ວັນທີ 25 ກຸມພາ 2021 ນີ້ແຂວງອັດຕະປື ໄດ້ປະກາດຜົນການເລືອກຕັ້ງສະມາຊິກສະພາແຫ່ງຊາດ ຊຸດທີ​IX​ແລະສະມາຊິກສະພາປະຊາຊົນແຂວງ ຊຸດທີ​II​ ພິທີຖະແຫຼງປະກາດຜົນການເລືອກຕັ້ງໄດ້ຂື້ນທີ່ສະພາປະຊາຊົນແຂວງ,​ໂດຍໃຫ້ກຽດຖະແຫຼງຂອງທ່ານນາງ ພອນມະນີ ຂຽນໄຊຍະວົງ ຄະນະກຳມະການເລືອກຕັ້ງຂັ້ນແຂວງ,​ໂດຍຖະແຫຼງຜ່ານສື່ມວນຊົນຂອງແຂວງ ເຊິ່ງທ່ານໄດ້ກ່າວວ່າ: ຜົນການປ່ອນບັດ ເລືອກຕັ້ງເອົາສະມາຊິກສະພາແຫ່ງຊາດ​ ຊຸດທີIX​ ປະຈຳເຂດເລືອກຕັ້ງທີ17 ແຂວງອັດຕະປື,​ມີຈຳນວນຜູ້ລົງສະໝັກຮັບເລືອກຕັ້ງ ສະມາຊິກສະພາແຫ່ງຊາດ ທັງໝົດ 9​ ທ່ານ,​ຍິງ 3 ທ່ານ ເລືອກເອົາ 6 ທ່ານ,​ສ່ວນຜົນການເລືອກຕັ້ງຕົວຈິງໄດ້ 6​ ທ່ານ,​ຍິງ​ 2​ ທ່ານ,​ເຊິ່ງມີລາຍຊື່ດັ່ງນີ້:
1.ທ່ານນາງ​ ມີນາພອນ ໄຊສົມພູ ຮອງເລຂາພັກແຂວງ.​
2.ທ່ານ ນາງ​ ພອນມະນີ​ ຂຽນໄຊຍະວົງ​ ກໍາມະການພັກແຂວງ ຮອງປະທານສະພາປະຊາຊົນແຂວງ.​
3.ທ່ານ​ ສຸກສໍາລານ ໄຊຍະແສງ ຄະນະປະຈໍາສະພາ ປະທານກໍາມະການເສດຖະກິດສະພາປະຊາຊົນແຂວງ.​
4.ທ່ານ​ ພັທ​ ປອ ບຸນຊູ ສຸລິນັນທອງ ຮອງກອງບັນຊາການ ປກສ​ ແຂວງ,​5.ທ່ານ​ ຄໍາ​ປະສົງ​ ລາດຊະຈັກ ຫົວໜ້າກົມຕິດຕາມກວດກາຂົງເຂດຍຸຕິທໍາ, ກໍາມະການຍຸຕິທໍາ ສະພາແຫ່ງຊາດ.​
6.ທ່ານ​ ມະນີໂສ ຊາມົນຕີ ຮອງປະທານກໍາມະທິການເສດຖະກິດເຕັກໂນໂລຊີ້​ ແລະ​ ສິ່ງແວດລ້ອມສະພາແຫ່ງຊາດ.​/
ສຳລັບ ຜົນການປ່ອນບັດເລືອກຕັ້ງເອົາສະມາຊິກສະພາປະຊາຊົນຂັ້ນແຂວງຊຸດທີII ໃນທົ່ວແຂວງ,​ເຊິ່ງມີຜູ້ລົງສະໝັກຈຳນວນ 31 ທ່ານ ເລືອກເອົາ 21 ທ່ານ.​
ເຂດເລືອກຕັ້ງເມືອງສາມັກຄີໄຊ ອອກສະໝັກຮັບເລືອກຕັ້ງ 6 ທ່ານ,​ ຍິງ 2 ທ່ານ ແລະ ຜົນການເລືອກຕັ້ງ ໄດ້ 4 ທ່ານ,​ ຍິງ 2 ທ່ານ,ເຊິ່ງມີລາຍຊື່ດັ່ງນີ້:
1.ທ່ານ​ ນາງ​ ພຸດມະໄລພອນ ແກ້ວສີວົງສາ​ ຮອງເລຂາພັກເມືອງ ປະທານກວດກາພັກເມືອງສາມັກຄີໄຊ.​
2.ທ່ານ​ ພູວັນ ພົມມະຈັນ ກໍາມະການພັກແຂວງ​ ເລຂາຄະນະບໍລິຫານງານຊາວໜຸ່ມແຂວງ.
