ມີເດຍລາວແຂວງບໍ່ແກ້ວ ພາບ-ຂ່າວ: ພອນສະຫວັນ ມະນີສີ
ວັນທີ 15 ຫາ 16 ກັນຍານີ້ ທ່ານ ເພັງສອນ ແກ້ວວິໄລ ຮອງເລຂາພັກແຂວງ ຜູ້ຊີ້ນໍາວຽກງານກໍ່ສ້າງຮາກຖານການເມືອງ ຂັ້ນແຂວງ ພ້ອມດ້ວຍຄະນະນຳຂອງແຂວງ,ຂອງເມືອງ ໄດ້ສໍາເລັດການລົງຊຸກຍູ້ຕິດຕາມວຽກງານກໍ່ສ້າງຮາກຖານການເມືອງ, ພັດທະນາຊົນນະບົດ,ວຽກງານ 3ສ້າງ ຕິດພັນກັບການສ້າງບ້ານໃຫ່ຍໃຫ້ກາຍເປັນຕົວເມືອງນ້ອຍໃນຊົນນະບົດ ແລະ ບ້ານພົ້ນທຸກ ຢູ່ບ້ານຫາດສະ, ບ້ານກ້ອນຕື່ນ, ບ້ານຫ້ວຍລຳແພນ ເຂົ້າຮ່ວມມີທ່ານ ສາລີ ວັນນະສານ ຮອງເລຂາພັກເມືອງ ຜູ້ຊີ້ນຳວຽກງານກໍ່ສ້າງຮາກຖານການເມືອງຂັ້ນເມືອງ ມີບັນຄະນະນຳຂອງແຂວງ, ຂອງເມືອງ ອຳນາດການປົກຄອງບ້ານ ເຖົ້າແກ່ແນວໂຮມ ພະນັກງານກໍ່ສ້າງຮາກຖານການເມືອງປະຈຳບ້ານ ເຂົ້າຮ່ວມ.

ການລົງຊຸກຍູ້ຕິດຕາມວຽກງານກໍ່ສ້າງຮາກຖານການເມືອງ,ພັດທະນາຊົນນະບົດ,ວຽກງານ 3ສ້າງ ຕິດພັນກັບການສ້າງບ້ານໃຫ່ຍໃຫ້ກາຍເປັນຕົວເມືອງນ້ອຍໃນຊົນນະບົດ ແລະ ບ້ານພົ້ນທຸກຄັ້ງນີ້: ທ່ານ ເພັງສອນ ແກ້ວວິໄລ ຮອງເລຂາພັກແຂວງ ຜູ້ຊີ້ນຳວຽກງານກໍ່ສ້າງຮາກຖານການເມືອງ ຂັ້ນແຂວງ ໄດ້ມີຄຳເຫັນເໜັ້ນໜັກຫຼາຍວຽກງານທີ່ສຳຄັນໃຫ້ທຸກພາກສ່ວນຕ້ອງໄດ້ພ້ອມກັນເອົາໃຈໃສ່ປະຕິບັດກຳນົດໜ້າທີວຽກງານແຜນການ,ແຜນງານ, ຈາກຂອງແຂວງຂອງເມືອງມາຫັນເປັນຂອງບ້ານໃຫ້ລະອຽດ, ສືບຕໍ່ປັບປຸງກວດກາຄືນໃຫ້ລະອຽດພ້ອມທັງໃຫ້ຫັດກຸມກ່ຽວກັບກົດລະບຽບຂອງບ້ານ, ປັບປຸງກົງຈັກຂອງບ້ານຕາມ 5 ໜ່ວຍງານຂອງບ້ານໃຫ້ໜັກແໜ້ນເຂັ້ມແຂງ, ຖືເອົາວຽກງານການເມືອງແນວຄິດເປັນວຽກງານກົກຕ້ອງປະຕິບັດເປັນປະຈຳໃນການສຶກສາອົບຮົມໃຫ້ພໍ່ແມ່ປະຊາຊົນຢ່າງເນື່ອງນິດລຽນຕິດ ແລະ ຕໍ່ເນືອງ, ເສີມຂະຫຍາຍມູນເຊື້ອຄວາມດຸໝັ່ນຂະຫຍັນພຽນຂອງພໍ່ແມ່ປະຊາຊົນໃນການສ້າງສາເສດຖະກິດຄອບຄົວໃຫ້ມີຢູ່ມີກິນ ແລະ ຮັງມີຂື້ນເປັນກ້າວໆ,

ພ້ອມກັນແກ້ໄຂບັນຫາປະກົດການຫຍໍ້ທໍ້ຕ່າງໆຢູ່ພາຍໃນບ້ານໃຫ້ມີຄວາມສະຫງົບສຸກ,ຕ້ອງມີຄວາມສະມັກຄີທັງພາຍໃນ-ພາຍນອກຢ່າງສະໜິດແໜ້ນ ພ້ອມນັ້ນກໍ່ໃຫ້ສືບຕໍ່ປະຕິບັດວຽກງານຈຸດສຸມຕາມ 14 ມາດຖານໃນການສ້າງບ້ານໃຫ່ຍໃຫ້ການເປັນຕົວເມືອງນ້ອຍໃນຊົນນະບົດ ແລະ 8 ມາດຖານຂອງການສ້າງບ້ານພົ້ນທຸກໃຫ້ໄດ້ຄົບຕາມມາດຖານເງື່ອນໄຂ ເຮັດໃຫ້ບ້ານຫາດສະ,ບ້ານກ້ອນຕື່ນ ໄດ້ປະກາດເປັນບ້ານໃຫ່ຍການເປັນຕົວເມືອງນ້ອຍໃນຊົນນະບົດ ແລະ ປະກາດບ້ານຫ້ວຍລຳແພນເປັນບ້ານພົ້ນທຸກແຕ່ນີ້ຮອດປີ2024ຕາມແຜນການໄດ້ວາງໄວ້ ໂອກາດດຽວກັນນັ້ນຍັງໄດ້ຮັບຟັງການລາຍຫຍໍ້ກ່ຽວກັບວຽກງານກໍ່ສ້າງຮາກຖານການເມືອງ,ພັດທະນາຊົນນະບົດ,ວຽກງານ3ສ້າງຂອງ3ບ້ານດັ່ງກ່າວຈາກພະນັກງານຮາກຖານການເມືອງປະຈຳບ້ານ ເຊິງໄດ້ຍົກໃຫ້ເຫັນສະພາບລວມຂອງບ້ານ, ການຈັດຕັ້ງປະຕິບັດໜ້າທີວຽກງານໄນລະຜ່ານ ຈຸດອ່ອນຂໍ້ຄົງ ແລະ ແຜນງານທີ່ຈະສືບຕໍ່ຈັດຕັ້ງປະຕິບັດໃນຕໍ່ໜ້າ.