ສື່ມວນຊົນແຂວງຈຳປາສັກ ຂ່າວ-ພາບ: ນາງ ເພັດສະຫວັນ ນັກຂ່າວເມືອງ ວັນທີ 5 ່ຕຸລາ 2021 ນີ້ອົງການປົກຄອງແຂວງຈໍາປາສັກຮ່ວມກັບການນຳຂອງສອງເມືອງມອບ ເຄື່ອງອຸປະໂພກ-ບໍລິໂພກໃຫ້ແກ່ເຈົ້າໜ້າທີ່3ດ່ານຈຸດກວດກາເຂົ້າອອກລະຫວ່າງເມືອງຕໍ່ເມືອງແລະບ້ານຕໍ່ບ້ານ ຄື : ຈຸດດ່ານກວດກາເຂົ້າອອກລະຫວ່າງເມືອງບາຈຽງຈະເລີນສຸກກັບເມືອງປະທຸມພອນ(ຫຼັກ14 ໃຕ້),ດ່ານກວດກາເຂົ້າອອກບ້ານຕໍ່ບ້ານ(ຫຼັກ10)ບ້ານລົ່ມສັກເໜືອ,ຈຸດດ່ານກວດກາເຂົ້າອອກເມືອງບາຈຽງຈະເລີນສຸກກັບເມືອງປາກຊ່ອງ (ຫຼັກ10ໜອງນໍ້າຂາວ)

ນໍາໂດຍ ທ່ານ ສະນັ່ນ  ສີພາພົມມະຈັນ ຮອງເລຂາພັກແຂວງ ຫົວໜ້າຄະນະຈັດຕັ້ງແຂວງຈໍາປາສັກ,ທ່ານ ສົມລິດ ປັນທະບົວສີ ກຳມະການພັກແຂວງ ເລຂາພັກເມືອງ ເຈົ້າເມືອງບາຈຽງຈະເລີນສຸກ,ທ່ານ ວຽງສະໄໝ ສີລະພອນພັນ ກຳມະພັກແຂວງ ເລຂາພັກເມືອງ ເຈົ້າເມືອງປະທຸມພອນ,ໂດຍມີ ຫົວໜ້າພະແນກໂຍທາທິການ-ຂົນສົ່ງແຂວງ,ຫົວໜ້າພະແນກແຜນການໆລົງທືນແຂວງ ສໍາລັບເຄື່ອງທີ່ນໍາມາມອບຄັ້ງນີ້ມີ ນໍ້າດື່ມ,ໝີໄວໆ,ໄຂ່ໄກ່,ຜ້າອັດປາກ,ເຈວລ້າງມືແລະອື່ນໆເພື່ອສ້າງຂັວນກຳລັງໃຈຕໍ່ກັບອ້າຍນ້ອງກຳລັງປ້ອງກັນຊາດ-ປ້ອງກັນຄວາມສະຫງົບສືບຕໍ່ຈັດຕັ້ງປະຕິບັດໃນການປ້ອງກັນ,ສະກັດກັ້ນ,ຄວບຄຸມການແກ້ໄຂການລະບາດຂອງພະຍາດໂຄວິດ-19.