3.ທ່ານ​ ແຫວນຄໍາ ປະທຸມມະແສງ ຮອງເລຂາທິການສະພາປະຊາຊົນແຂວງ.
4.ທ່ານ​ ນາງ​ ຈັນທະລີ ສີສຸວົງ ຮອງປະທານກໍາມະການ ປກຊ-ປກສ​ສະພາປະຊາຊົນ​ແຂວງ./
ເຂດເລືອກຕັ້ງເມືອງໄຊເສດຖາ, ມີຜູ້ອອກສະໝັກຮັບເລືອກຕັງ 6​ ທ່ານ, ຍິງ​ 2​ ທ່ານ​ ແລະ​ ຜົນການເລືອກໄດ້ຕົວຈິງ 4​ ທ່ານ,​ຍິງ​ 2​ ທ່ານ,​ເຊິ່ງມີລາຍຊື້ດັ່ງນີ້:
1.ທ່ານ​ ອຸດສະຫະ​ ກົມມະເມືອງ ຮອງເລຂາພັກເມືອງ​ ປະທານກວດກາພັກ-ລັດ​ເມືອງໄຊເສດຖາ.​
2.ທ່ານນາງ​ ສຸກວິໄລ ວຽງໄຊ ຮອງປະທານສະຫະພັນແມ່ຍິງແຂວງ.​
3.ທ່ານ​ ຂັນທະລອນ ພອນວັນນາ ຮອງອໍານວຍການ ມສ ເສດຖາທິລາດ.​
4.ທ່ານນາງ​ ສົມປອງ ໂຄດໂຍທາ ຫົວໜ້າຫ້ອງການໄປສະນີ,​ໂທລະຄົມມະນາຄົມແລະການສື່ສານເມືອງ.​/
ເຂດເລືອກຕັ້ງເມືອງ ຊານໄຊ ອອກສະຫມັກ 6 ທ່ານ ,ຍິງ 1 ທ່ານ,​ ຜົນການເລືອກຕັ້ງ ໄດ້ 4 ທ່ານ ຍິງ 1 ທ່ານ,ເຊິ່ງມີລາຍຊື່ດັ່ງນີ້:
1.ທ່ານ​ ເທຍ ເມກເມືອງໄຊ ຮອງຫ້ອງການຊັບພະຍາກອນທໍາມະຊາດແລະສິ່ງແວ້ດລ້ອມເມືອງ.​
2.ທ່ານ​ນາງ​ ເດີມສີ ສີສົມວອນ ຮອງຫົວໜ້າໂຄສະນາອົບຮົມເມືງ.
3.ທ່ານ​ ບຸນເນັ້ມ​ ໄຊຍະເສັ້ມ​ ຮອງເລຂາພັກເມືອງ.​
4.ທ່ານ​ ຮອ ບຸນຮອກ ຂັນພິຄໍາ ຫົວໜ້າຫ້ອງການເສນາກອງບັນຊາການ ປກຊ ເມືອງ.
