົກໃຫ້ເຫັນເຖິງຜົນສໍາເລັດຫຼາຍດ້ານ ເປັນຕົ້ນຜົນໄດ້ຮັບການປະເມີນການສ້າງແຂວງເປັນຫົວໜ່ວຍຍຸດທະສາດທັງ 7 ດ້ານ ມີ 66 ຕົວຊີ້ບອກສາມາດບັນລຸໄດ້ 2 ດ້ານເທົ່າກັບ28,57% ແລະ ບໍ່ບັນລຸ 5 ດ້ານເທົ່າກັບ71,42% ຫົວໜ່ວຍຍຸດທະສາດດ້ານການກໍ່ສ້າງພັກ-ພະນັກງານມີ 7 ຕົວຊີ້ບອກ ບັນລຸໄດ້ 5 ຕົວຊີ້ບອກເທົ່າ47,42% ບໍ່ບັນລຸ 2 ຕົວຊີ້ບອກເທົ່າ 28,57% ດ້ານຫົວໜ່ວຍຍຸດທະສາດການປົກຄອງບໍລິຫານລັດມີ 10 ຕົວຊີ້ບອກບັນລຸ 7 ຕົວຊີ້ບອກເທົ່າ 70% ຫົວໜ່ວຍຍຸດທະສາດການຊຸກດັນຂະແຫນງການເສດຖະກິດແຫ່ງຊາດມີ 9 ຕົວຊີ້ບອກບັນລຸໄດ້ 7 ຕົວຊີ້ບອກເທົ່າກັບ 77,77% ດ້ານຫົວໜ່ວຍຍຸດທະສາດການເງິນຂອງປະເທດມີ 6 ຕົວຊີ້ບອກ ບັນລຸໄດ້ 6 ຕົວຊີ້ບອກເທົ່າ 100% ດ້ານຍຸດທະສາດການຄຸ້ມຄອງຂຸດຄົ້ນ ແລະ ນໍາໃຊ້ແຫຼ່ງຊັບພະຍາກອນທໍາມະຊາດ ຊັບສິນຂອງລັດພື້ນຖານໂຄງລ່າງດ້ານເສດຖະກິດ-ສັງຄົມ ພື້ນຖານວັດຖຸເຕັກນິກ ແລະ ປົກປັກຮັກສາສິ່ງແວ້ດລ້ອມມີ 13 ຕົວຊີ້ບອກບັນລຸ 9 ຕົວຊີ້ບອກເທົ່າ69,23% ຫົວໜ່ວຍຍຸດທະສາດດ້ານການຄຸ້ມຄອງວັດທະນະທໍາ-ສັງຄົມ ແລະ ການພັດທະນາຊັບພະຍາກອນມະນຸດມີ16ຕົວຊີ້ບອກບັນລຸໄດ້ 11 ຕົວຊີ້ບອກເທົ່າ 68,75% ຫົວໜ່ວຍຍຸດທະສາດດ້ານການປ້ອງກັນຊາດ-ປ້ອງກັນຄວາມສະຫງົບທີ່ເຂັ້ມແຂງມີ 5 ຕົວຊີ້ບອກບັນລຸໄດ້ 4 ຕົວຊີ້ບອກ ເທົ່າ 80% ນອກນີ້ກອງປະຊຸມຍັງໄດ້ມີການປະກອບຄໍາເຫັນ ເຈາະຈີ້ມບາງບັນຫາ ແລະ ສົນທະນາຖາມຕອບຂໍ້ຂອງໃຈອີກດ້ວຍ.
ພາບ-ຂ່າວ: ມະນີວອນ