ເຂດເລືອກຕັ້ງເມືອງ ພູວົງ ອອກ ສະຫມັກ 7 ທ່ານ ,ຍິງ 2 ທ່ານ,​ ຜົນການເລືອກຕັ້ງໄດ້ 5 ທ່ານ, ຍິງ 1 ທ່ານ,​ເຊິ່ງມີລາຍຊື່ດັ່ງນີ້:
1.ທ່ານ​ ຄໍາໃບ ແກ້ວມະນີວົງ ຮອງເລຂາພັກເມືອງ​ ປະທານກວດກາພັກ-ລັດ​ເມືອງ.​
2.ທ່ານນາງ​ ຂັນດາວອນ ໄຊສະຫວ່າງ ປະທານສະຫະພັນແມ່ຍິງເມືອງ.​
3.ທ່ານ​ ພັຕ ວິທັດ ທອນພະຈັນ ຮອງກອງບັນຊາການ​ ປກຊ​ ເມືອງ.​
4.ທ່ານ​ ສຸກດາວເຮືອງ ຜິວຄໍາພັນ ຮອງຫົວໜ້າຫ້ອງການສຶກສາແລະກິລາເມືອງ.​
5.ທ່ານ​ ດຣ​ ໜູພາດ ພົມແກ່ນທ້າວ ຮອງພະແນກສາທາລະນະສຸກແຂວງ.​
ເຂດເລືອກຕັ້ງເມືອງສະຫນາມໄຊ ອອກສະຫມັກ 6 ທ່ານ ,ຍິງ 1 ທ່ານ,​ຜົນການເລືອກຕັ້ງ ໄດ້ 4 ທ່ານ ,ຍິງ 1 ທ່ານ.ເຊິ່ງມີລາຍຊື່ດັ່ງນີ້:
1.ທ່ານ​ ຈັນທະວາ ໄຊຍະວາດ ກໍາມະການພັກເມືອງ ຫົວໜ້າແຮງງານແລະສະຫວັດດີການສັງຄົມເມືອງ.​
2.ທ່ານ​ ນາງ​ ແສງອາລຸນ ວົງສາທິການ ຮອງເລຂາທິການສະພາປະຊາຊົນແຂວງ.​
3.ທ່ານ​ ເດດສຸວັນ ມະໄລທອງ ອໍານວຍການລັດວິສາຫະກິດໄຟຟ້າລາວສາຂາອັດຕະປື.​
4.ທ່ານ​ ຄໍາ​ໝັ້ນ​ ພົມມະແສງ ຮອງເລຂາພັກເມືອງ​ ປະທານກວດກາພັກເມືອງ
ທ່ານນາງ​ ພອນມະນີ ຂຽນໄຊຍະວົງ ຍັງໄດ້ກ່າວຕື່ມວ່າ: ແຂວງອັດຕະປື ກໍ່ຄືການນຳພັກ-ລັດ ນັກປະຕິວັດອາວຸໂສບໍານານ ກຳລັງ ປກສ-ປກຊ,ພະນັກງານລັດຖະກອນ ຕະຫຼອດຮອດປະຊາຊົນບັນດາເຜົ່າ ແມ່ນໄດ້ອອກມາໃຊ້ສິດຂອງຕົນຢ່າງເຕັມສ່ວນໃນການເລືອກຕັ້ງຕາມກົດໝາຍ ເຮັດໃຫ້ການເລືອກຕັ້ງຄັ້ງນີ້ເຕັມໄປດ້ວຍບັນຍາກາດຟົດຟຶ້ນ,​ມີປະຊາທິ ປະໄຕ,​ຖືກຕ້ອງຕາມກົດໝາຍ ແລະ ປະຕິບັດໄດ້ 3 ຄາດໝາຍຄື:ຜູ້ມີສິດປ່ອນບັດເລືອກຕັ້ງຕື່ນຕົວສະໝັກໃຈໄປໃຊ້ສິດເລືອກຕັ້ງໄດ້ 100%. ຮັບປະກັນບໍ່ມີບັດຕາຍໄດ້ 100% ແລະ ແຕ່ລະໜ່ວຍປ່ອນບັດ ເຂດເລືອກຕັ້ງຮັບປະກັນຄວາມສະຫງົບປອດໄພໃນບັ້ນເລືອກຕັ້ງໄດ້ 100%.
ພາບ-ຂ່າວ: ມະນີວອນ​